二匹の鬼 - > 九重夢大吊橋 - > 湯布院
在二匹の鬼訓得好好，今早起床又同老婆浸溫泉，讚！
望住個山，翠綠山嶺，浸住溫泉，同老婆談談生活瑣碎事，雖然大家在生活上常遇壓力，但在這環境中，真係壓力全消！除了感謝上帝的看顧，仲有感恩的係我同老婆互相的支持、分享同分擔！一個小小的私人風呂，讓我地覺得好幸福！
由大廳到私人風呂真係行十幾步就到！真真都無咁真！
浸完溫泉，醒哂！去食和式早餐，十分豐富！感恩！
離開前見到舊式「豬咀」電話，好得意，職員話係用得既，唔係「陳列品」來的！
隨意影下商店內的小擺設，感覺舒服！
買左條電話繩俾媽咪，希望佢鍾意啦！
離開二匹の鬼，駕車五分鐘左右，到達日本一 --- 九重夢大吊橋，全日本最長的行人吊橋。
如果風太大的話吊橋係唔開放的，今日天氣幾好，可以參觀，感恩！
如果風太大的話吊橋係唔開放的，今日天氣幾好，可以參觀，感恩！
在吊橋上見到的峽谷，有樹有瀑布，老婆話秋天要來多一次，滿山紅葉一定多靚的！
行左一半咋！哈哈！
九重夢大吊橋，真係好 grand！
吊橋有兩邊的入口，買左入場票可以行過對面的店舖購物。
我地找到一個較高的位置，從高處影九重夢大吊橋，真係好grand！
其實高地好大風，行左一陣我同老婆就走了。
咁難得人少少，我地叫職員幫我地影張合照先！
走喇，九重夢大吊橋，有緣的話我地會再見的！
駕車去下一景點，老婆好想影下美景，留住最美的一刻作回憶．．．
一小時後到達老婆同我都好鍾意的溫泉鄉 --- 湯布院。先在 JR 由布院站附近的停車場泊車，再慢慢欣賞這小鎮。
湯布院，有d人叫佢做由布院，係一個好寧靜的小鎮，鎮內大街 --- 湯の坪街道，商店各具特色，好多野睇的！
老婆見到佢的 favourite ，民俗服店，入內已經掃左一隻錶及一對鞋喇！
來到湯布院，好多人會去買當地人氣蛋糕店 --- B-Speak ，十個網友介紹、十個推介，話蛋糕口感柔軟如綿花，牛油及蛋香濃郁，不太甜，正！當日顧客唔多，又講到咁正，一定要試！
買左一個細蛋糕試試先，如果好味再買個大的。
一打開盒，嘩！好期待．．．
一試．．．我同老婆都無出聲，然後．．
我提議出去行下其他商店了！其實我同老婆仲回味緊前日老闆娘的甜品！真係仲爭幾班！
湯の坪街道的店舖真係別具特色，每間屋都有唔同的主題，例如全店賣宮崎駿龍貓產品．．．
我同老婆響呢個角度睇d龍貓，真係好搞笑！
其實行湯の坪街道真係好舒服的！
途中見到全店賣 Hello Kitty 的．．．
Hello Kitty Fans 一定會好開心．．．
因為全九州的記念品都有得賣！勁！
全店賣 Bear Bear 熊的．．．
超多 Bear Bear 公仔同吊飾。
老婆在旅遊書中見到有間鬼太郎商店，但搵極都搵唔到，一睇之下，原來鬼太郎商店已經執笠，變左我地剛參觀的 Hello Kitty 店！鬼太郎的人氣當然不敵 Hello Kitty啦！
又一間 --- Monchhichi ， 日本伯伯同婆婆都入去買野的！
專賣石器同飾物的商店．．．門口的麵包超人公仔好吸引．．．
行到返 JR 由布院站，我想入去影下架 JR，車站職員好有禮貌俾我地入去，好 nice！架 JR 好特別的，全架紅色的。
日本d車站真係好靚的，睇下呢張就知喇！
老婆話在 JR 站外可租單車遊覽湯の坪街道，我地就無試過了。
行左接近兩小時，原本我地都以為行完整條湯の坪街道，點知．．．
沒有留言:
張貼留言