新疆南北走の第十天

五彩城 (五彩灣)

尋晚住的酒店都可算係「經典」了！「電力賓館、電力缺乏」！成間酒店好似無電咁，好似入左「猛鬼酒店」咁！我同老婆覺得間酒店好無安全感，好恐怖！終於見識過國內的「四星級」酒店喇！

今日因為要趕返接近烏魯木齊附近，所以要趕成七至八個小時的車程，係咁多日行程中暫時最長的連續行程。我地個個都係訓覺！偶爾影下窗外的景色，發現兩個鐘頭前同兩個鐘頭後的景色，幾乎一致！

 

今日的天色唔太好，我地都好擔心會落雨呀！

今日我地會去一個叫五彩城的地方，又稱五彩灣，其實係風蝕岩漠的雅丹地貌，因為好耐之前係湖盆地區，沉積左各種色彩鮮艷既湖相岩層，形成左五顏六色的山包，導遊話好靚的！仲係「臥虎藏龍」拍攝之地添！但係，行左咁耐，都剩係紅色的山，無乜特別！

好喇，下午四點半，終於到達五彩城。五彩城是由數十座五彩山丘組成，面積有十幾平方公裡。

嘩！好靚呀！靚過五彩灘好多！不過天氣就差d，落毛毛雨，天暗暗，又凍！唔理咁多喇！快d影相先！

我地仲以為去左火星添！勁似！

其實，影來影去都差唔多，不過唔知點解，硬係要繼續影 .......

其實d山仔唔係好高，但真係見到有一層層的顏色，好特別！

萬紅叢中一點綠！

我老婆同我都不斷影相，尤其是我老婆，佢覺得呢個地貌真係好特別！

近景一影！一層層的！

山經過風化，有一個個洞，地面亦龜裂一塊塊！

偶爾見到的「小溪」！

睇下d人幾細粒！可知我地影相的地方有幾高囉！

影多兩張先！因為太凍又開始落大雨，行左一個鐘就走左！

今晚住的酒店更特別，同「電力賓館」更勁！嘩！唔好玩啦！連續兩晚都咁激！累死！