香港 - > 台北 - > 日本福岡機場 - > 博多
其實我同老婆早於去年九月已plan定今年復活節的行程，就係去日本名古屋及立山黑部，因為今年的復活節假期較遲，正是立山黑部及上高地開山的時間；第二，老婆話能登半島好靚，好想去，所以滿心期待．．．
點知，在出發前的一個半月，發生日本九級地震及海嘯，加上福島核電廠的核危機，令我地失哂預算，因為內心的不安，我地決定「忍痛」取消去立山黑部的行程。我地透過國泰假期訂package的，可以更改行程一次，仲有九五折，我同老婆就在網上搜索．．．退而求其次，去韓國首爾啦！
老婆在三月底到國泰假期的辦公室，辦理更改行程手續，但國泰話間酒店沒有房，要一兩日後才答覆．．．老婆心急如焚．．．
我地上網睇下首爾有乜玩．．．發現首爾唔係我地杯茶，我就大膽地向老婆提議，「不如去返日本，不過遠離福島啦！」老婆都贊成，於是到國泰假期的office睇下可唔可以再改package，得唔得都算了！點知佢地話ok，咁我地就懷著緊張的心情去期待今次的旅程．．．
起初我地都有d擔心，但我地真係好喜愛日本這地方，見到三．一一地震海嘯，好似在遠方的朋友有難咁，心好想去支持佢、走去探佢。在出發前的兩星期左右，我在祈禱時 神對我說：「你們不要怕，這次旅行是要讓你們經歷我的同在！」好！交托吧！
點知，出發前一星期，國泰通知我地原先的航班已取消，當日只有一班在台灣短暫停再飛日本的航班，起初都有d唔開心，但好快想起上帝的應許！好！唔擔心，又交托！
出發了！我地乘搭國泰 CX 510 ，14:55 由香港飛台北，等約一小時後再由台北飛日本。
講左咁耐，仲未講今次我地的目的地！日本北九州福岡，我地出發了！
到達台北，大部分乘客都落機，只剩下約二十人在機上，繼續行程到福岡，包括幾位香港人，其他的都是日本人，我同老婆都好surprise！
一小時後，再有乘客上機，但乘客唔多，到起飛時，全機大約只有六十至七十人，可知今次核危機對日本的影響有幾大！
好，再次出發了！
到達日本福岡已經係晚上九點左右，以往到達日本過海關要等好耐，今次只需等一、兩分鐘便可以辦理海關手續，開心之餘、亦感到無奈．．．出到機場大堂，人唔多、好冷清，心裡有種莫名的心酸．．．
我同老婆懷著期待的心情出發，好開心可以再到日本，見到d日文字好親切，d日本人仍然咁有禮貌．．．
由機場到博多可乘搭地鐵，只需兩個站，快！
未到達日本之前，在香港睇電視，知道日本人的日常生活受到海嘯及核危機的影響，又話停電，又話列車班次受影響，但可能九州遠離災區，好似影響不大，日本人都正常生活，電力供應亦正常。
博多站依然光亮．．．
到達酒店 - Hotel Sunroute Hakata ， 離博多站約三、四分鐘步行路程，超近！酒店有好多紀念品賣，其中包括九州新幹線開通記念品。
快快回房間休息，準備聽日的行程。開電視睇，都係關於福島核電廠的新聞．．
仲有災區的最新情況．．．
好！今晚早d休息，聽日繼續行程！
原本我係5月去立山, 但改機位又只有一次, 又要迫人係3月底前決定, 所以最後都改左去SING....其實依家都有D後悔 [版主回覆05/12/2011 20:46:00]其實今次我地出發前都無乜向其他人透露去邊處，因為我地唔想讓其他人擔心，我地評估過情況先決定去日本九州，認為在安全的情況下先出發的。 二來我地真係好喜愛日本這地方，見到三．一一地震海嘯，好似在遠方的朋友有難咁，心好想去支持佢、走去探佢，亦想了解當時的情況，所以今次我影左好多關於當地人的生活情況，感恩的係九州的日常生活無變，都放心一些。 我老婆會再計劃去立山黑部的！
回覆刪除agree ! 原本我都在 4月去京都睇櫻花. 因3.11 取消了. 現在都是打算改去九州. 但暫未有假, 要等到來年新年了. 3.11 事件, 真係好似自已朋友出事一樣, 好痛心. [版主回覆05/29/2011 16:37:00]謝謝你的瀏覽！ 其實日本已漸漸恢復過來，日本人亦很勇於面對今次的困難，我地去探完這個「朋友」亦放心些。 來年新年應該會更安全的！
回覆刪除你好呀, 剛路過的. 我都訂了8月去九州套票, 上星期比晒錢才通知我出發那天的直航機又係取消左, 同你一樣要搭 CX停台北, 激死. [版主回覆06/10/2011 20:57:00]都係遲個多小時，影響算是輕微的！
回覆刪除雖然不少的旅客不敢來日本玩・・可是那樣的時候你們來到日本了！ 謝謝你們。我們日本人很感謝你們。ありがとう！ 我覺得九州没有受到福島輻射的影響、比較安全。所以我覺得你們的選擇没有錯。 三月中（發生大地震的時候）、九州新幹線開通了。你們搭過呢？ 上個星期我和我先生又去了香港玩 這次也我們吃了不少的香港美食！我們很喜歡香港！ 翠鳳 [版主回覆07/22/2011 23:09:00]謝謝你的瀏覽！ 因為我們愛日本，你們受天災影響，我們像看見老朋友受難，十分心痛的！真想盡快探望這位老朋友，支持和鼓勵你們！ 我們沒有乘搭九州新幹線，留待下次吧！ 在香港好玩嗎？不知你下次再來香港，會否與小 Miu Mo 相聚呢？
回覆刪除"Hotel Sunroute Hakata"好住ma???thxthx ar [版主回覆10/01/2011 10:32:00]幾好，都好方便，但房間頗細的，類似「東橫 Inn」的一類。
回覆刪除我覺得現在飛騨高山那邊完全没問題～。（當然在東京也没問題） 如果有機會的話、請你們再來日本玩(^v^) PS:我很喜歡這首歌。這首歌「雨ニモ負ケズ」很好聽。 我非常感謝香港的大家！多謝～。 翠鳳 http://blogs.yahoo.co.jp/taipei_6688 [版主回覆10/20/2011 20:54:42]謝謝你呀！My friend！ 你現在的生活如何？正常了吧！ 我們將於十二月到東京一遊，還可能會到東北，但仍在計劃中．．． 繼續祝福你們！ HKMiuMiuMoMo
回覆刪除