小MiuMo溫馨蜜月之旅の第四天

熱氣球體驗 -> 四驅電單車體驗



今日係自由活動時間，即係要活動就要自費啦！我地尋日已經報左名參加玩熱氣球，今早要五點半左右起身！未天光就要出去熱氣球場地準備喇！咁大個仔女未玩過熱氣球，梗係要試下啦！玩熱氣球要澳幣$165，但包埋香檳早餐喎！OK啦！

真係天光左無幾耐的！但個熱氣球場已經有好多人喇！仲有d已經升左空添！



睇見d人整理個熱氣球，心情好興奮的！

睇到呢d場景，幾迷人！

好喇！我地要等d熱氣球充氣之後，先可以上熱氣球的！好期待呀！

十分期待！我好滿意呢張相的！

好，差不多出發喇！

響熱氣球前梗係要影張合照啦！

我地睇住隔離的熱氣球升空，好興奮的！

終於到我地上熱氣球喇！導遊幫我地影張相留念先！

終於熱氣球上升喇！感覺真係好特別！下面d人真係會同我地揮手的！

睇見地上的景物愈來愈細，感覺奇妙！

睇到隔離的熱氣球呀！一齊升空！

見到附近的農田，方形的田野，唔知係種植乜呢？

再高d、再高d！

嘩！真係好高呀！我地都有d腳仔軟！

經過大概三十分鐘，奇妙旅程終於結束喇！好唔捨得！





落到地面唔係話走就走的！仲要體驗收熱氣球的！原來收熱氣球都幾辛苦的！

好，休息一陣，食過早餐餐，又玩另一樣野 --- 四驅電單車。呢個又係我同老婆第一次玩的玩意，當然興奮啦！但都唔平的，要澳幣$110，貴！

開車前，影張相先！幾型？！

其實我地玩四驅電單車的時間有2小時，包小食餐，都幾好玩的！

玩完四驅電單車，見到有幾匹馬，影下相，周圍行下，好relax！

好，玩完自費活動，係時候返酒店！其實我地都有d後悔無玩跳傘，聽番d團友講，真係好刺激的！好！留待下次！