台北近郊新體驗の第一天

西門町 -> 烏來 -> 雲仙樂園 -> 饒河街夜市

自從2001年一大班同事去台北旅行，及2003年的韓國之旅後，已有幾年沒有與其他同事一起遊玩喇！同事都知我地去旅行去得都頻密，幾難得今次呀同事Pingu話悶悶地，想一齊去下旅行玩下，relax下，好啦，今次又去台北啦，一來近d，二來我地只想去三天，就選擇台北啦！
其實台北好多地方都去過，今次我地想去一d特色的地方，好，一於去台北的近郊先，我估好多人都未去過的！

我地一大清早到機場，坐港龍KA486，上午7:40起飛，去到台北、check埋in，都只係中午時份，仲有大把時間去玩！好，let's go！

響機場搭飛狗巴士時，竟然撞見我地的同事呀楊，好親切！

我地住的酒店好近西門町，一出來就係誠品，影番張相先！

第一件事梗係食野啦！西門町咁多野食！我地每次去台北，一定要食阿宗麵線，因為好味得黎，仲有好多材料添！



諗起都想食！睇下老婆同Pingu食得幾滋味！

碗麵線真係好多材料的！相信好多香港人都有食過！

我地食的期間，不斷有人排隊買，短短十分鐘，我地估都賣左成百碗麵線，勁！

好，飽飽了！要搭捷運到第一景點：烏來。同老婆及Pingu影張相先！

在捷運上見到的博愛座，是讓座位給老弱傷殘的人士，一般人士並唔會坐響d座位上，就算有人坐左，見到有需要的人士都會讓坐，抵讚！

我地都係第一次去烏來，都唔知環境係點，但一到達，嘩！乜咁靚的！好靚呀！

D屋好有特色！響條河上的！

進入烏來的小橋好窄，人車爭路，但好有特色，響台北市內無見過！

沿途有好多小食店舖，其中有「現烤小米麻糬」，好似糯米糕咁！

途中又見到烏來泰雅民族博物館，應該係介紹當地原住民的生活情況的！

又見肚餓，求其搵間店舖，又食！有竹筒飯啦、雜炒啦、鹵肉飯啦......

仲有肉丸粥、炒A菜......嘩！飽哂！

好，再出發！行去乘搭烏來小火車時，睇見沿途景色優美，仲有好多人響河邊玩水及游泳添！

烏來車站很特色，亦幾隱蔽的！

到達烏來車站，睇到黃色的小火車，我地三個都好興奮！

睇下幾開心先！我地好難得坐頭位的！

經過約10分鐘的車程，到達烏來瀑布。其實都幾似香港的新娘潭瀑布喎！

見到有纜車坐去雲仙樂園，又試下囉！

上山的感覺好正，畏高的就要小心小心！下面就係烏來全景喇！

上到山，我地比較失望，因為只係見到人工的瀑布......

同埋一條吊橋，無喇！其他的景點無乜特色，被「昆」了！

落山的時候仲要落雨添！

搭車番台北市，一定要去夜市啦！今晚去饒河街夜市，去我地的Favourite食晚飯！

登登登登 ....... 就係「三媽臭臭鍋」喇！

睇下我地三個人，叫左兩個鍋，仲有其他配菜呀、肉呀、丸呀，勁多野食！

呢鍋就係我地的至愛！真係好有特色，好好味！但係如果唔食得「臭豆腐」的話就唔好試喇，免得自己受罪喇！

睇下我地的戰績！清哂！如果可以的話，連d湯都飲埋添呀！

離開三媽，梗係要行下夜市、買吓野啦！響我地仲係好飽的時候，竟然見到一條長長的隊，究竟賣乜呢？呀媽教落：有人排長龍，一定有著數！好，唔執輸！一齊排！原來d人係買胡椒餅，好好味的！好，買左兩個，都幾大個的！正！

但我食完之後，個喉嚨就開始唔舒服，勁痕！慘慘！

今晚番酒店食兩粒藥先！