泰國曼谷自由行の第一天及第二天

SuperRich 兌換店 -> Emporium商場 -> Asia Herb Association Spa ->

Sukhumvit 娥姐泰國菜 -> Suan Lum Night Bazaar

我同老婆去過台灣、韓國、澳洲同日本，我話想試下去泰國，但我老婆話之前去過曼谷芭提雅，話一d都唔好玩，所以遲遲無行動。直至最近興泰國自由行，我老婆又想去泰國買特色民俗衫，所以就決定去曼谷自由行。

嘩！曼谷的機票十分平，包稅都只係$1780，抵！今次我地坐阿聯酋航空 EK385，飛香港時間8月1日22:25，到達曼谷已經係8月2日12:30喇！我地趕快搭的士去我地的apartment --- Urban House ，快快訓覺先！

曼谷同香港有時差一個鐘頭，第二朝約八點起床，影影apartment個門口先！點解我地會住呢間apartment，因為平、又大間、交通又方便囉！每晚 1,350 Baht ，即港幣 $280，超抵！

唔好以為平野無好呀！錯！其實我地間房真係好正好正，有廚房仔啦！

有大大張的梳化！

泰國曼谷自由行の第三天

Siam Center -> Siam Square -> MBK -> Siam Paragon -> Suan Lum Night Bazaar

尋日咁累，今早都訓耐d先！今日我地以shopping為主，先去Siam Center先！見到我地的至愛 --- Fuji ， 入去食個lunch先！

有我地最鍾意的刺身！盛惠 250 bahts！港幣 $52 ，抵！

我地叫左兩個set lunch，都幾飽的！

泰國曼谷自由行の第四天

湄南河 -> 臥佛寺 Wat Pho -> 高山路 Khao San Road -> 大皇宮 Grand Palace ->

玉佛寺 Wat Phra Kaew -> 唐人街 Yiu Wa Rat ->  Le Restaurant 法國菜餐廳

之前兩日以shopping為主，今日要參觀外曼谷的景點喇！我地一早就去到湄南河邊的Oriental Pier (1) 搭船！

途中見到 The Peninsula Bangkok，成港幣$1,600一晚！貴！

湄南河兩旁有好多碼頭仔，同民居都好近的！

泰國曼谷自由行の第五天

Chatuchak (JJ Market) -> Siam Square

今早我地仍然回味尋晚的法國餐呀！太感動喇！

好，今日係星期六，我地有一處好想去的，一大早就搭BTS出發！

我地搭 BTS 到 Mo Chit 站落車，去翟道翟 (Chatuchak / JJ Market) 跳蚤市場掃貨！

泰國曼谷自由行の第六天

Siam Center、Siam Paragon -> Central World -> Big C

今日係最後一天，我老婆話要出去再「博殺」呀！因為d衫實在係太便宜、又靚！

上午九點左右，又搭BTS去Siam呀！

再去Siam Center、Siam Paragon一帶，又買左幾件衫！

台北近郊新體驗の第一天

西門町 -> 烏來 -> 雲仙樂園 -> 饒河街夜市

自從2001年一大班同事去台北旅行，及2003年的韓國之旅後，已有幾年沒有與其他同事一起遊玩喇！同事都知我地去旅行去得都頻密，幾難得今次呀同事Pingu話悶悶地，想一齊去下旅行玩下，relax下，好啦，今次又去台北啦，一來近d，二來我地只想去三天，就選擇台北啦！
其實台北好多地方都去過，今次我地想去一d特色的地方，好，一於去台北的近郊先，我估好多人都未去過的！

我地一大清早到機場，坐港龍KA486，上午7:40起飛，去到台北、check埋in，都只係中午時份，仲有大把時間去玩！好，let's go！

響機場搭飛狗巴士時，竟然撞見我地的同事呀楊，好親切！

我地住的酒店好近西門町，一出來就係誠品，影番張相先！

第一件事梗係食野啦！西門町咁多野食！我地每次去台北，一定要食阿宗麵線，因為好味得黎，仲有好多材料添！



諗起都想食！睇下老婆同Pingu食得幾滋味！

台北近郊新體驗の第二天

大溪花海農場 -> 迷你玩具博物館 -> 鼎泰豐 -> 士林夜市

尋晚訓得唔錯，今朝起身竟然無喉嚨痛喇！感恩！

我地住響東龍大飯店，行去西門町捷運站都只係5分鐘路程，酒店唔算新，但都算幾乾淨，最重要的就係都幾平呀！一落樓下就有好多店舖選擇食早餐，夜晚返來仲有好多小食店繼續營業，尋晚我地先去一間鮮搾果汁店飲木瓜汁受苦瓜汁！正！

好，今朝食過早餐，出發去第二主打 --- 大溪花海農場。我地先要搭捷運，再搭火車去桃園。

再響桃園搭巴士(公車)去大溪，然後再要「打的」，都幾轉接的！

台北近郊新體驗の第三天

九份 -> 國立臺灣師範大學 -> 西門町

今天一大清早起床，響酒店食左美味的早餐，出發去今日的主要景點 --- 九份。其實已經到九份幾次，但每次去九份都係下雨，所以抱著「不屈不撓」的精神，今次想去九份係天晴的！

但尋日同前日都有雨落，今日都不太樂觀！

好，搭捷運去台北，轉火車去瑞芳，由瑞芳坐的士上九份，已經好熟喇！

今日上九份唔抱太大期望，但上山途中，天色並不太差！感恩！

北海道冬季浪漫之旅の第一天

札幌 -> 札幌薄野不夜天 -> 橫丁拉麵街

每年的農曆新年，我外父外母都會出外地旅行，除了散散心、叉叉電外，最重要是一家人可以開開心心聚在一齊。我同老婆雖然有多次旅行經驗，但未試過兩公婆與外父外母一齊去，既然今次大家都想去日本，好啦，一齊去啦！阿姨同表妹都想去，ok，「阿妹旅行團」共有六人報名 --- 「已成團」！

我地乘搭國泰CX2582班機於11:45起飛，大約下午五時到達北海道。都知道冬天的北道會落好大雪，我地帶著期待的心情，希望五天行程有得睇落雪啦！

Check-out之後，首先去札幌的一間餐廳食晚飯。今晚係食自助燒烤，有好多野食的，D甜品又好味，D肉又鮮，我老婆最鍾意係自己煮的烏冬，超彈牙！讚！

唔知係自己肚餓，定係日本D野食真係好味D，我竟然食極都唔飽的！

好喇！食飽飽，未到上車集合的時間，出餐廳外行下，竟然見到一排「麵包車」泊響停車場，應該係二手車來的。

北海道冬季浪漫之旅の第二天

黑岳山 -> 層雲峽 -> 銀河瀑布、流星瀑布 -> 網走

尋晚又食得飽、又浸溫泉、又訓得好，今朝好好精神！
從酒店房間望出外，見到的只有白色，就知道尋晚應該落好大的雪！

食過早餐，導遊話我地知，尋晚真係落好大雪！我地出外想行下，嘩！好凍呀！求其影兩三張酒店的雪人公仔，快d入返室內暖暖先！

好，開車喇！今日第一站係黑岳，導遊話車程要四個小時，嘩！又爭取時間訓陣先！沿途見到的就只係咁樣，勁無奈！

北海道冬季浪漫之旅の第三天

網走破冰船 - > 雪上電單車 - > 屈斜路湖 - > 阿寒國立公園硫黃山 - > 阿寒湖

一大清早起床，由酒店的房間外望，嘩！今日天氣好好呀！前兩日的天氣都唔太好，今日見到晴天，心情都靚d！

 

好，食過早餐，出發！今日我地會在網走坐破冰船，破冰船只會在一月中至四月初出Trip，限定航行的！未上船，先影張相先！

我老婆去呢個Trip，最期待就係坐破冰船喇！第一次坐破冰船，心情有d緊張，唔係因為驚有意外，係因為想睇下d冰有幾厚！想感受一下破冰的威力！

開船喇！我地覺得好似響香港坐天星小輪一樣 --- 咁定！唔係好覺有「破冰」的情況，可能係d冰唔多啦！坐左一陣，開始有人買左d蝦條餵海鷗，起初都只係三至五隻，整整下，嘩！成天都係！真係有好多的！

北海道冬季浪漫之旅の第四天

阿寒湖 - > 十勝 - > 札幌 - > 白之戀人朱古力廠 - > 小樽 - > 札幌

尋晚十分開心，因為有好多個「第一次」，到朝早仲未興奮完！
起身後從酒店窗望出外，睇番尋晚放煙花的地方，原來係結左冰的阿寒湖，別有一番風味！

湖上有好多公仔，雖然結左冰，我同老婆都出去影左幾張相！

夏天的阿寒湖係好靚，冬天的阿寒湖其實都好平靜的！

導遊話，今天的車程好長，因為要返札幌市同小樽，要到下午三、四點左右才到達，上車時千叮萬囑，叫我地check清楚d行李，唔好遺留響酒店。開車後十五分鐘，真係「好既唔靈醜既靈」，有個「近視」的團友竟然話佢唔見左副眼鏡！勁低能！有乜理由自己無戴con，睇野唔清楚，竟然唔知自己無戴眼鏡？！係咪玩先？！

旅遊車要折返，一來一回，無左大半個鐘！我地成家人已經好唔妥個團友，個團友取回眼鏡，一d悔意都無，粒聲唔出就返埋位，sorry都無句，真無品！

已經遲左喇！好啦，飛車返札幌啦！途中經過十勝作中途站，自費食lunch先，食完再出發！

北海道冬季浪漫之旅の第五天

札幌 -> 狸小路 -> 札幌雪祭 -> 札幌電視塔

連續幾晚都有溫泉浸，感恩！今早天氣好好，睇下個天幾藍！

好，最後一日喇！要返札幌行下先得！第一站一定係狸小路，北海道的購物熱點！導遊推介我地，一定要響日本藥品，因為日本國內買d藥同出口外國的唔同，本土的藥成份唔同，效果好好多！佢仲介紹左兩隻感冒藥，話好有效的！叫做Paburon「帕不隆」同ShinLuLu「新露露」！我地食過都推介！

狸小路當然有好多「北海道限定」的物品啦！當然唔少得Hello Kitty啦！