日本北九州感恩之旅の第五天(下)

高千穗峽 -> く じゅう花公園 (久住花公園) -> 二匹の鬼

行完高千穗峽，老婆好想去另一景點 --- く じゅう花公園 (久住花公園)。呢個公園係旅遊局有介紹的，有d旅遊書亦有介紹的，話有全九州最大的鬱金香花田，老婆梗係要來欣賞一下啦！

門口又見到為三．一一大地震的義援金箱。

一入園內，眼前的並不是鬱金香，但景色已讓老婆醉了。

行左一陣，見到一片鬱金香花田，不過花還未完全盛開，未算太吸引．．．

來到十五萬朵的鬱金香花田，場面震撼！

各種顏色的鬱金香，有紫色、黃色、紅色、白色、粉紅色．．．

場面十分壯觀！老婆十分興奮，不斷影相！

我？！梗係狂影啦！

同老婆影幾張靚相先！

在花田中影影相，同老婆手拖手行下傾下，欣賞鬱金香花田，一樂也！

老婆好開心，因為今日去左好多景點，亦好感恩，因為無落雨，要離開宮崎縣，向大分縣出發了！

經過一小時半的行程，到達今晚入住的地方 --- 二匹の鬼。

老婆好期待住在此，因為．．．我地住響一間屋！我地架車就泊在屋外，正！

參觀一下屋內設施先！有兩張榻榻米，上層仲有一張床添！

有設備齊全的大廳．．．

大廳十分開揚，前面係一片樹林．．．

大廳外有露天的桌椅，好似去左香港的郊野公園．．．

最重要的是．．．從大廳行十幾步，便可到戶外的私家風呂！真係超爽！我同老婆講，起碼要浸三四次先！

除了私人風呂外，仲有公用的家族風呂，客人可以免費使用，廿四小時開放！

仲有露天風呂．．．

風呂內的景色亦十分吸引的！

休息了一陣，六點左右便「駕車」到餐廳食晚飯。

菜單。好野，食和式晚餐！

食物太吸引了，搞到我顧住食，唔記得影相添！只影左小小咋！

食飽飽，我同老婆決定返間屋仔用ipad煲劇！睇完劇，行十幾步出外浸風呂，傾下講下，享受此刻！感恩！