新疆南北走の第六天

克拉瑪依 -> 黑油山公園 -> 烏爾禾魔鬼城 -> 喀納斯湖自然保護區

今日導遊話全程坐車，嘩！即休無乜景點睇啦！慘！

響克拉瑪依酒店附近，有一個公園，都幾靚的！

仲有一個塔，唔知係乜，又影！

十五分鐘車程後，我地到達的老婆最想睇的景點 --- 黑油山公園。公園外平平無奇！

但響入口就見到一個石油池！我老婆係地理人，話見到石油係好難得的！

原來整個城市都在採集石油！睇下幾多部鑽油機？！

黑油山公園的紀念碑。

鑽油機成為我同老婆的影相背景，我老婆不斷叫我影多d呀！

走喇！又一個鐘車程，到達第二景點 --- 烏爾禾的魔鬼城。

入魔鬼城又要坐駱駝的，因為風蝕的地貌，形成怪異的地形，所以叫魔鬼城。

其實，我地行左半個鐘，見來見去都係咁，都有d悶！無心機影相喇！

上車喇！下午一點左右開車，竟然要到下午七點先至到達「酒店」！呢兩晚我地住喀納斯的新樂國際渡假村，無錯！又係渡假村！但係導遊話，喀納斯最好的住宿已經係呢處喇！
渡假村外的山景，都幾好啦！不過呢幾日成日都見到，又開始有d悶喇！

今晚食飯係食自助餐，都幾誇張的，因為其他民族(我都唔知佢地係乜族)食野時真係好「狼」！係咁攞係咁攞，慌死蝕抵！

好，食完飯，出面仲有串燒羊肉賣！哈哈！

好，今晚唔係好累，響車上已經訓左好耐喇！