新疆南北走の第八天

禾木村 -> 布爾津河堤夜市

響渡假村的日子，覺得好寧靜，因為唔會有人嘈住自己訓，好relax！
今早又想影下相，一出屋門口，竟然見到一大群馬食草！好原始的感受！

食過早餐，要離開渡假村了！我同老婆都有d唔捨得添！

又要坐車，又坐左兩個小時，去到一個叫禾木村的地方，又係響山區內，十分原始！我同老婆見左幾日都係咁，覺得有d悶添！

最難得見到呢個，中國電信的發射器，乜唔係有發射塔咩？不過都幾先進，用太陽能發電，提供電力俾發射器，幾好！

到達禾木村，導遊話要上半山先至見到全景的美。好，行就行啦！沿途經過的小河，d水好清！

上到半山，禾木村的全景真係好靚！有d似北海道富良野的小屋！(我地都係響電視上見過的) 我同老婆決定遲d要去多一次日本北海道，睇富良野的花海同山下的小屋先！

響半山上見到有個牧人帶匹馬行，我見到個意境好靚，睇低佢先！

隨意在山上影的相、用隨意的一部普通相機影，影的相片都好靚的！

山上的景色，點解個天幾時都咁藍的？！

番河邊的小溪，又係一個影相熱點！

睇下幾靚？！

今日的景點，就只有呢個，我地都唔係好捨得走添！

又要坐幾個鐘車，今日我地住布爾津，導遊話帶我地去布爾津河堤夜市，去到夜市已經係下午八點半，個天仲未黑，逛逛先！夜市好像女人街同廟街，仲有好多街邊的大排檔，好多好野食！

導遊叫左幾條燒河魚，即叫即燒，請我地幾個團友食，嘩！燒得好香呀！

好，食完燒魚，日落喇！睇下幾靚！

今日唔係好辛苦，今晚住神湖大酒店，國內四星級，求其啦！都慣左喇！唔好太高要求喇！