澳洲塔斯曼尼亞塵世美之旅の第四天

墨爾本 -> 塔斯曼尼亞 ->

Bridestowe Lavender Estate -> 朗塞斯頓 Launceston

今早要離開墨爾本了，繼續塔斯曼尼亞之旅。由酒店乘 Shuttle Bus 到機場，搭1250澳航QF2283由墨爾本飛塔斯曼尼亞朗塞斯頓 Launceston 。

每逢搭飛機或等機時，我地都會「煲韓劇」，今次個trip我地煲「A貨貴公子」，所以我地以「A貨貴公子」插曲做呢個網誌的背景音樂。

出發了！要離開澳洲本島了！

一小時左右，終於到見到塔斯曼尼亞！我同老婆都好期待．．．

陳奕迅的塔斯曼尼亞特輯都有提及，個機場真係好細的！只有四個停機坪位置，乘客要徒步入機場大樓。

係機場的左面出境．．．

右邊就係入境大堂同租車處．．．一眼睇哂！

塔斯曼尼亞無乜公共交通工具，所以我地都係租車。租車唔算貴，五日不包括意外保險，二百澳元就可以了。

我地好期待呢五天的行程，到處發掘及探索。

第一站，去Bridestowe 的 Lavender Estate 薰衣草園。

同日本北海道比較，澳洲的薰衣草的紫色較淺，亦不及北海道的薰衣草香。

不過，呢處最吸引人的地方，係因為佢係全南半球最大的薰衣草園！比北海道富田農場的薰衣草田大呢！

薰衣草的顏色較淺色．．．

老婆邊行邊欣賞美景，我就邊行邊影相。

我幾鍾意呢張相的構圖！

參觀約一小時，駕車返 Launceston AdinaPlace Motel Apartments check-in。

我地未試過住Motel，覺得走廊好得意．．．

我地住的房間．．．

起初我地對 motel 的設備都唔抱太大期望，點知開門一望，見到廁所內竟然有個大按摩浴缸！正！

房間都算大的，設備都算齊全．．．

Check in 後，出去食晚餐。老婆話今晚想食好d，我地去左碼頭旁的餐廳食飯。

我地order 左碟意粉同個pizza．．．

響露天茶座望住個碼頭睇日落，十分浪漫！

食飽飽，駕車回motel。Launceston 市內房屋唔多，因為聖誕假期關係，好多商店都休息。

市內一景，都幾靚！

今晚好好休息，浸番個靚靚按摩浴，煲住韓劇，正！