喀納斯國家地質公園 -> 客納斯湖 -> 圖瓦人部落家訪 -> 激流體驗
尋晚真係訓得一般，因為尋日響車上真係訓左好耐喇！今早七點就起左身，我剩係知道今日去的景點都幾靚的！
尋晚唔記得影相，今朝起身影過！呢度似唔似瑞士d山區呢？！
食過早餐，出發！搭左半小時車程，去到喀納斯國家地質公園，聽導遊講，呢度係新疆的著名景點，好多遊客來的！我知呀！睇下我地尋晚住的酒店有幾多人就知道了！
入風景區要坐園內的專用巴士，因為旅遊巴會排放較多廢氣，唔俾入！為左環保喎！
我地坐專用巴士，途中經過幾個中途站，落車睇下風景，影下相。嘩！風景真係唔錯喎！個天又藍，幾好呀！
好多遊客鍾意影呢個景點，因為條河彎彎曲曲，影出來的效果好靚！
去到中途站，我地響圖中的鐘樓位置落車，行向近河邊的位置。
就見到有好多小朋友走過來想同我地影相，你仲佢地真係咁得閒咩！佢地想同我地影完相，叫我地俾錢佢地啦！好，影一個有d代表性的小朋友啦！呢個幾型仔，就影你啦！
我地見到一隻小羊，我老婆好鍾意佢，好啦，我地俾左一蚊人仔，佢就俾隻羊咩俾我老婆抱，我老婆影呢張相時，係開心到不得了，四萬口面，睇下隻羊咩幾咁Sweet Sweet？！
好，下一景點，就係坐船遊客納斯湖。沿途見到國家領導人同政要先入住到的酒店，真係好似歐洲d屋！我地真係當去左歐洲的！
我地坐呢隻船遊客納斯湖。呢隻遊艇係國家領導人坐的，我地有幸可以安排上呢隻船，全靠導遊人面廣囉！
睇到船內的設備，真係相信唔係一般人可以上呢隻船囉！我地仲爭住影相添！
睇下個湖幾靚！都係我老婆靚d！
遊完船河，我地響附近去圖瓦人部落的家訪。其中經過幾十公里內的唯一小學。
村外的景色，好寧靜！
入到屋內探訪，原來佢地好鍾意用地毯掛響屋的牆上，以代表高貴受尊重！
我地睇左圖瓦人跳舞同唱歌，之後就走了。導遊話來到客納斯湖，有一個自費項目，就係玩激流，問我地有無興趣，我地有十幾個團友話有興趣，難得來到，乜都要試！睇見人地玩得咁開心，梗係玩啦！
嘩！響新疆玩激流，真係想都無想過！都幾好玩的！值得推介！
玩完激流，想欣賞客納斯湖的全景，就要行上山睇喇！好，努力！
行左半個鍾左右，終於上到山上的一個塔，可以望到客納斯湖的全景！好靚！指示牌話，遠處的山峰係俄羅斯，要好好天色先至見到的！嘩！我地今日好榮幸見到呀！
睇下我地上呢個塔幾辛苦？！上面有好多人，影相都有d困難的！
今日全天遊覽客納斯湖，都幾滿足！好！返「酒店」喇！渡假村的全景，原來有咁多間屋的！
好，今晚又係食「自助餐」，又要一大班人迫！
今晚又早d訓啦！
沒有留言:
張貼留言