湯布院 -> 一心寺 -> 別府市
原本我地返回 JR 由布院站取車，駕車去九州自動車歷史館，點知去到一睇 --- 無乜野好睇，既然已經在停車場泊好車，行多一陣湯の坪街道啦！
停車場附近有個叫金鱗湖，小湖泊並不大，但聽聞在秋冬季清晨的湖面好靚的，好似有層金色的魚鱗在湖面，所以叫做金鱗湖。我地見唔到金色湖面喇，只係見到櫻花樹旁的金鱗湖，好靚！
金鱗湖的全景，真係小湖泊。
難得仲見到櫻花，一於影多幾張相！
湯の坪街道的店舖真係好有特色，一睇就知道這間係賣酒的。
呢間係湯布院昭和館，我地無入去．．．
但被正門呢張 Poster 吸引著！好懷舊！哈哈！
湯布院昭和館旁有一間專賣懷舊糖果的店舖，舖內仲有一部懷舊電視機，播著小飛俠，仲要係黑白機喎！
呢間店舖真係勾起好多兒時回憶的！
正門仲有大鐵人28號！高過個人呀！
外面有一架掛有湯布院車牌的舊車，好有特色！
行多一陣，見都一間專賣狗用品的店舖，老婆二話不說即刻入去．．．
有狗公仔的餐具，感覺好親切，因為好似小 MiuMo ！
仲有狗用品，種類繁多．．．
仲有狗公仔的文具，老婆即刻買左個白色 File，佢話個 File 隻狗樣好抵死喎！
有狗專門店，點會無貓專門店吖！
貓專門店仲犀利！有兩層高，超級多貓用品！
梗係唔少得日本的招財貓！
原來招財貓都有好多款的！
我望到呢張 Poster ，O左咀兼勁笑！
店內當然唔少得香港都有售的貓杯啦！
以為行完狗專門店同貓專門店，可以抖抖啦！點知對面整多一間豬專門店！
與豬有關的物品唔多，但一樣別具特色。有豬仔錢罌．．．
有布公仔．．．
豬仔餐具．．．
仲有早排香港流行的豬仔 Tee ，好多款式香港都無的！
終於行完狗貓豬專門店，見到路旁有幾個瓷器公仔幾得意．．．
仲有幾個石雕添！
終於離開湯布院，去另一景點，去呢個景點的車程頗遠，要約一小時半，而呢個景點係我唯一指定要去的，老婆當然贊成。
我想去一個叫一心寺的地方，因為我在香港出發前搜集資料，九州於四月份，好多地方的櫻花已經謝了，全九州最遲開花的就係一心寺。雖然在香港關於一心寺的資料唔多，但嘗試一下吧！
今日天氣真係好好，天朗氣清，感恩！山也特別翠綠的！
因為我地無乜食過午餐，我地隨意在高原站的驛站逗留一陣，點知都係無野食o岩食．．．
只係見到些九州限定的小食，我地都無買到。
一心寺位於別府，應該不難到達，但我set的code， GPS 帶了我地去另一地方，而附近亦無乜路牌指示，結果花了半小時多才找到一心寺。到達時雖然有d失望，因為大部分的櫻花已經長滿了綠葉，但情境仍然好靚．．．
同老婆影了幾張相先！
老婆就繼續欣賞櫻花，我就不斷狂影相囉！
好靚！真係好靚！
雖然我同老婆都唔係第一次睇櫻花，但每次在日本睇櫻花都覺得十分感恩同感動，地上滿有櫻花瓣亦十分浪漫！
我好鍾意呢張相的意境呀！哈哈！
不同品種的櫻花，顏色不同，亦有不同的美態．．．
呢棵叫松月櫻，花瓣有白色同粉紅色的，好特別。
我已陶醉於影櫻花相了．．．
老婆話一心寺的空氣好好，因為地上滿有地衣。
到呢處仲睇到紅葉，此料不及！
真係楓葉來的！ Surprise！
我地無想過在四月底，仍有機會在九州睇到櫻花，更無想過可以一次過欣賞櫻花同紅葉！正！超級感恩！
一張相內有櫻花，仲有紅葉作背景，都係第一次見！
老婆等我影相期間，竟然發現四葉草，圖正中的就係四葉草了！聽聞在十萬塊三葉草中才可找到一塊四葉草，找到四葉草係找到了幸福的意思！感恩！
我同老婆反覆檢驗下，真係只有那片係四葉草，其他的都係三葉草來的！
由於我同老婆無食午餐，我地都好肚餓，決定駕車返別府市的酒店了。臨走前等我多影幾張相先！
一心寺的景觀，真係好寧靜詳和的！
駕車一小時後，終於到達今晚住的地方 --- 別府ホテル清風。二人共15,000円，全海景，仲可以睇日出，仲包和式豐富晚餐同自助早餐，超抵！ Check-in 後一開房門，嘩！超靚！感恩！
因為太肚餓了，所以立即食晚餐先！餐廳都係望海的！
晚餐有多款食品，唔詳細介紹了，太肚餓，食飯先！
晚餐份量超多，十分豐富！今天十分感恩，天色十分晴朗，我最想去睇的櫻花又靚，仲見到紅葉同四葉草添！感恩！
沒有留言:
張貼留言