澳洲塔斯曼尼亞塵世美之旅の第一天及第二天

墨爾本 -> 大海洋路 (Great Ocean Road) -> Split Point Lighthouse ->

Cape Otway Lightstation -> 十二門徒石 Twelve Apostles -> London Bridge

我同老婆在6月已開始計劃今次的聖誕旅行，老婆固然想去日本，我提議可否去另一些地方，但我地仍沒頭緒！直到六月底，老婆突然興之所至去學聯睇下有乜自遊行可參考參考，發現去澳洲同塔斯曼尼亞的機票價錢都好平，因為之前我地都有考慮過去塔斯曼尼亞 (睇左陳奕迅的現代塵世美，好靚！ ) ，老婆二話不說就落訂，決定聖誕去塔斯曼尼亞，我當然舉腳贊成！

我地0950搭澳洲航空QF30飛墨爾本，當地晚上2150到達，過海關好快，出來機場等shuttle bus到酒店，有小小時間影下機場先！

昨晚住 Mercure Welcome Melbourne Hotel 好近唐人街及市中心，都幾方便的。不過今日係12月25日聖誕節，墨爾本市內好多商店都唔營業，想逛街都唔得！慘！睇下條街真係無人的！

我地計劃行程時已知這情況，於是我地今日決定只去一個景點 --- 大海洋路 (Great Oecan Road)，欣賞沿途的景點及十二門徒石。早上八點去租車公司取車，影下開車前的咪表先！

澳洲塔斯曼尼亞塵世美之旅の第三天

墨爾本市內觀光 ( 市中心 -> 墨爾本市政廳 Melbourne Town Hall ->

聯邦廣場 Federation Square -> Flinder Street Station ->

National Gallery of Victoria  -> Southgate -> Queen Victoria Gardens ->

City Circle -> Harbour Town Shopping Centre ) 

經過昨天六百公里的十六小時大海洋路之旅，今早真的很累！因為要在八點半前還車，我地唯有「頂硬上」！還車後返酒店食早餐，經歷昨晚「無食晚飯」，更覺早餐好豐富、好好味！

食完早餐，我地仍然覺得好攰，決定今日relax一下，先番酒店休息，亦唔打算去太多景點，順其自然吧！

小睡兩小時後，精神好左d，出發到外面走走。我地仲以為好似昨天的情況，街上好多店舖都關門，一出酒店門口，嘩！完全不同！好多人！

因為今日好多公司都大減價，無論市民或遊客都出來逛公司掃貨！

澳洲塔斯曼尼亞塵世美之旅の第四天

墨爾本 -> 塔斯曼尼亞 ->

Bridestowe Lavender Estate -> 朗塞斯頓 Launceston

今早要離開墨爾本了，繼續塔斯曼尼亞之旅。由酒店乘 Shuttle Bus 到機場，搭1250澳航QF2283由墨爾本飛塔斯曼尼亞朗塞斯頓 Launceston 。

每逢搭飛機或等機時，我地都會「煲韓劇」，今次個trip我地煲「A貨貴公子」，所以我地以「A貨貴公子」插曲做呢個網誌的背景音樂。

出發了！要離開澳洲本島了！

一小時左右，終於到見到塔斯曼尼亞！我同老婆都好期待．．．

澳洲塔斯曼尼亞塵世美之旅の第五天

朗塞斯頓 Launceston -> 卡塔拉克特峽谷 (Cataract Gorge - The Basin Chairlift) ->

希爾塢士多啤梨園 (Hillwood Strawberry Farm) -> 鴨咀獸屋 (Platypus House) ->

Bicheno -> 夜探藍企鵝之旅

朗塞斯頓 Launceston 晨早的陽光，好暖和！天清氣朗，心情都靚d！

尋晚好好訓，老婆話今早要玩d刺激的玩意，一早到達卡塔拉克特峽谷 (Cataract Gorge - The Basin Chairlift)，係全球最長的單柄吊椅索道。

一上吊椅，老婆已經覺得有d驚，上到最高點有300米，都咪話唔驚！

澳洲塔斯曼尼亞塵世美之旅の第六天

Bicheno -> Wineglass Bay Lookout -> Barilla Bay Oyster Farm ->

Tahune Forest Airwalk -> Huon River -> Big Tree Lookout -> Huon Valley

今天的車程好多，我地要好早出發，故今早七點起床出發！

今天第一景點係 Wineglass Bay，我地從旅遊書上看到呢張相，我老婆超想去這地方！好，出發！

經過不斷的尋覓，終於知道要影這圖片，駕車是不可以的，需行一段約三小時的山路才能到達，我地決定行一段約三十分鐘的山路往觀景台就可以了！山路唔算太難行，空氣亦很清新！



到路程的一半，看到另一邊的景色，已經好靚！

澳洲塔斯曼尼亞塵世美之旅の第七天

Huon Valley - > Bruny Island - > Adventure Bay  - >

Bruny Island Cruise  - > Port Arthur Historic Site  - > 荷伯特 Hobart

Donalea 之所以出名，除左硬件之外 (佈置及設備) ，軟件都 very nice。屋女主人對我地態度十分友善，而且好細心地預備早餐，佢知道我地今天的行程很趕，特意將早餐時間提前至七點，十分體貼。

一入飯廳，嚇我地一跳 --- 英式佈置的高尚，精緻的早餐及麵包，簡單而不俗套，好有家庭的人情味！

飯廳中放置鋼琴及火爐，英式小格子枱布．．．望向窗外的湖景，寧靜舒服！

要離開 Donalea ，我同老婆對呢間民宿印象很深，十個讚！

點解今日要咁早出發？因為我地要在上午九點前到達 Kettering 排隊搭汽車渡輪往 Bruny Island ，碼頭上有很多遊艇．．．

澳洲塔斯曼尼亞塵世美之旅の第八天及第九天

荷伯特 Hobart -> 吉百利朱古力廠 -> Bonorong Park ->

荷伯特市內觀光 -> Hobart's Waterfront Celebration : The Taste Festival 

今早醒來，天朗氣清，在澳洲的最後一天，心情 very good！

雖然我們只是住在 motel ，但設備一d都唔差，小廳、梳化、大床．．．地方尚算寬敞！

今次我地住了兩間 motel ，都係這樣設計的，好有屋村 feel ！

青森秋田過祭溫泉遊の第一天

前言

今個暑假小miumo 又去日本。今次又選擇日本的最東北面---青森及秋田縣。點解﹖因為好想再一次去日本東北睇好出名的夏祭、浸好出名的溫泉及食好好味的水果。好，小miumo又出發了。

香港 ---> 東京成田機場 ---> 池袋

我哋坐早上09:10的國泰機 CX 504 (雖然之前講過以後都唔坐國泰，但無辦法啦，我哋有張往東京的機票係用亞洲萬里通的積分換返來。另外有新消息，日航及全日空往羽田的零晨機將會取消，取而代之國泰先有零晨機坐，將來往日本各地要早機去晚機返，只可坐國泰了。)，到下午14:35便到了東京的成田機場。我哋已經有五年無來過呢個機場了。

到機場第一時間去換JR East Pass。我哋先響香港日航天地買Pass，20,000円便可選擇任何4日在東日本任坐JR及新幹線。這個Pass最好係能夠在香港網上訂新幹線去東北及機場往巿區的指定席位，如果無訂位，祭期往青森，分分鐘坐新幹線是無指定席坐，若自由席無位，企足3個鐘就好慘。最後完了成過旅程後，發現這個Pass真係好抵。

出發前已知道日本各地受熱浪影響，哇，看到連東北都有成33、34度，真係好熱。不過我老公話寧願熱好過落雨，咁我都覺得係.....

青森秋田過祭溫泉遊の第二天

池袋 ---> 八戸---> 青森 ---> 青森睡魔祭  --->八戸

好感恩，經過祈禱及搽左日本膏藥，我隻腳已經無再痛。

一朝早精神奕奕去坐新幹線上八戸。

我哋以八戸為東北站的起點及終點，因為八戸係東北新幹線的終站(今年十二月東北新幹線會伸延至青森)，而且東橫Inn及租車處都好近車站，十分方便。我哋先係東橫Inn放下行李，然後出發去青森。

感恩的係天氣好好！心情都靚d！

青森秋田過祭溫泉遊の第三天

八戸 ---> 八食市場 ---> 五所川原 ---> 立倭武多祭 ---> 弘前

自駕遊的日子開始了。

今次選擇了在日產租車，老公話平D喎。我哋架銀色小車子。

今日先去我期待咗好耐的八食巿場。在這裏可以買新鮮的海鮮即場在"七厘村"(巿場裏面的一間餐廳)燒來食。

好多遊客都係為了海鮮燒烤而來，所以海鮮檔都將不同種類的海鮮以一份份的型式出售。2500円一份已經有齊不同種類的海鮮，十分抵食。雖然我哋兩個的胃口出晒名大，但都唔敢挑戰以下的海鮮餐，加上我哋又想食多些不同種類的海鮮，所以決定"散買"。

青森秋田過祭溫泉遊の第四天

弘前 ---> 燈籠山車體驗館 ---> 弘前市蘋果公園 ---> 地獄沼 ---> 奧入瀨

昨晚睡得好好，因為東橫Inn真的有家的感覺！

因為昨晚我地去五所川原睇立倭武多祭，所以便看不到在弘前的倭武多祭大燈籠。今天一早出發到弘前的燈籠山車體驗館，看看弘前的倭武多祭大燈籠有何不同。

睇落又唔係相差太遠，弘前的倭武多祭大燈籠好似一把紙扇。

青森秋田過祭溫泉遊の第五天

奧入瀨 ---> 十和田湖 ---> 不老不死溫泉

尋晚睡得不好，今早又出外浸浸溫泉先！沿途的風景，很美！

我老公又走咗去偷影男士溫泉的景色，真的是對著大落地玻璃，望著窗外的樹景，浸著溫泉，十分relax！

昨晚住的房，都幾大！

青森秋田過祭溫泉遊の第六天

不老不死溫泉 ---> 秋田 ---> 角館 ---> 抱返溪谷 ---> 鶴之湯溫泉

昨晚睡得很好！食完自助早餐後，再一次去影影不老不死溫泉。

早上浸溫泉的人不多。

離開酒店了。這晚的酒店老公十分滿意，當然啦，可以浸到咁特別的溫泉，加上這麼靚的日落．．．

P.S.： 網友如果想book這間溫泉，只要上這個網頁

http://confirm.media-crew.co.jp/welcomecard/china/index.html

申請日本東北旅遊優惠卡，住這間酒店就可以有9折優惠，慳成2千幾円架。同時用優惠卡入指定的展館及店舖，還有折扣添，不過唔知優惠到幾時完。

青森秋田過祭溫泉遊の第七天

鶴之湯溫泉 ---> 種差海岸 ---> 八戸 ---> 新宿

早上五點鐘的鶴之湯十分寧靜，人唔多，合晒我地心意。

鶴之湯的門口。

兩旁的小屋都是房間。

我哋就係住三號館的尾房。

青森秋田過祭溫泉遊の第八天

新宿 ---> 成田機場 ---> 香港

這是我們住的酒店 --- Best Western Shinjuku Hotel，幾舒服的。

今早又到飯堂食早餐，我同老公覺得松屋的早餐是「抵食」過午餐及晚餐的。

歐洲英法比荷四國遊の第一天及第二天

倫敦希斯羅機場 -> 巴黎 -> 羅浮宮  


連續兩次到日本旅遊，由籌備到行程安排都十分費神，今次的復活節旅行很想拋開一切，便到旅行社看看，是否有合適的安排。偶爾睇到一個旅行團，行程既合適，又有頗多自由的時間，最重要的係有我老婆鍾意的荷蘭花展，團費亦唔太貴，好啦！歐洲英法比荷四國遊，我來也！

 

我地先於上午07:35搭澳航QF029由香港飛到倫敦，全程要13小時呀！我地一定早有準備 --- 搭長途機三寶：拖鞋、電腦、MP3機 --- 上飛機換拖鞋讓自己的腳relax、Download定d日劇韓劇響電腦在飛機上睇、悶悶地可以聽下歌仔，一樂也！

 

最鍾意搭飛機向窗外望，雲海一片，百看不百厭！

歐洲英法比荷四國遊の第二天(續)

香榭麗舍大道 -> 凱旋門 -> 塞納河 -> 艾菲爾鐵塔


經過著名的瑪德蓮教堂(La Madeleine)，又影影！

到達了我地想去的另一景點 --- 協和廣場(Place de la Concorde)。協和廣場中央聳立1831年由埃及總督穆罕默德˙阿里贈送法國的拉美西斯二世方尖碑。遠望巴黎艾菲爾鐵塔(La Tour Eiffel)，好想影張靚靚的相，可惜天公不造美喔！

協和廣場附近的國會大樓，都好靚的！