台北近郊新體驗の第二天

大溪花海農場 -> 迷你玩具博物館 -> 鼎泰豐 -> 士林夜市

尋晚訓得唔錯，今朝起身竟然無喉嚨痛喇！感恩！

我地住響東龍大飯店，行去西門町捷運站都只係5分鐘路程，酒店唔算新，但都算幾乾淨，最重要的就係都幾平呀！一落樓下就有好多店舖選擇食早餐，夜晚返來仲有好多小食店繼續營業，尋晚我地先去一間鮮搾果汁店飲木瓜汁受苦瓜汁！正！

好，今朝食過早餐，出發去第二主打 --- 大溪花海農場。我地先要搭捷運，再搭火車去桃園。

再響桃園搭巴士(公車)去大溪，然後再要「打的」，都幾轉接的！

經過近兩個小時的車程，終於到達今個trip最期待的行程 --- 大溪花海農場。話時話，我地當日真係見唔到香港人，旅行團就更加無啦！
我地入園後，就覺得之前的辛苦都值得的！因為我地覺得好似去左日本北海道咁！好靚！忍唔住要響門口影張溫馨相喇！

Pingu同老婆都要影張合照，睇下幾靚？！ ...... 我當然係講緊d花啦！ ......

我老婆同Pingu都靚 .............

有相為證，大家都被眼前的花吸引了，呆哂！真係好似北海道 ...... 雖然細左d！

呢個角度睇係咪有d似日本北海道的富田農場呢？！都好靚的！

我地響呢處影左好多相，除左係因為太靚之外，仲因為當日唔多人，我地最鍾意咁relax的環境行下、影下相、傾下計，不知幾咁enjoy！

我同老婆都好鍾意呢張相，因為我地係笑得好sweet，當然要多謝Pingu「捕捉」到我地最「美」的一刻啦！多謝哂！

我地都無影過三人合照，見到咁靚的景，梗係要搵人幫我地影番張相留念啦！

除左好靚的花外，我地仲好鍾意呢d小花，有白色的 .......

有紫色的，雖然好細朵，但一樣好靚！我地仲響呢個area狂影相添！

影左差不多個鐘相，行到累了，入左農場參觀，有人整緊蜂蜜，我地仲買左一樽添！番香港試，好香好味！

農場中有好多動物，當然有農場三寶：山羊同牛仔啦！

出番花海，見到的小屋就係參觀農場的動物同購買手信的地方。

原來當日係2006桃園草花節的時期，唔怪得d花會咁靚啦！

我地響花海食午餐，其中最特別的就係食台東石板烤山豬肉，好好味！

好，食飽了，因為見天氣開始變差，我地要乘車返台北了！

返到台北，四點左右，又未食得飯，我地去左迷你玩具博物館，收藏左好多「迷你」版的裝飾同公仔的，好過癮的！

睇下d宮廷佈置，其實係「迷你」版，呢個房都有兩尺大啦！

呢間呢仲細，一尺半啦！但裡面好精緻呀！d野好靚，仲好迫真添！

呢間係我最欣賞的「屋仔」，係「迷你」麵包店，個個麵包都做得好仔細，好靚！

仲有，呢隊軍隊真係好grand！

睇到我地幾個呆哂！好似去左lego世界咁！

行左近一個鐘，我地決定先去一間經常要排隊的餐廳食晚飯先！因為當時都仲係下午五點左右，應該唔會咁多人啩！呢間就係鼎泰豐喇！勁多人排隊呀，我地都等左十五分鐘先入到去！

我地梗係要試佢地出名的小籠包啦！睇下我老婆同Pingu食得幾開心！真係「皮薄涵靚」的！

呢個場面都幾grand，因為同一時間有十幾個師傅整小籠包，未見過！

食飽了！再向夜市出發！我地梗係要去士林夜市啦！例牌的！好彩夜晚停左雨啫！

行左一輪，覺得無乜收獲，去左食台灣牛肉湯河囉！

之後過左夜市對面的熟食市場，係就係有好多野食呀，我地都係心儀酒店附近的小食店！好，番去酒店附近再食過！

結果，我地番左酒店附近，食下鹵肉飯、麵呀、炒菜 ...... 多到唔記得食左d乜喇！

經過果汁店，又整兩杯苦瓜汁，勁正！

今晚好好休息，聽日會去我地去台北的「必經之地」！