池袋 ---> 八戸---> 青森 ---> 青森睡魔祭 --->八戸
好感恩，經過祈禱及搽左日本膏藥，我隻腳已經無再痛。
一朝早精神奕奕去坐新幹線上八戸。
我哋以八戸為東北站的起點及終點，因為八戸係東北新幹線的終站(今年十二月東北新幹線會伸延至青森)，而且東橫Inn及租車處都好近車站，十分方便。我哋先係東橫Inn放下行李，然後出發去青森。
感恩的係天氣好好！心情都靚d！
有網友問八戸站有沒有大Locker可以放行李。其實係有，在電梯的下方。
但locker的數量不多，大的只有2個。
到了青森，人流湧湧，都係一個目的，睇祭。
離祭典開始的時間仲有好耐，可以去青森巿的其地方周圍行。
青森大橋
青森的海鮮巿場AUGA
食碗美味的魚生飯
這間是AUGA巿場最大的餐廳，招呼我哋的waitress係識講廣東話的。
來東北的另一個任務係幫小miu mo的兩位媽咪買乾貝柱。
除乾貨外，還有很多新鮮海產。
這是巿場內租祭典服的商店，呢段時間店舖十分旺場。
這艘船是八甲田丸。以往未有鐵路上北海道函館時，個個都要來青森港坐類似的船上北海道。依家這艘船退役讓遊人參觀。我哋對此興趣不大，只在外圍影相。
青森港
青森大橋
這張相的地下為何有多條粉筆畫的界線？原來明天祭典的最後一日會在海上放煙花，日本人霸位的方式就係早些來有利位置畫位，其他人便不會坐下來。這方法惟有適用於守規文化很高的日本使用。
這座三角型的建築物係青森巿的觀光產物所，入面有好多青森縣的農產品買的。
產物所的入口外已經放滿了今晚祭典的大燈籠，供遊人影相。
由於依家唔係青森蘋果的收割期，惟有試試呢D青森蘋果汁。
祭典其間，整個青森巿都掛上這些紙金魚。
產物所外的風景。
祭典準備就緒，工作人員先將大燈籠放在巡遊路線的指定位置。
一個大燈籠要由多位大力士推動。
不可缺少的太鼓。
日本人在祭典前都會影下相作紀念。
穿上祭典服的年輕人也準備就緒。
雖然我哋已經早兩個鐘來到巡遊路線的位置，但大部份的路邊位已被預留及坐滿人，我地惟有坐係這排凳的後面，我老公已經煩緊點攞位影相。我好想我老公在最佳位置影相，點算好呢!
之後發現原來這些位是 "有料"位置，即係可以比錢就有得坐，眼見前排越來越少空位，我就叫老公當機立斷，付上5千日元坐前排。雖然係貴D，但遠赴而來都係想睇祭，花錢便可以坐頭位，老公又可以影靚相，都係值得既。
坐前排可以隨時走出馬路中間影相。
日本東北最大型的祭典青森 ねぶた 睡魔祭，開始了。祭典的主角當然係呢D兩三層樓高，以神話及傳說人物為主題的大燈籠。
沿途有好多穿著祭典衣服的人唱歌及喊口號，場面好熱鬧！
日間睇大燈籠都好靚了，夜晚睇點了燈的大燈籠，超級靚！
有太鼓及樂器的演出，大人同小朋友一齊跳舞叫口號！
雖然此祭典規模十分大，氣氛又好好，但小miu mo略嫌商業味太重，參與巡遊的祭典人士純粹 "行行下"，跳舞又唔係好齊，投入程度一般。期望明天的另一個祭，會有更好的感受。
由於要坐火車返八戸住，所以祭典還未完，我們便走了。！
明早我地可以駕車了！
沒有留言:
張貼留言