泰國曼谷自由行の第五天

Chatuchak (JJ Market) -> Siam Square

今早我地仍然回味尋晚的法國餐呀！太感動喇！

好，今日係星期六，我地有一處好想去的，一大早就搭BTS出發！

我地搭 BTS 到 Mo Chit 站落車，去翟道翟 (Chatuchak / JJ Market) 跳蚤市場掃貨！

翟道翟地方太大喇！我地要揀定 Target 去行，如果唔係要行兩日呀！

翟道翟裡有成萬個檔口，分成二十七個區，衫褲、鞋襪、軍服、古董、家品、舊書、首飾包羅萬有，我地重點去買衫囉！

今日好熱，有三十一、二度左右，行兩行就全身濕哂！好彩人唔多，如果唔係一定缺氧暈倒！

我地行左兩、三個鐘頭，覺得有d肚餓，求其搵間shop食泰粉！

泰粉超平，40 Bahts 一碗！睇下老婆食得幾滋味！

咁好味，梗係一人兩碗啦！

再行多接近兩個鐘頭，再抵受唔到「為食」，見到有泰粉，又食！

響翟道翟逗留五個半鐘，我地買左約二十幾件衫、加埋d袋呀、鞋呀、飾物呀，總共四至五大袋呀！我地決定番Apartment先，再出去食晚飯。

今晚去Siam Square 的 Ban Khun Mae 食泰國菜，都幾出名的！

我地 order 左冬蔭功、炸蝦餅、炒通菜、邊爐魚，好好味！共700 Bahts ，平！

食飽後，再去 Siam Square 中的 Swensen's 叫個凍 Mocha ，超超超好飲！

好累喇！聽日係最後一日，一於玩盡佢！