青森秋田過祭溫泉遊の第三天

八戸 ---> 八食市場 ---> 五所川原 ---> 立倭武多祭 ---> 弘前

自駕遊的日子開始了。

今次選擇了在日產租車，老公話平D喎。我哋架銀色小車子。

今日先去我期待咗好耐的八食巿場。在這裏可以買新鮮的海鮮即場在"七厘村"(巿場裏面的一間餐廳)燒來食。

好多遊客都係為了海鮮燒烤而來，所以海鮮檔都將不同種類的海鮮以一份份的型式出售。2500円一份已經有齊不同種類的海鮮，十分抵食。雖然我哋兩個的胃口出晒名大，但都唔敢挑戰以下的海鮮餐，加上我哋又想食多些不同種類的海鮮，所以決定"散買"。

唔想燒，有刺身，600円，超抵。

還有新鮮的水果，我哋決定還車個日才買返香港食。

各類型有關蘋果的手信。

老公買了支大的蘋果汁搭燒海鮮

我哋開餐啦。先講我哋買了D咩。1000円三隻的海胆刺身、100円一隻的扇貝(買了四隻)、1000円的毛蟹、250円一隻的特大虎蝦(買了兩隻)及240円的大魷魚，這海鮮餐加上每人200円的餐具、炭爐費，盛惠3540円。

七厘村的坐位很多，但好快就坐滿了。

從未試過咁新鮮的海鮮，大快朵頤。

超鮮甜、特大的扇貝，食一隻已經好飽，港幣十元都唔駛。

除扇貝外，我同老公首推魷魚，超好吃，一定要試。

七厘村的門口

八食巿場，We will be back ！

之後上五所川原睇另一個祭典，沿途風景優美

天氣不錯

途經青森美術館，入去想睇一隻大狗

美術館的外型好靚，加上大草坪陪襯，美上加美

這隻大狗係日本著名的美術插畫家奈良美智的作品，見到旅遊書的介紹，很想來睇下佢。

P.S.：若果想去美術館睇大狗，係唔駛比美術館的入場費(小miu mo就咁浪費了幾百円睇一些唔識欣賞的展品)。美術館內沿路有指示牌會帶路。

狗仔好似想開餐喎!

美術館的外圍!

一段頗長的路程，終於到達五所川原。這是立倭武多祭館，裏面展示了有四五層樓高的大燈籠，若參加不到祭典，也值得來這裏看燈籠。

睇祭典之前到附近店舖食拉麵。店內只有3位嬏嬏煮麵，雖然等好耐先有得食，但這兩碗麵真係好好味。

拉麵店的門口

食完麵即刻去霸個有利位置睇祭，哇，已經好多人。

好感恩，我哋也霸了個較前的位置坐。小miu mo也好似當地人咁排排坐，等睇囉。

大燈籠出場啦，真係有幾層樓咁高。五所川原係一個小鎮，所以D建築物很矮，大燈籠都高過晒D樓。

年輕的祭典巡遊人士準備就緒

五所川原的立倭武多祭開始了。這個祭典曾經因火災而停了一段時間，近幾年才搞番，以二十幾米高的大燈籠巡遊為主，當燈籠經過你身邊時，好震撼的。

燈籠也是由十數位大力士拉動。

除垂直高大的燈籠外，也由近似青森祭的橫向燈籠。

大人物也點少得悟空

火車頭Thomas也一齊參與祭典呢!

加油，大力D推啦!

大燈籠加上很整齊的舞步，可觀性很高啊!

當巡遊的跳舞姐姐經過我身邊時，可能見到我很落力地一齊唱祭典歌，她在袖口內攞咗一包手工很精美的紙巾包送給我，好開心呢。老公話乖的小朋友先有禮物收的。

當地一家大小也投入地參與巡遊。





參加過兩個祭典後，我同老公都同意立倭武多祭較青森睡魔祭好睇。燈籠較宏偉之餘，參與的人也較投入，地方性的色彩較重，商業味少。若果沒有時間觀賞兩個祭，我們較推介這個啊!

我地參與晒整個祭典後，駕車回弘前東橫Inn住。