小MiuMo遊世界: 北海道夏日賞花之旅の第八天

洞爺湖 -> 金比羅火口．災害遺構散策路 -> 洞爺湖町立火山科學館 ->

有珠山、昭和新山 -> 昭和新山熊牧場 -> 函館 -> 函館山

今早起床，天氣麻麻，密雲，尋晚又訓得唔係幾好！

八點鐘食早餐，日本嬸嬸又先幫我地收拾被舖，然後放好日式早餐。好溫馨！

食食吓早餐，有D白鴿飛響露台的欄杆上，我趕極佢地都唔走，索性用相機影低佢，都幾靚！係咪？！

早餐過後再出發，先將行李暫放酒店，我地出去其他景點先！尋日都無好好欣賞洞爺湖的景色，今早響洞爺湖旁慢步，睇到湖邊的小花，心情都開朗D！

我地乘巴士到達第一景點：「金比羅火口．災害遺構散策路」。聽個名其實唔知係D乜，其實係2000年有珠火山爆發時，呢一帶的房屋被火山的泥流破壞而造成的損害。政府為左展示災害實況，將呢個遺址開放成露天的教育場地，供人認識火山爆發的威力。

呢個景點係我老婆好想去的，因為我老婆係「地理人」，所以對呢方面的資料興趣甚濃，仲有係因為有關呢方面的實景資料並唔多，所以好珍貴！我地見到一幢樓宇，門口被山泥堆積，玻璃亦爆裂，火山爆發造成的破壞實在驚人！

慘不忍睹的破壞情況！

參觀時我地都估下估下，咁岩有一位日本伯伯管理員經過，見我地唔係好明，就慢慢用有限的英文、簡單日文加埋身體語言同我地解釋。我地去到呢處，起初見到好似無乜特別，但伯伯叫我地睇真d，前面的草地比其他地方高，那地方是火山爆發後的泥流形成的！原來泥流大約有一層樓高！嘩！好在有伯伯講解，唔係都睇得無咁仔細！

我地見到呢個位置好特別，遠處點解有一條行車天橋？仲有支燈柱呢？老伯叫我地睇下個圖示，原本條天橋距離現在睇到的位置約100米，因為火山爆發引起的泥流，將一部份的天橋沖到呢個位置，差d仲會撞向左邊的建築物！成條天橋就咁「凌空」飛起！見到橋中的「燈柱」嗎？我同老婆聽完解釋後，立時呆左！

看過遺址，內心並不好受，親眼見證大自然的威力外，對上帝亦多了一份敬畏！

然後我們到旁邊的「洞爺湖町立火山科學館」，看看更多火山的威力！

入到場館，見到一架遭火山爆發損毀的汽車，令人覺得震撼！

看到很多被毀的物件，大多數是「沙塵滾滾」，但呢個真係「唔講得笑」！起初我同老婆覺得呢條只係一般的鐵路，無乜特別！仔細一看，普通鐵路轉彎一定唔會咁急，然後轉返直！但係呢條鐵路「彎」得好自然，唔似係「人工」形成的！睇完旁邊的解釋，知道呢條鐵路係因為火山爆發的熱泥流衝激而成，熱泥流令鐵路變形！嘩！Unbelievable！！！！！