日本北九州感恩之旅の第五天(上)

阿蘇火山民宿 -> 米塚 -> 草千里 -> 白川水源 -> 高千穗峽

呢間民宿係我同老婆其中一間印象深刻的民宿的原因，除了環境及食物外，仲有在尋晚訓覺時的一件事。我同老婆係昨晚民宿的唯一客人，建築物中只有我地二人，有起事都咪話唔驚！

起初我同老婆都訓得好好，大約凌晨兩點半，我同老婆都覺得屋外好似有架貨櫃車經過咁，成間屋有d「At At」聲，最恐怖係張床郁郁下，好似我地訓響上格床，被下格床的人起勢遙張床咁！雖然情況只維持幾秒，搖的幅度亦唔係好勁，但足以令我同老婆醒哂！

起初我地都唔知發生乜事，但老婆好驚，訓唔番，如果老婆在旅行中覺得房間唔安全，佢會訓得好差，甚至會整晚失眠的。我就立即同老婆祈禱，求上帝俾我地有平安的心去面對，仲有俾我地訓得好d。又同佢傾下計，令佢安心左d，我知道老婆心情平復左又無再出聲，就知道佢已經訓得著。點知約一小時後，剛才的情況又再發生，亦維持了幾秒，但今次老婆無再叫醒我，之後我地一覺訓天光，到早上七點半才起床！

今早起床後，得知尋晚凌晨四點左右，在福島附近發生過五級左右的地震，雖然日本氣象廳無對九州發出地震通知，但我地知道尋晚應該係地震！我地估計應該四級左右！

超感恩！簡直係神跡！神又再次叫我地在此旅程中有所經歷！以老婆的性格，尋晚發生此事後，係無可能會再訓得著，我地都估計係地震，點會咁「老定」繼續訓覺？我地唔係信得過神的保守，知道神的真實，點會全心交托？我老婆仲話，講地震就講得多了，今次終於經歷地震了！

我地回港後到日本氣象廳搜尋，結果發現當時真係發生地震呀！尋晚發生左一次四級地震、兩次三級地震呀！

再感恩的係，今日的天氣比尋日好好多！睇清楚房外的景色！正！

食過尋晚美味的晚餐，我地對今天的早餐滿心期待。雖然簡簡單單，但亦見到老闆的心思。

原來餐飽係老闆娘自己整的，唔係買的！仲有三款 --- 分別用米造、用小麥造的，仲有一個係用粟米造的！好特別！

今朝陽光較充沛，再參觀下間民宿，我又狂影相了！餐廳．．．

酒吧及音樂專櫃．．．

正門的「玄關」位置．．．

途經大廳的裝飾．．．

大廳簡直嚇我地一跳，十分整潔，左邊有張 Bar 枱．．．

右邊有個暖爐．．．

仲有個三角琴同一 set 音響器材添！勁！

我老婆選擇住呢間民宿的另一重要原因，係可以俾老婆試穿唔同的婚紗及晚裝。老闆話平日有較多客人時，每客人只可試兩件衫，最長半小時，但今日只得老婆試衫，可以任試唔嬲！

雖然晨早天氣都幾凍，我估只有十度左右，但老婆的興奮情度，足以支持老婆試兩套婚紗及三套晚裝！老婆最鍾意係第二套婚紗及桃紅色的晚禮服，好靚的！

每當老婆試穿一套衫，就先叫我在更衣室內同佢影張相先，佢要係 focus 在鏡中的倒影上，咁就可以睇到件衫的前面同後面，影出來都幾得意！

第二套婚紗，老婆好鍾意條拖尾，配合背景的歐陸式大宅，好高貴優雅！

老婆都好鍾意呢件晚裝，夠 sharp 同突出，正！

呢度穿著時就幾好，影相就麻麻地！

老婆覺得呢件design就幾青春，但係隻顏色就唔係好襯佢囉！

因為今日的行程都比較趕，所以老婆試左五件「精品」，帶著滿足的表情準備離開了！老闆在我地臨走前，問我地計劃去邊，又話我地知道每程的時間，又介紹附近的著名景點，仲熱情地幫我地影張合照！我地覺得老闆真係好似我地的老朋友，好 nice ，好 friendly！

其實，尋晚的晚餐同今朝的早餐，都係由老闆娘親自下廚的，我同老婆都好想多謝老闆娘，亦想知道老闆娘的「真面目」，原來老闆娘係一個典型的日本女人，好順從，矮矮的，但廚藝非凡，我老婆講笑說：如果我地在香港開餐廳，一定重金禮聘老闆一家來助陣的！仲有，我同老闆話，我地一定會在 MiuMo Blog中推介呢間民宿的，老闆一家十分開心！

其實附近仲有好多間民宿，雖然我地無參觀過，但覺得應該都係好靚，當然我地尋晚入住的係最靚啦！

懷著極感恩及歡愉的心出發，第一站老婆話要去米塚，係阿蘇火山附近的一個寄生火山，火山矮矮的，平頂的，上次來九州時已經從遠處影過相，今日近距離影相先！

影多一張遠景相。

一開車，天色又變得濛濛，山上又大霧，視野不佳，所以到達景點草千里時，外望只係煙霧瀰漫。

影草千里近景就好 d ，不過草叢中有好多馬屎，小心「地雷」！

看呀！「雲兒的變化真速」！轉眼間，山上的煙霧消散，山下美景又再顯現！在阿蘇火山一帶駕車，真係賞心樂事！

老婆亦被山上的景色吸引著，不斷在車上影相！

自由行的好處，就係行程可以隨意更改，自由度極高。老婆突然想去香港人較少去的一個景點，好，起程！駕車十分鐘左右，到達「白川水源」，係日本首一百位水質最靚的地方。我同老婆只係想去試飲下d水有幾清甜，但到達時竟然發現環境係十分寧靜同吸引．．．

具日本風情的神社及樹林．．．

白川水源可任遊客取水飲用，我地取了兩樽做「記念品」返港，亦即時飲左一大樽，味道清甜解喝！一試難忘！

最吸引我的係這環境，綠色樹林加上楓樹紅葉，真係超級靚，典型的日本秋天紅葉季節情景，我地竟然可以在四月時看到，再一次感恩！

平平無奇的小徑，因紅葉加添幾分美意！

在白川水源的商店，當地土產十分多．．．

一定唔少得九州的士多啤梨啦！超紅、超大粒，仲有超平，只係 200円咋！一盒日本新鮮士多啤梨只需港幣二十元！勁抵！

我十分滿意呢個附加景點，真係好靚！駕車前往下一景點需要一小時，沿途風景十分美麗。望著窗外的美景、聽著詩歌、駕駕車、同心愛的人一起，已經十分滿足了！

經過附近的火車軌及油菜花田，又落車影了不少相！

望向此景，不其然想起宮崎駿動畫中的鄉郊景色！

駕車到附近一個燈位停車，驚見千與千尋動畫中的婆婆模型，泊埋一邊影影相先！

同場加影高達同咸蛋超人的 Figure ，勁似！

終於到達我老婆極期待去的景點 --- 高千穗峽。老婆話好想在高千穗撐艇，因為好多blog友話撐唔到艇，因為水唔夠深或者天氣關係便會關閉，尋日又落過大雨、今天天氣又忽然轉晴，好野，有得撐艇呀！老婆極期待！

呢次係我同老婆第一次「泛舟」，起初我想撐的，但老婆知道我想影相多d，就叫我影多d靚相，佢撐艇！其實撐艇的絕大部分都係日本男士，女士只會靜坐欣賞美景，同男朋友談心，搞到我好似好大男人、我老婆好似韓國d「阿豬媽」咁！老婆從此就叫我「阿豬爸」喇！

起初我以為在一個小湖泛舟，無乜特別。點知「柳暗花明又一村」，眼前的景致，嚇我一跳！

美麗的小峽谷！我就好enjoy此環境，顧住影相，同老婆影張相先！

由小湖入峽谷，只需撐五分鐘左右，但景色真係迷人！

經過三十分鐘的泛舟，老婆雙臂有d痛添！不過佢話都幾好，可以減走手臂的「Bye-Bye 肉」！老婆上船後話，起初以為同我泛舟係好浪漫的，撐完之後完全唔覺囉！ Sorry囉老婆，唔好怪我掛住影相啦！

撐完艇，在高處欣賞高千穗峽，一個字 --- 靚！仲睇到彩虹添！

老婆話，高千穗有間幾出名的食店，想試一試。好，撐完艇，有d倦，一於試下。

來到呢間食流水麵的茶屋，雖然客人唔多，但在店中有不少名人曾經光顧過 (雖然我地唔知佢地係邊個)，好，試試先！

食流水麵係有一條長長的竹筒，筒中長流溪水，職員會將放在竹筒上端，麵隨流水而下，我地要「快手」地將麵拿起，手慢的話d麵就會流到下面，無得食！

睇下老婆幾「眼明手快」先！

夾到的流水麵只需浸在醬油及蔥，便可進食！老婆十分喜愛此麵，因為麵質煙靱，好有「趙頭」！

好，又玩過又食飽，加埋呢支高千穗出品 --- 「高千穗牌」釜茶！正！

要離開高千穗峽了，因為下一景點都好吸引的！