新疆南北走の第四天

那拉提 -> 向日葵花田 -> 伊寧市 -> 惠遠古城 -> 回族大寺 -> 伊犁河

呢幾天太累，睡得太好喇！雖然尋晚已經十點幾訓，仍然唔夠！好在可以響車上訓下！
今早九點左右出發，繼續行程。車程好長，要大概下午四五點先到景點！嘩！有排訓啦！正！

開左車半個鐘左右，我地見到一大片向日葵花田，就叫導遊俾我地落車睇下，休息一下，影下相！佢當然ok啦，好野，又有一個附加景點！

響車上都知道d向日葵好靚，但係落車先知d向日葵原來有成個人咁高！真誇張！我老婆都係高d花小小咋！

呢個角度就可見d花幾咁燦爛喇！

再來向日葵大特寫！正！

向日葵花田的旁邊，種滿左胡楊樹，用來擋風沙的！

好，睇完向日葵，再上車出發！又行左個幾鐘，又係去「解決」的時間！舒服完後，見到公路上的騾仔，影下先！

又過左個幾鐘，我老婆就一路欣賞窗外的風景，我就 ...... zzzzzzzz........！

下午一點左右，我地經過一處田野，導遊突然叫司機停車，走左落車同個阿婆講左幾句，上番車同我地講，呢個係附加景點！吓！唔係掛！

原來呢個係西瓜田，導遊好好人，叫阿婆切左幾個西瓜俾我地試下！當然無北海道的西瓜咁甜啦！但估唔到新疆除左葡萄之外，西瓜都幾好味，幾多汁的！

睇我老婆食得幾滋味就知道啦！

食過午飯，繼續車程。大約下午六點左右，終於到達伊寧市。先到惠遠古城外圍參觀，真係走馬看花，睇一睇就算了！

再到回族大寺前影左兩三張相，又到下一景點了！

大去旁的維族阿伯賣的羊肉飽，好香，但我同老婆驚污糟，唔敢食！

下一站去伊犁河邊，我地行下行下，見到一窕維族人，三代同堂，好開心，因為中間的小子(右邊第二個)剛進行割禮，所以盛裝出來食飯！見咁難得，又影！

呢家人的呀女好靚，我地成團人不停搵佢影相，我當然唔會錯過呢次機會啦！

河邊其實有好多小食檔，d野食真係好香的！不過我地都係唔夠膽食，因為怕唔乾淨！

仲有好新疆的服飾同飾物賣，可惜唔係我老婆的心頭好囉！

好，差不多要走了！伊犁河邊有好多呢d馬車，載人去參觀附近的景點。

今晚我地去一間自家農莊食飯，裡面的食物全是自己種出來的！

當然有葡萄，雖然未係時候食！

其實有好多種瓜同蔬菜的，仲好新鮮、好大隻添！



呢隻看門小狗好得意，就影佢啦！

今晚住伊寧市將軍大酒店，個名就好勁喇！大陸四星水準啦！(即係香港三星級啦！) 睇下今晚訓得好唔好先！