新疆南北走の第一天及第二天

烏魯木齊機場 -> 伊寧 -> 那拉提空中草原

今年暑假我同老婆商量去邊旅行時，我地發覺遲遲都未能計劃好，原因係今年暑期我有好多野要準備，所以D假期比較難攞，本來我只得八日假期的，但我呀頭好好，頂左我個job，令我可以放多一個星期假，頭尾有十四、十五日左右，thanks 呀頭！

本來我同老婆講，我地今年好累，想去個relax trip，可以係泰國啦！但係我老婆話上年十二月先去完，咁快又去，唔好啦！另外，我地又好貪玩，想去一d平時假期去唔到的地方，因為無咁長假期呀！想玩盡d吖！去，決定搵下有乜地方去先！

2004年去過絲綢之路，當時導遊強烈推介我地去新疆北部旅行，一來風景實在好靚，二來因為去新疆都比較辛苦，車程又長，親後生去好D！我地都去過好多間旅行社，想試下去新疆，一係就玩番絲路，我地又唔想再去多一次；一係就係一d好辛苦的團，我地更唔想去！無意間搵到一間旅行社，其實都幾「高擋」的，佢地有八天剩北疆團同十五天北疆加南疆團，睇下行程，我同老婆都好鍾意，好！報名先！起初我只想報八天北疆團，因為想留d時間休息一下，不過老婆話難得我地去新疆，去埋今次短期內應該唔會再去，今次要去就不如玩「盡」d啦！好，我地決定報十五天的南北疆旅行團，玩到最「盡」先！

其實我同老婆未試過去十五日旅行咁耐，真係唔知捱唔捱得住！好，點都試下啦！
我地於20:45搭中國南方航空CZ 6018由香港飛烏魯木齊，去到烏魯木齊是第二天的02:30，嘩！好早呀！取回行李，立即返酒店訓兩三個鐘！今晚住凱賓斯基酒店，當地算係五星級的！

點解只係訓得兩三個鐘？因為我地要響烏魯木齊機場搭CZ 6821飛07:25去伊寧，所以要8月4日上午6點左右出車，6點半前要去到機場check in！飛到伊寧大約09:00！好累呀！仲未訓夠！
去到伊寧機場，雖然好累，但真係要影番張相，因為機場好似幾個硬地足球場咁大，仲有，成個機場只得我地呢班機！再見唔到其他飛機！究竟呢個係咪機場來的？！真係大開眼界！

落機喇！無Shuttle Bus，我地仲可以「施施然」由停機坪行入「機場大樓」！

無錯！呢個就係「機場大樓」喇！一樁建築物，平平無奇的！等行李出都係幾有趣，睇住兩三個職員將行李由飛機取下，用普通卡車送至「機場大樓」，又係佢地將行李由卡車上放響行李輸送帶，幾合乎成本效益！我地覺得好威，因為成個機場由海關到運輸，都剩係服侍我地呢班機的乘客，好有「賓至如歸」的感覺！

上午十點左右，終於離開機場，出發喇！我同老婆都幾期待的，因為十幾日的行程，應該會有好多野睇的！

伊寧位於新疆的西北面，響烏魯木齊的西面，都幾近西北的邊界的。在公路上，見到兩邊的屋，感覺好似去左八十年代的廣州，兩層高的建築，十分「大陸化」！

新疆南北走の第三天

那拉提 -> 天山山眽 -> 巴音布魯克平原 -> 天鵝湖 -> 九曲十八灣 -> 那拉提

尋晚實在係一個好好的經驗，因為未試過去旅行住渡假屋，但又訓得幾好喎！可以之前一晚無覺好訓啦！

一大清早起床，覺得空氣好新鮮，正！食過早餐，上午九點左右出發！
車一直上山，我地除左響車上訓覺，就無乜野做！坐左一個鐘頭車左右，我忽然覺得有d凍，起身想著件衫，看出窗外，見到呢個情境，二話不說，立即用相機影低！( 我影呢張相的時候，係無用soft lens的！ 之後亦無用 Photoshop 執過的！) 因為車上的窗係全關，而車上山後，氣溫變冷，形成「車內暖、車外凍」的情況，我地呼出的氣體比車外的溫度高，就會響車上的玻璃形成一層薄霧，車內睇出去好似有層soft lens咁！我好滿意呢張相的，仲做埋電腦 wall paper 添！

導遊話車外就係天山山眽的風景喇！成團人醒哂！狂影相！

夏天的天山山眽，真係好似瑞士咁靚！

新疆南北走の第四天

那拉提 -> 向日葵花田 -> 伊寧市 -> 惠遠古城 -> 回族大寺 -> 伊犁河

呢幾天太累，睡得太好喇！雖然尋晚已經十點幾訓，仍然唔夠！好在可以響車上訓下！
今早九點左右出發，繼續行程。車程好長，要大概下午四五點先到景點！嘩！有排訓啦！正！

開左車半個鐘左右，我地見到一大片向日葵花田，就叫導遊俾我地落車睇下，休息一下，影下相！佢當然ok啦，好野，又有一個附加景點！

響車上都知道d向日葵好靚，但係落車先知d向日葵原來有成個人咁高！真誇張！我老婆都係高d花小小咋！

呢個角度就可見d花幾咁燦爛喇！

再來向日葵大特寫！正！

新疆南北走の第五天

伊寧 -> 達霍爾果斯口岸 -> 果子溝 -> 賽里木湖 -> 精河 -> 蒙古敖包 -> 克拉瑪依

尋晚訓得ok啦！今早食過早餐，導遊話我地今日要去邊境，叫我地小心d財物！哦，知道！
經過個半鐘的車程，由伊寧到達霍爾果斯口岸，係西部最大最早的口岸。其中我地會去國際商貿中心，其實裡面似一個大商場，有d似羅湖商業城，不過裡面都好黑，成個商場差不多都唔開燈的！

我地行左半個鐘，見d野唔太o岩買，走出來行下！我就買左幾個俄羅斯流通的錢幣做紀念囉！

 

出到外面，見到有架好得意的車，睇真d原來係「三輪車」！好似私家車咁，不過係三輪的！好過癮！

街邊有好多小食賣，其中有賣飽的、賣餅的，維族少女正努力中......

新疆南北走の第六天

克拉瑪依 -> 黑油山公園 -> 烏爾禾魔鬼城 -> 喀納斯湖自然保護區

今日導遊話全程坐車，嘩！即休無乜景點睇啦！慘！

響克拉瑪依酒店附近，有一個公園，都幾靚的！

仲有一個塔，唔知係乜，又影！

十五分鐘車程後，我地到達的老婆最想睇的景點 --- 黑油山公園。公園外平平無奇！

新疆南北走の第七天

喀納斯國家地質公園 -> 客納斯湖 -> 圖瓦人部落家訪 -> 激流體驗

尋晚真係訓得一般，因為尋日響車上真係訓左好耐喇！今早七點就起左身，我剩係知道今日去的景點都幾靚的！

尋晚唔記得影相，今朝起身影過！呢度似唔似瑞士d山區呢？！

食過早餐，出發！搭左半小時車程，去到喀納斯國家地質公園，聽導遊講，呢度係新疆的著名景點，好多遊客來的！我知呀！睇下我地尋晚住的酒店有幾多人就知道了！

入風景區要坐園內的專用巴士，因為旅遊巴會排放較多廢氣，唔俾入！為左環保喎！

我地坐專用巴士，途中經過幾個中途站，落車睇下風景，影下相。嘩！風景真係唔錯喎！個天又藍，幾好呀！

新疆南北走の第八天

禾木村 -> 布爾津河堤夜市

響渡假村的日子，覺得好寧靜，因為唔會有人嘈住自己訓，好relax！
今早又想影下相，一出屋門口，竟然見到一大群馬食草！好原始的感受！

食過早餐，要離開渡假村了！我同老婆都有d唔捨得添！

又要坐車，又坐左兩個小時，去到一個叫禾木村的地方，又係響山區內，十分原始！我同老婆見左幾日都係咁，覺得有d悶添！

最難得見到呢個，中國電信的發射器，乜唔係有發射塔咩？不過都幾先進，用太陽能發電，提供電力俾發射器，幾好！

新疆南北走の第九天

五彩灘 -> 福海烏倫古湖黃金海岸 -> 阿勒泰

尋晚都訓得幾好，今早仲可以遲少少check out，好！

食過早餐，上車後，今日的行程得兩個景點，都習慣喇！

沿途經過，見到一排排的風車。

行左個幾小時，到達第一景點 --- 五彩灘。五彩灘好特別，有一條河分隔，一邊係綠洲，一邊係山崖，好有特色！

導遊話呢d叫雅丹地貌囉！

新疆南北走の第十天

五彩城 (五彩灣)

尋晚住的酒店都可算係「經典」了！「電力賓館、電力缺乏」！成間酒店好似無電咁，好似入左「猛鬼酒店」咁！我同老婆覺得間酒店好無安全感，好恐怖！終於見識過國內的「四星級」酒店喇！

今日因為要趕返接近烏魯木齊附近，所以要趕成七至八個小時的車程，係咁多日行程中暫時最長的連續行程。我地個個都係訓覺！偶爾影下窗外的景色，發現兩個鐘頭前同兩個鐘頭後的景色，幾乎一致！

 

今日的天色唔太好，我地都好擔心會落雨呀！

今日我地會去一個叫五彩城的地方，又稱五彩灣，其實係風蝕岩漠的雅丹地貌，因為好耐之前係湖盆地區，沉積左各種色彩鮮艷既湖相岩層，形成左五顏六色的山包，導遊話好靚的！仲係「臥虎藏龍」拍攝之地添！但係，行左咁耐，都剩係紅色的山，無乜特別！

新疆南北走の第十一天

五彩灣 -> 烏魯木齊 -> 新疆維吾爾自治區博物館 -> 烏魯木齊機場 -> 喀什

尋日離開五彩灣，車程仲有兩、三個鐘先到住的地方，仲要落大雨，慘！去到已經天黑黑！尋晚我地住響五彩灣溫泉渡假村，聽落好似好grand囉，其實係荒地中的一片綠洲！

尋晚發生一件小插曲，唔講住先，先影影渡假村的遠景！

知唔知呢d係乜？太空艙？無錯，係響地球的太空艙！俾人住的！見到個分體式冷氣機嗎？左面係門口，入到室內有一房一廳，仲有麻雀供應，可以響廳打牌添！

導遊話呢處有得浸溫泉，係喎！好似泳池咁！有煙噴出來的，應該係溫泉水掛！

新疆南北走の第十二天

喀什 -> 卡拉庫里湖 -> 帕米爾高原 -> 喀什 -> 阿巴克霍加麻扎 ->

香妃墓 -> 維吾爾族老城

尋晚來到南疆的喀什，已經很累，未有時間去認識呢個地方，今日一清早就要起床，開車去南疆最重要的景點 --- 帕米爾高原。由喀什去檢查站，大概要一個小時的車程，響檢查站前，有好多攤檔，其中有賣燒餅的 ......

睇真d南疆的少女，唔似北疆的眼大，但面部輪廓依然分明。

呢兩姊弟好得意，任我地團友影，仲識得擺post添！

新疆南北走の第十三天

胡楊國家森林公園 -> 阿曼尼沙汗紀念陵

今早響南疆的行程都幾relax，又係不斷坐車！

沿途經過的地方，有d紫色的植物，我唔記得左個名喇！但幾靚！

公路上的一景，坐長途車見到的南北疆景色都差不多係咁！

有幸見到河流，十分罕有！

新疆南北走の第十四天

莎車 -> 喀什 -> 艾提尕爾清真寺 -> 喀什中西亞國際貿易中心 -> 烏魯木齊

今日要返烏魯木齊，所以行程又係唔多！一早起身由莎車返喀什，去艾提尕爾清真寺，我同老婆真係行左一陣，就出返來喇！

寺內一攝

艾提尕爾清真寺的正門

新疆南北走の第十五天

烏魯木齊的西亞國際大巴札 -> 烏魯木齊機場

尋晚超級好訓，因為間房真係大d，張床真係好訓d囉！

今日係最後一天，只得一個行程，就係行烏魯木齊的西亞國際大巴札，即係全烏魯木齊最大的市集囉！

大巴札都有KFC，都幾「國際化」的！

巴札內有好多商店，其中有賣香料的！超多選擇！