日本北九州感恩之旅の第三天(上)

博多 -> 能古島島嶼公園 -> Marinoa City 及 Outlet

今早出發，先影影 Hotel Sunroute Hakata ，呢間酒店幾好的，又近博多站，仲要做緊 promotion，住三晚俾兩晚錢，超抵！



駕車一小時，到達博多的西北面一個碼頭，準備出發到能古島。其實好多旅遊書都無介紹此景點，只係有一次我偶爾在一網誌中找到此景點，非常吸引，好，儘管試試！

在船上影的博多港。

經過十五分鐘的船程，到達能古島。天色暗暗，我地都好擔心落雨，又只好祈禱了。

一上岸便到案內所，check 巴士的班次。

坐巴士約二十分鐘，終於到達景點 --- 能古島島嶼公園。

因為我地在開園時間就到達公園，我地係頭兩位旅客入公園的，公園十分寧靜，亦十分吸引。

公園的花顏色艷麗．．．

樹的形狀都很特別．．．

其實我老婆最想睇油菜花田，一入園就要尋找，我地一看，有著極震撼的畫面！

難得沒有落雨，又見唔到其他旅客，一於盡情影相啦！

我老婆最鍾意被花叢包圍的感覺，好 grand ！

當然要影張合照啦！

 (呢張係玩野的第一張，仲有第二張的，但不便公開，哈哈！)

影左大半小時，再到其他地方參觀。好古色古香的店舖。

行到大花園，我地竟然睇到一棵櫻花，開得好燦爛添！我地仲以九州的櫻花已經開哂了，點知仲可以有機會睇到！感恩！

咁難得的機會，梗係要影相留念啦！

呢棵櫻花機真係好靚的，仲有，睇下個天幾藍！感恩！

忍唔住要影幾張「沙龍」添！

回程途中，再影下咁靚的景色！

商店的特色貨品好吸引呀！

公園的遠景．．．靚！

好，行左約兩小時，我地搭巴士落山。巴士上有東北地震支援活動，努力！

去到碼頭，亦有為大地震震災的義援金箱。

真真感恩，因為一上船又落雨了！落船後，駕車到碼頭附近的 Marinoa City，開餐食燒墨魚丸．．．

仲有炒麵！正！

食飽就梗係要行商場喇！

原來呢度係一個 Outlet ，d 野都好平，仲有好多唔同牌子的店舖添！

Coach、無印良品，同我老婆的至愛 Lowry Farm 都有 Outlet 喎！

雖然無印良品店舖唔係好大，但d物品真係平左好多．．．

睇下件恤衫，由三千幾円減至一千円，抵！

無印良品都有賣賑災衫的！

呢個 Outlet 的好多店舖都有為賑災籌款．．．

行完 Outlet ，老婆又話想去睇花喎．．．好，出發！