Huon Valley - > Bruny Island - > Adventure Bay - >
Bruny Island Cruise - > Port Arthur Historic Site - > 荷伯特 Hobart
Donalea 之所以出名，除左硬件之外 (佈置及設備) ，軟件都 very nice。屋女主人對我地態度十分友善，而且好細心地預備早餐，佢知道我地今天的行程很趕，特意將早餐時間提前至七點，十分體貼。
一入飯廳，嚇我地一跳 --- 英式佈置的高尚，精緻的早餐及麵包，簡單而不俗套，好有家庭的人情味！
飯廳中放置鋼琴及火爐，英式小格子枱布．．．望向窗外的湖景，寧靜舒服！
要離開 Donalea ，我同老婆對呢間民宿印象很深，十個讚！
點解今日要咁早出發？因為我地要在上午九點前到達 Kettering 排隊搭汽車渡輪往 Bruny Island ，碼頭上有很多遊艇．．．
上汽車渡輪了，呢次係我地自駕行第一次上汽車渡輪，好新鮮！
渡輪上有好多車，大約三十架左右．．．
落船後再駕四十五分鐘．．．
到達今天的目的地 --- Adventure Bay 。
駕咁耐車，剩係欣賞個沙灘？非也！我地 Join 左個 Bruny Island Cruise ，去塔斯曼尼亞以南的海域，展開海上三小時冒險之旅！今日參加的人數很多，大約二、三百人左右呀！
講解員與駕船的都係佢，佢十分照顧團友，時常關心我地的情況，參觀景點時又好體貼地將船打轉，讓所有團友有機會影相，值得讚賞！
初出海時的風浪已經好犀利，我同老婆已經食定暈浪丸打底，講解員每人派左兩粒含薑成份的藥丸，話可以令我地舒服d。嘩，真係全程三小時都無暈浪及作嘔的感覺，勁！
第一站，我地見到岸邊有一點點黑色小動物．．．
係海鳥！都 ok，唔算太特別．．．
再見到海蝕洞，睇下d水幾綠！好清澈的海水，香港肯定無！
右邊的似唔似 Lord Of Rings 魔戒三部曲的 The Two Towers？！我地隻快艇仲要以高速穿過中間的隙縫兩次 ，激！
在海中向上望懸崖，十分壯觀！
呢個係全程中最特別的一站 --- 吹穴 (Blow Hole)，因海水的進出及壓力的不同，海水從穴中噴出，形成極大的水花！(我用連拍影出以下幾張相，可知當時的震撼！)
吹穴的 video！
陳奕迅都在吹穴許下生日願望的！
繼續前行，見到更多的海蝕隙．．．
繼續前行，見到更多的海蝕隙．．．
不同類型的岩石．．．
望望附近的岩石，開始大浪．．．
再向前走，差不多到達塔斯曼尼亞最南端，再向前二千公里就見到南極的冰了！見到一大群野生海獅在岩石上曬太陽！我估大約有一、二百隻海獅！
睇佢地幾識享受！
唔係講笑，真係好壯觀！我同老婆都睇得十分興奮！
經過約兩小時行程，差不多要回程了！回程時見到兩個海蝕洞，好似個鼻！
就在回程的航行中，講解員見到一群海鷗在海上盆旋，佢立即將快艇慢駛，話好大可能會見到海豚。當時我正在錄影 video ，說時遲那時快，見到海面有幾條海豚跳上水面，嘩！十分珍貴難忘的經歷！
落船後，我地仍然十分興奮，亦無頭暈及唔舒服的感覺，勁！
駕車回程，途經相片左邊的 Adventure Bay 及右邊的 Isthmus Bay ，地型好獨特，我地將車泊在路邊，行上長長的梯級．．．
欣賞兩邊沙灘外，更見到一個個小洞，原來呢d洞係藍企鵝回巢的洞穴，每晚藍企鵝都會經過小徑回巢！我同老婆有機會都想再到這島，夜探藍企鵝！
駛出汽車渡輪碼頭，等待中見好多司機落車到呢間屋仔，原來呢間屋仔賣車厘子，我都買左半公斤，好好味的！值得推介！
老婆見我今日狀態ok，可以去多一個景點，好，駕車一個半小時出荷伯特 Hobart，又探探 Barilla Bay Oyster Farm ，買打生蠔嘆下先！
睇下d生蠔真係好正！唔食真係對唔住自己！
好！食飽飽，再駕車一個半小時，到附加景點亞瑟港 Port Arthur Historic Site 。
亞瑟港係英國政府在十九世紀流放犯人的地方，大片草地後見到的就係監房。
監房不復見，只見到監房的外牆．．．
醫院．．．
守衛當值的地方．．．
精神病院．．．
教堂．．．
我好鍾意呢張相，好有層次感！
政府花園．．．
過左一小時，係時候番荷伯特 Hobart 的 Motel 了。老婆話途經另一個吹穴，好，再影影相先！
開始日落，天色很美，今日真係好充實．．．
番到荷伯特，已經接近晚上八點，check in 後出外買幾塊 Pizza、兩個麵包，就當是晚餐了！
沒有留言:
張貼留言