日本大阪和歌山初體驗の第一天

關西空港 -> 南紀白浜市場 -> 圓月島 -> 千疊敷 -> 三段壁 -> 南紀勝浦溫泉

呢次係我同老婆第三次去日本，但從未試過出發的時間是那麼的「早」！

為了01:40的集合時間，及乘搭國泰04:20的航班，我地零晨00:30左右乘搭的士往赤鱲角機場，真早！

到機場辦妥手續，入候機室休息，已經是03:30左右，看到的機場是這樣的！我從未見過咁樣的情景！

飛到日本關西空港只是上午08:50，其實我同老婆都好累！但當上了旅遊車，看看沿途的風景，乜累氣全消！旅遊巴駛到一個中途站，下了車，隨意看到山上的紅葉，十分靚！影幅相先！

走近前面的櫻花樹，睇到的櫻花顏色同上次去東京的不同，呢次比較淡粉紅，好特別！

影影中途站的景緻！

我有d肚餓，老婆叫我試下飲當地的鮮奶，望望個樽，「牧場直送」，好！信佢一次！飲下先！嘩！極之新鮮，十分有奶味！專業推介！

大約兩個半小時的車程，終於到達目的地 --- 南紀白浜市場 (Tore Tore海鮮市場)。

去到魚市場，梗係要欣賞師傅現場切魚生！刀刀有力，勁！

呢包就係上面條吞拿魚。十分新鮮！

呢包都係上面條吞拿魚，但貴成千幾円，因為係吞拿魚腩！見佢咁新鮮，立即買番去俾老婆試試！

我地食的午飯，餸並唔多，但好特色！

加埋我地剛買的吞拿魚腩就Perfect喇！

午飯後去我地第一個景點。途中看見一個小島好特別！呢個島叫圓月島，係由長期受由海浪沖刷侵蝕而成的一個圓洞，成為白濱一個具代表性的景點。呢幅相響車上面影的，都影得幾好喇！

到達第一個景點 --- 千疊敷。千疊敷長期由海浪洗刷，睇落好似好多榻榻米疊埋一齊，個名就係咁得來。呢個亦係去和歌山必到景點，我老婆呢個地理人點會錯過呢！

個天好靚好藍，個海好清，我老婆話呢個位清楚見到條段層，好！又影低先！

一定要影呢個位置啦！

上去千疊敷的店舖，我老婆話呢個景好靚，好想影番幅相！影得好有藝術Feel！

跟住去第二個景點： 三段壁。三段壁亦係由海浪沖刷而成的天然海灣，我地要搭36米的升降機由地面到地底，唔知裡面會係點？

裡面係一條窄窄的通道，d海浪由海中心湧入，浪愈入愈高，最後泊到崖壁邊，形成隆隆巨響！好震撼！

響三段壁逗留大半小時，我同老婆都覺得累，導遊話要上車，返酒店！好，十分好！
一坐車又兩小時，差不多下午五點先到達酒店。導遊叫我地先取行李落車，因為車唔可以直接到達目的地。我地離遠望到隻船，好得意！呢隻船叫「浦島丸」，由岸邊接載客人到酒店；原來今晚往的酒店叫「南紀勝浦溫泉」，島上剩係得呢間酒店！好出名同好巴閉！

由於真係太累，我同老婆立即享用島上的設施 --- 浸溫泉！相都唔影，快快浸溫泉，Relax一下！

累了，明天先介紹呢間酒店有乜特色！