富良野 -> 上富良野日之出公園 -> FlowerLand -> Kanno Farm -> ZuRuBu之丘 ->
Ken and Mary Tree -> Seven Star Tree -> 親子之木 -> 北西之丘展望台 -> 旭川
昨晚好夜訓！今早很早起床，好累！
呢間民宿叫Tomte Rum，響上富良野，尋晚太夜，唔知個環境係點，今早起床，嚇左一跳！
房間算大，共有三張床，我地住二樓，但洗臉刷牙響房外的公眾位置。好，落樓下食早餐先，食早餐既地方好精緻，窗外就係一望無際的草原：
食完早餐出外睇睇，見到尋晚歡迎我地隻狗，我攪住隻狗就好似攬住個人咁大舊，但係佢好乖的，唔會亂吠，我同老婆都好鍾意！
民宿附近的環境真的是很美！
好，影下民宿的外圍，我同老婆都好鍾意呢間木屋，似唔似瑞士d屋呢？
民宿的內部，這是用膳的地方。
離開上富良野前，影一影我地架Toyota Vitz先：
出發喇！約30分鐘車程，到達今日第一景點：上富良野日之出公園。其實呢個公園係我向老婆提議要去的，因為我睇旅遊書，覺得個公園好靚！一入場就見到呢個場景：
呢度有好多日本人影結婚相同辦婚禮的，前面呢個叫「愛之鐘」，係幸福同甜蜜的意思。上了展望台，向下望的景色很美：
唔知點解，我好鍾意呢個地方，仲有，我響呢度見到呢三日中未見過的花：向日葵！好靚！
我同老婆行左個半鐘，佢話要去另一地方繼續睇花，ok，出發！
呢個地方叫 FlowerLand ，係唯一一個要我地俾入場費的，可能我地呢幾日睇得太多花，好似感覺不太大。真衰！好啦，再影d靚相先！
其實，我都幾鍾意呢幾張相，影既時候我差唔多要訓響地下影！
來到富良野美瑛行程中最後一個花田，就係美馬牛的Kanno Farm，我老婆就好鍾意呢處，覺得呢度最靚：
其中老婆最鍾意呢處，佢剩係響呢塊花田都留了三十分鐘！
我就覺得呢棵樹好靚，個天、棵樹同薰衣草田好Match！
好喇！前後我同老婆於三日內參觀了七個花田，實在大飽眼福！
回程交車之前，我地仲努力到最後，到一d出名既樹影相：
Ken and Mary Tree
Seven Star Tree
親子之木
最後上埋北西之丘展望台，睇埋美瑛的全景，就完成我同老婆三日賞花之旅了！
好，駕車回旭川還車，還車前影下個GPS先.....
然後我同老婆乘巴士往旭川JR站，在站旁的旭川車站酒店休息。影下酒店外的旭川JR站先！
你的照片影得好靚呀，藍天影得好藍，花也影得美麗動人.... 好期待下年去北海道呢... [版主回覆06/17/2009 16:14:00]值得感恩的是，那幾天無落雨，氣溫亦好舒服，天朗氣清！那幾天我同老婆都曬黑了！慘慘！ 但睇到d相影得咁靚，就算再曬d，都值得！
回覆刪除北海道真係好靚! 影出來的相真係好靚, 我想問下你用咩相機影呢? [版主回覆07/13/2009 22:12:00]多謝你睇我地的blog，我地用左好多心機去寫的！ 其實我都唔係專業影相的，業餘都唔係，只係拎住部「傻瓜機」，覺得靚就影囉！ 我部機係Panasonic Lumix LX-2，都有d function可以玩下的，但都係一部「傻瓜機」來的！ 多多指教！
回覆刪除你住果間民宿好靚, 想問廁所同浴室係咪係出面, 唔係間房入面? [版主回覆08/18/2009 15:23:00]係呀，這間民宿的廁所及洗面盆都在房間外，而浴室是家庭式浸浴，有時間規限的。雖然如此，住客多數係日本本地人，他們會將設施保持得好乾淨，問題不大的。
回覆刪除真係好靚呀, 想問下夏天住民宿會吾會有好多昆蟲架? 我8月份都會去北海道, 你個blog d 內容好豐富呀, 多謝你! [版主回覆02/28/2010 07:29:00]謝謝你的瀏覽同鼓勵呀！ 北海道的夏天係好舒服的，下午大約廿幾度，簡簡單單一件短袖T-shirt，帶定一件外褸就ok。我住過幾間民宿，昆蟲唔多的，應該可以放心的。(但呢層我不能擔保的啊！ ) 希望你玩得開心啦！ 順便推介一下：如果你鍾意動物，去旭川旭山動物園吖！
回覆刪除真係好靚啊. 想請問點解你要還車然後坐jr 去旭川呢? 我以為可以租車環遊全個北海道,走時先還車. [版主回覆03/01/2010 20:10:00]其實係可以揸車上旭川的，不過北海道呢個trip係我地第一次日本自駕遊，我地都係嘗試下響日本揸車咋！之後就愛上日本自駕遊喇！因為日本人揸車的態度好好，又好禮讓，響日本的高速仲有feel呀！ 所以下次我地會揸車行全個北海道呀！正！
回覆刪除你好呀, 又係我呀, 我想問, Tomte Rum 係唔係美英附近? 我search 完好多blog 友的遊記後, 很多人都讚e 間民宿, 話好乾淨. 以我都好想好似你咁, 住tomte rum & bibi.... [版主回覆04/10/2010 16:15:00]Tomte Rum應該在美瑛站落車(根據網站資料顯示)，但上次我地係自駕遊，仲要係好夜才到，Towte Rum 位於山上，都幾難找的！ 俾個網址你吖： http://www13.ocn.ne.jp/~tomterum/
回覆刪除多謝你在我的BLOG留言給我, 因為6月準備出發去北海道所以SEARCH到你個BLOG, 你的照片拍得很漂亮而且遊記也寫得非常詳細, 謝謝你的分享, 的確可以幫我把我的行程PLAN得完美一些...... [版主回覆02/21/2011 19:11:00]謝謝你的瀏覽！ 希望日後能分享更多旅遊日誌，多多交流！
回覆刪除你好呀，我想請教你呢三日嘅租車費同油費要幾多錢呀？如果用JR代替會唔會平啲呢？暑假咁多人自駕，會唔會塞車同冇車位泊車呢？可唔可以話我聽每個景點的電話號碼呢？又或者怎樣查到每個景點的電話號碼呢？唔該晒你呀！ [版主回覆06/19/2011 09:36:00]謝謝你的瀏覽！ 在北海道租三日兩夜車，租車費 12,000 円，車仔只需Refill 一次油，用左 3,300 円，我就覺得好抵喇！起碼時間容易d控制啦！ 在北海道駕車係非常方便，如果你只在郊區行駛，真的會覺得十分舒服，好少塞車，泊車方便的。但入到札幌市就會繁忙d。 你想搵邊幾個景點的電話吖？我可能要搵搵。 你亦可以嘗試上網搜尋一下，應該都會搵到的。
回覆刪除