日本北九州感恩之旅の第七天(下)

別府地獄めぐり公式サイト -> 福岡

駕車約五分鐘，到達第七站 --- 血の池地獄。



入口又見到為三．一一地震的募金箱。

我同老婆最想去的就係睇下血池地獄，因為紅色的溫泉水真係第一次見，但見後．．．哦！

最搞笑的就係叫老婆扮隻血池地獄魔王個樣影相囉！

雖然血池地獄唔係好特別，不過俾我地見到呢部售賣汽水機就好特別喇！

仲有d石椅同假山都好特別，係血池魔王的樣子！

入到室內的商店，見到近年大熱的鬆弛熊都有別府限定版，即買！

我就鍾意呢款別府魔王的蠟燭喇！

仲有好多別府版的 T 恤！

終於到達最後一站 --- 龍卷地獄。

龍卷地獄只得一個景點，但就係我地逗留時間最長的一個，因為龍卷地獄係一個間歇泉，即係經過一段時間才會噴出溫泉水的。我同老婆都係第一次見。

龍卷地獄的外景。

龍卷地獄每隔三十至四十分鐘分會噴發溫泉水，所以我地等的時候，會到商店參觀一下，我趁此機會同老婆影張「戰利品」--- 集齊八個地獄印章！勁！

等左廿幾分鐘，龍卷地獄終於噴喇！

經過兩小時十五分鐘，睇完八個地獄溫泉，心裡好滿足，因為接近行程的尾聲。臨走前影下別府市，市內有好多地方冒煙，老婆話係溫泉來的！

上午十一點半，要離開別府了！我地再一次感恩，因為開車後三、四分鐘，便立即傾盆大雨喇！

由別府到福岡機場要駕車兩小時左右，因為天雨關係，我地要小心駕車了！

駕車共六天，共行駛九百五十六公里，都算多的！

到機場還車後，見未夠鐘 check-in ，先到國際機場大堂食野。見到的情況就係這樣 --- 客人十分稀少，可見海嘯及核危機真係好影響日本的旅遊業。

Order 左兩個定食，好味！

到 check-in 的時間，平日好繁忙的國泰 counter ，今日只見幾十人 check-in。

Check-in 後，見有時間剩，周圍行下啦！

臨走仲見到有關三．一一的消息。

我地搭港龍 KA387，由福岡飛 16:25，回港時間19:35，感恩！

後記：

今次旅程真係好多經歷，亦有好多感恩的事：安然遇上四級地震、經歷上帝保守天氣及行程、睇到好多不同種類的花，仲找到四葉草添！不過最感恩的是，上帝仍然給予我地生命同健康，亦親身了解到日本人對生命的積極，雖然佢地身處多災多難之地，仍然努力面對所有事件，我地今次去到日本只係作小小的支持，有望日本快d復元！亦希望Blog友能懷著感恩的心過每天！