不老不死溫泉 ---> 秋田 ---> 角館 ---> 抱返溪谷 ---> 鶴之湯溫泉
昨晚睡得很好！食完自助早餐後，再一次去影影不老不死溫泉。
早上浸溫泉的人不多。
離開酒店了。這晚的酒店老公十分滿意，當然啦，可以浸到咁特別的溫泉，加上這麼靚的日落．．．
P.S.： 網友如果想book這間溫泉，只要上這個網頁
申請日本東北旅遊優惠卡，住這間酒店就可以有9折優惠，慳成2千幾円架。同時用優惠卡入指定的展館及店舖，還有折扣添，不過唔知優惠到幾時完。
繼續沿101國道駛往秋田，這條國道沿海邊而行，風景好靚，老公話自駕行呢條路，都係一個景點嚟架。
呢條路車少，路闊，很好行呢，最衰我無攞國際牌，如果唔係我都想試試駕車．．．
到達秋田。好想搵隻秋田犬影相。
到秋田先去民俗藝能傳承館看竿燈。
竿燈祭在早幾日已完了，惟有在這裏感受下祭典的氣氛。
民俗館的伯伯示範用手掌托著重5kg的竿燈，好勁啊!
竿燈我托不起，惟有試試打鼓。
民俗館的門口，以竿燈為標誌。
之後到秋田巿民巿場食午飯。這間壽司店的刺身好鮮，但價錢並不是旅遊書所講咁平。
終於見到青森蘋果。老公一路都想試試，但此時並不是蘋果的收割期，好難先搵到蘋果吃的。
之後經蘋果店嬏嬏指示，行路到秋田產物所，想買咩？
買秋田米囉！因為驚行李超重，所以先買一袋2kg秋田米。
駕車到東北小京都 --- 角館。此時並不是角館的旺季，因為角館最出名的是櫻花。在春季時，此路兩旁都開滿了垂下來櫻花，很美的，有機會再來欣賞。
看不到櫻花，也有好多櫻花產品售買。
櫻花路加上日本古舊的建築物，春季的角館應該會好有詩意。
河邊的兩旁都栽滿櫻花樹，我真想一睹此美麗的景色。
角館另一名物是比內地雞，今次我哋無緣嘗試，下次再試啦！
很有特色的建築物。
離開角館，驅車前往附近的抱返溪谷。
駕車由小路進入，可以好快咁入到溪谷步道的入口。
沿步道行風景十分優美，因為位處偏僻，遊人甚少。
我哋的終點站係一條瀑布，途經吊橋及山洞，好似入咗深山野嶺咁。
穿過幾個黑漆漆的洞穴，終於見到．．．
「回顧之滝」 --- 一條好壯觀的瀑布。
這條回顧之淹比奧入瀨溪的瀑布宏偉得多。一路行天氣都好熱，但到達這條瀑布底後，一陣陣清新的涼風，加上瀑布的水花，感覺超好。
如果想欣賞到這條瀑布，記得不要害怕穿過這些神秘的山洞，見到瀑布就會有柳暗花明又一村的感覺。
抱返溪谷的入口有一條好靚的紅色吊橋，叫「神之岩橋」，若配合秋天的紅葉，景色一定更美麗。
往另一角度看吊橋。
離開溪谷後駕車前往今次行程的另一主角 --- 鶴之湯溫泉。
鶴之湯有多個出名的露天風呂，我在3月時已預訂房間，當時本館及1號館都已經滿房。
這個日本秘湯在乳頭溫泉區內，要驅車前往一段又窄，路面又唔平的小路進入，我哋又去咗另一個深山野嶺。溫泉都在深山內，感覺好raw！
我哋決定先食晚飯再去浸溫泉。晚飯有鶴之湯出名的山芋鍋及燒河魚。
由當地的野菜為主的料理。
很美味的山芋湯及燒魚。
只有出名的秘湯才有此招牌燈籠。
買盒溫泉入浴劑返屋企試試。
哇！好大的印章，好彩我哋早有預備 --- A4紙。
未見過咁大的蓋印。
鶴之湯位處深山，收唔到電話之餘，又無電視睇，我哋看完星星就早早睡覺，希望明日一早去浸浴。
沒有留言:
張貼留言