新疆南北走の第九天

五彩灘 -> 福海烏倫古湖黃金海岸 -> 阿勒泰

尋晚都訓得幾好，今早仲可以遲少少check out，好！

食過早餐，上車後，今日的行程得兩個景點，都習慣喇！

沿途經過，見到一排排的風車。

行左個幾小時，到達第一景點 --- 五彩灘。五彩灘好特別，有一條河分隔，一邊係綠洲，一邊係山崖，好有特色！

導遊話呢d叫雅丹地貌囉！

上到山上，真係見到一邊綠洲、一邊山崖，好得意！

睇下個地勢幾高，d人幾細粒？！

個山崖都幾特別，因為係有唔同顏色的！響香港未見過！

影張遠景先！

估唔到兩岸有一條吊橋聯繫，如果唔係，都唔知d村民點過橋！

好，逗留個半小時，離開五彩灘喇！去食飯先，再去下一景點。途中見到國寶 --- 國產紅旗車！紅旗係國寶級的汽車，相就見過，就眼就第一次見！難得！難得！

梗係要影埋背部啦！紅旗喎！

又坐四個鐘頭車，到達今日第二個景點 --- 福海烏倫古湖黃金海岸。起初我地以為又好似客納斯湖咁，一睇，嘩！點解有個沙灘的？！唔係掛！

有人游水、有人曬太陽，仲可以玩快艇同水上砲單車添！香港都無咁多野玩啦！仲要係響個淡水湖上面遊喎！唔係海喎！勁羨慕！

真係有好多人來游水的！

真係「黃金海岸」來的！無呃大家！

好，驚喜完畢，要返酒店喇！今晚住阿勒泰電力賓館，勁！

聽導遊講，呢間賓館「名不乎實」的！睇下點先！