新疆南北走の第十四天

莎車 -> 喀什 -> 艾提尕爾清真寺 -> 喀什中西亞國際貿易中心 -> 烏魯木齊

今日要返烏魯木齊，所以行程又係唔多！一早起身由莎車返喀什，去艾提尕爾清真寺，我同老婆真係行左一陣，就出返來喇！

寺內一攝

艾提尕爾清真寺的正門

我地去左廣場另一邊的店舖，睇下有d乜手工藝賣，嘩！都係d我地無乜興趣買的物件，我地話今次我地洗左好少錢！好野！

跟住，導遊話帶我地去喀什中西亞國際貿易中心，其實裡面即係市集！行左一陣，人又多，導遊話等我地返烏魯木齊可以再買過，好，閃！

下午三點左右，我地到達喀什機場返烏魯木齊。其實響南疆呢三日印象唔深囉！

搭飛機無聊，影下相先！

唔好講笑，都幾靚的！

我地搭南航CZ6806，飛15:45，18::00左右到達烏魯木齊。一落機，車左我地去食烤全羊宴，睇到隻烤全羊都唔想食喇！

不過，今晚返酒店前有一娛興節目，就係上左去導遊的屋企喇！導遊對我地真係好好，同佢相處左十幾日，佢地好關照我地，今次有團友提議上佢屋企，佢亞媽又包餃子，又請我地食西瓜，超級有「家」的感覺！導遊話今次係第一次有客人上佢屋企，仲話遲d如果佢來香港的話，佢會聯絡我地喎！

去完導遊屋企已經係晚上十一點，導遊話仲有一個娛興節目推介，就係去腳底按摩！嘩！幾大就幾大啦！今晚係最後一晚，玩大d！我地只係估唔到，原來新疆都有腳底按摩！

今晚住響第日晚訓左三個鐘的凱賓斯基酒店，國內五星級，亦係全個行程中最好我酒店來的！導遊話呢十幾日辛苦哂我地，特別俾我地聽朝遲d起身！等我地有覺好訓！

多謝你呀！導遊！