喀什 -> 卡拉庫里湖 -> 帕米爾高原 -> 喀什 -> 阿巴克霍加麻扎 ->
香妃墓 -> 維吾爾族老城
尋晚來到南疆的喀什，已經很累，未有時間去認識呢個地方，今日一清早就要起床，開車去南疆最重要的景點 --- 帕米爾高原。由喀什去檢查站，大概要一個小時的車程，響檢查站前，有好多攤檔，其中有賣燒餅的 ......
睇真d南疆的少女，唔似北疆的眼大，但面部輪廓依然分明。
呢兩姊弟好得意，任我地團友影，仲識得擺post添！
過關的手續尚算順利，我地要先落車檢查，再上車前往目的地，仲要駛多兩個幾小時。到達帕米爾高原附近，見到山峰愈見白色，就知道距離目的地不遠！
途中經過中途站 --- 卡拉庫里湖，係一個冰川湖。湖邊有當地人擺攤檔，主要係賣手工藝品。圖中兩位少女好熱情，雖然我地唔知佢地講乜，但係從佢地的表情得知，佢地對我地都好友善的！
高原上有牧人放牛......
下午三點，終於上到海拔三千公尺的帕米爾高原。天突然清，我地好開心呀！把握機會影相！
有出租駱駝供遊客騎乘，但我地見佢好似無乜生意，因為我地逗留的時間唔多，係都影多幾張相啦！
遠望帕米爾高原的山峰，見到幾條冰川，呢次係我同老婆第一次見冰川，雖然係遠觀，但都幾壯觀的！我同老婆講，話有機會一定要近距離睇冰川！
其實帕米爾高原的環境開始受到破壞，睇下d草地就知道喇！
我都幾鍾意呢張相，幾有詩意！
點解我地要拿住兩個「枕頭」呢？非也，呢兩個係「氧氣袋」來的，當我地有高山症的徵狀時，就代表我地吸收的氧氣唔夠，要吸呢個「氧氣袋」的氧氣！感恩的係我地無乜高山症徵狀，我地都有d信心去更高的地方，例如瑞士或者紐西蘭啦！
帕米爾高原上有商店，但其實顧客唔多，因為我地都寧願花時間去影相！
好，為左去帕米爾高原，整日都付出喇！由高原返到喀什，又已經係下午七點半左右喇！我地仲去另一景點 --- 阿巴克霍加麻扎。其實呢個就係香妃墓，係乾隆皇的香妃埋葬的地方，係一個伊斯蘭教的陵墓。
香妃墓的內部 ......
香妃墓的外圍 ......
其後導遊帶我地去多一處地方，就係維吾爾族老城。老城中的建築物都唔算高，都係兩、三層高的樓房。
老城區內的寺，附近有好多維族人在樹下乘涼。
維吾爾族的少女，全部都唔驚陌生人的，仲好nice俾我地影相！
老城區雖然殘舊，但維族人的熱情令佢地不願離開。
從高處望向舊城區 ......
睇完舊城區已經係下午九點喇！好肚餓呀！今晚同尋晚一樣，我地住響喀什的金長城酒店，質素好過電力賓館好多！
沒有留言:
張貼留言