小MiuMo溫馨蜜月之旅の第七天

黃金海岸 Gold Coast -> 布里斯本 Brisbane -> Lone Pine Koala Sanctuary

今日係第七天，亦係我地離團的一天，我同老婆會Stay Behind兩天，即係我地仲可以留多兩日！我地乘團的旅遊車，由黃金海岸返布里斯本，然後響我地stay behind的酒店附近落車，然後去酒店check-in先！搞得來都成十一、十二點喇！食左少少野，立即出發去今日的景點 --- Lone Pine Koala Sanctuary 。
上次我地睇樹熊同袋鼠，都唔係好夠喉，今日再睇！嘩！今日見到仲多袋鼠呀！

成個公園都係，何其壯觀！

袋鼠媽及袋鼠B，真係溫馨！

我「捕」左呢兩隻袋鼠好耐喇！佢地真係心靈相通的，成日一齊做同一動作的！

我同老婆最鍾意的，就係唔駛俾人趕時間，今日任我地睇幾耐都得！好野！

睇完袋鼠，梗係要睇樹熊啦！呢張我又係「捕」左好耐的，因為部相機「傻瓜」，成日都影到「震」哂，我大大話話都影左三、四十張，先影到一張自己滿意的！

咁可愛，正！

睇左一陣樹熊，就睇下澳洲另一特產 --- 塔斯曼尼亞袋獾 Tasmanian Devil 。

好可愛的！

睇左一陣，又番去睇樹熊。原來佢地d指甲真係好尖的！

好眼訓呀！

樹熊媽媽同樹熊仔仔一齊訓覺！媽媽揹住仔仔唔覺得辛苦咩？

兩隻樹熊的坐姿一樣，kawaii 呢！

當然我地仲有抱多一次樹熊啦！我今次無俾樹熊咬喇，不過隻樹熊響我件衫上面賴屎屎！超黑仔！

臨走響門口影張相先！

今日都好開心，食飽飯番酒店休息先！