小MiuMo溫馨蜜月之旅の第六天

瑪拉樂嘉農莊 Aussie Country -> 黃金海岸 Gold Coast

今日一起身，見到落雨，心情不佳！

我地仲要去瑪拉樂嘉農莊 Aussie Country ，今日有好多野玩的！慘慘！

響酒店食完早餐，搭車到市郊的農莊，D雨落得仲勁！一入到去，就有「拉茶」表演，我老婆都「露兩手」，玩得好開心的！

唔記得呢d係乜名堂，只係知道好好食！

原本我地可以去捉泥蟹的，但落雨又要取消，只係有一隻demo蟹，個個都攞住隻蟹來影張相就算喇！

之後我地入左室內，睇剪羊毛表演同賽羊，我老婆一見到d羊就high哂，睇下d羊仔幾得意！

呢d就係參加比賽的羊仔，都幾大隻的！我同老婆都覺得隻2號羊仔應該會贏的！

好，一出閘，首先跑出係2號．．．最後真係2號贏左！勁！

次後我地仲可以試玩澳洲的傳統樂器 --- 大吉來多 (Didgeridoo)，都幾難吹的！

好喇，係時候睇「戲肉」喇！剪羊毛！睇住隻羊任人剃毛，又好乖乖任剃，真係覺得有d殘忍！

睇下！真係無郁過的！

話咁快就剃得乾乾淨淨喇！慘慘！

我地三個就笑得出喇！睇下隻羊仔，佢一定好唔開心啫！

玩左成個上午，食過飯，番酒店先！我地住番尋晚間酒店，休息一陣，出黃金海岸 Gold Coast 行下！點知仲係咁大雨！掃興！

有無見到無人的黃金海岸呢？！

今日極無Mood！希望聽日好d天啦！