日本北九州感恩之旅の第三天(下)

Marinoa City 及 Outlet -> 海之中道海濱公園 -> 博多

其實老婆好想去睇花，不過見我落船後有d唔舒服，所以唔想我趕行程。但我又知老婆真係好想去睇花，好，揸快d先！經過一小時十五分鐘左右，終於到達目的地 --- 海之中道海濱公園。

呢個公園亦係無旅遊書本介紹的，係老婆上福岡旅遊局的網頁介紹的。行左一陣，先到達花時計花壇。

我同老婆搵左好耐，終於到達鬱金香花壇！真係好似荷蘭的Keukenhof花展！

入到鬱金香花壇，我同老婆只顧影相，因為實在太吸引了！

影下大特寫先！

由於我地好遲到達，距離公園關門只有一小時，我地好珍惜盡量影相！

我地係最遲離園的遊客，老婆亦十分滿意今次的行程，好！食晚餐了！我地到附近的一間回轉壽司食晚餐，一於「無有怕」！

我地order的壽司唔多，不過賣相實在吸引！日本的壽司真係特別好食！

仲有，食飽壽司，仲有甜品添！老婆叫左個雜果杯．．．

我就叫左個 Tiramisu 杯，十分好味！

壽司店內亦有設立義援金募金箱。

其實店內的顧客很多，唔似香港人聞壽司色變！

食飽飽，駕一小時車返到博多。

梗係要去指定景點 ---  Tokyu Hands 參觀一下啦！

一上頂層，就見到好潮的「炸豬扒」 iphone case，盛惠 3,900円！

又一鉅獻 --- iphone 叉電座連聽筒，型爆！

近來日本興熊貓，梗係唔少得與熊貓有關的產品。

避難用品一 set，12,000円。

上年買了的空氣清新機，有好多款式的。

老婆話要買呢個 --- 自動打掃機械人，七萬至八萬円啦！

Tokyu Hands 都有為大地震收救援募金，共收到近四百萬円，好犀利！

行完 Tokyu Hands ，去附近的商場掃掃貨，買左d藥品同飾物。

今日真係好感恩，因為兩次去睇花都好天，一離開就落雨！