新疆南北走の第五天

伊寧 -> 達霍爾果斯口岸 -> 果子溝 -> 賽里木湖 -> 精河 -> 蒙古敖包 -> 克拉瑪依

尋晚訓得ok啦！今早食過早餐，導遊話我地今日要去邊境，叫我地小心d財物！哦，知道！
經過個半鐘的車程，由伊寧到達霍爾果斯口岸，係西部最大最早的口岸。其中我地會去國際商貿中心，其實裡面似一個大商場，有d似羅湖商業城，不過裡面都好黑，成個商場差不多都唔開燈的！

我地行左半個鐘，見d野唔太o岩買，走出來行下！我就買左幾個俄羅斯流通的錢幣做紀念囉！

 

出到外面，見到有架好得意的車，睇真d原來係「三輪車」！好似私家車咁，不過係三輪的！好過癮！

街邊有好多小食賣，其中有賣飽的、賣餅的，維族少女正努力中......

好喇！又上車去另一景點喇！沿途見到一d山，被人為破壞，成個山好地地，點解要搞成咁？！

我地經常要避開d羊仔而塞車，不過反而幾得意呀！反正時間多的是！

好喇，沿途經過一個叫「果子溝」的地方，又見到群山巒巒，係咪好有詩意呢？！

山上有蒙古包，應該有人在山上放牧喇！

點知行前d，竟然見到吊機，大興土木，響翠綠山上興建建築物，破壞哂成個環境！我老婆見到，講左一個字：「慘」！

兩個鐘車程後，下午一點半終於到達景點 --- 賽里木湖。從山腳向下望，我地見到一個藍色的湖，湖水點解可以咁藍的？！

落到湖邊，d湖水真係好藍的！

睇下的水幾清澈！湖水仲可以飲用的，因為係天山融雪的水來的！

我同老婆梗係要影番張相啦！

好難先影到呢張相！唔係因為好多團友影，係因為要影個牌，要收錢的！中國人真識做生意！

我地就係響d蒙古包內食午餐，d野食都ok啦！

賽里木湖旁的公路！我成日用呢張相做PowerPoint的背景的！

又經過兩個鐘的車程，到達精河縣，參觀蒙古敖包。

敖包係蒙古語，意思係堆子或鼓包。祭敖包係蒙古人的祭祀活動。敖包通常設於高山或丘陵上，用石頭堆成一座圓錐形的實心塔，頂端插著一根長杆，杆頭上有牲畜毛角同經文布條，四面放著燒柏香的墊石。

我地隨意影左幾張相，因為興趣不大，逗留二十分鐘左右就走喇！

雖然逗留景點唔夠半個鐘，但我地返酒店仲要經過三個鐘！由六點半坐到九點半，有幸響車上見到日落添！都幾靚的！

我地今晚住響克拉瑪依的正天華廈酒店，大陸四星酒店來的！