新疆南北走の第十五天

烏魯木齊的西亞國際大巴札 -> 烏魯木齊機場

尋晚超級好訓，因為間房真係大d，張床真係好訓d囉！

今日係最後一天，只得一個行程，就係行烏魯木齊的西亞國際大巴札，即係全烏魯木齊最大的市集囉！

大巴札都有KFC，都幾「國際化」的！

巴札內有好多商店，其中有賣香料的！超多選擇！

至於我同老婆，我老婆買幾件民族衫，一條絲巾，睇下個維族sales幾靚！

買左成個幾鐘頭野，係時候離開烏魯木齊返香港喇！影多幾張相先！

我地搭南方航空CZ6017，由烏魯木齊飛13:45，於20:00左右返到香港。

後記：

今次係我同老婆去得最耐的一個trip，亦係最掛住兩隻小狗的一個trip！其實d景點唔係差，只係d車程真係好長，一坐就四、五個鐘頭，日日都響車上訓覺！記憶較深刻的景點有「那拉提」空中草原、「巴音布魯克」、「九曲十八灣」、「喀納斯湖」、「賽里木湖」、「五彩灣」同南疆的「帕米爾高原」，其他我景點真係印象唔多。

團友話，今次去過南北疆，其實風景同瑞士或紐西蘭差不多，但我地話應該好唔同 --- 至少我地唔駛成日回歸大自然去解決啦！係咪？！

有機會我地一定會去瑞士同紐西蘭的！