新疆南北走の第十三天

胡楊國家森林公園 -> 阿曼尼沙汗紀念陵

今早響南疆的行程都幾relax，又係不斷坐車！

沿途經過的地方，有d紫色的植物，我唔記得左個名喇！但幾靚！

公路上的一景，坐長途車見到的南北疆景色都差不多係咁！

有幸見到河流，十分罕有！

今日我地會先去金胡楊國家森林公園，入去要坐驢車的。

我地就係咁樣坐的．．．

入去公園的路

見到一排排的胡楊樹，好整齊

唔知點解d樹會打橫生的呢？

參觀完胡楊樹，去到附近的一個農莊參觀

有好大粒的青葡萄呀！不過不是時令季節，好酸！

仲有甘蔗田添！

好喇！參觀完農莊，去埋阿曼尼沙汗紀念陵。

我同老婆都唔好參觀建築物，行左一陣就出左黎！

見到寺外有一大班維族人坐響梯級上，不其然會問：點解佢地可以咁得閒的呢？

去外的一景，我見幾靚就影左張相先！

大家見到我地post的相又唔多、寫d野又唔多，就知道今日真係全個行程中最悶的一日！
我同老婆講，我開始掛住屋企兩隻狗仔添！點知我老婆話佢從第五日開始已經掛住兩隻小狗，依家掛到死添！

今晚住莎車的莎車賓館，超靚，同電力賓館有得揮！慘慘！