小MiuMo溫馨蜜月之旅の第八天及第九天

布里斯本 Brisbane  -> 布里斯本河 Brisbane River ->

South Bank Beach -> 市內觀光

今日係響澳洲的最後一日活動時間，我地都訓到成上午十點先至起床，正！

我地今日主要響布里斯本市中心遊覽，先影下市中心的教堂。

之後行到去布里斯本河 (Brisbane River)旁影下相啦！我地今日的行程好隨意的，見到乜就玩乜，影下相又得！哈哈！

見到有隻遊船，可以參加中午的local trip，坐船參觀布里斯本河，正！仲包埋午餐添！好，一於join佢！

上到船，先食野，因為開始肚餓喇！我地見到船長，佢好nice，借左頂船長帽俾的戴，仲同我地影左張合照添！

開始參觀布里斯本河喇！感覺幾得意的，兩岸好近！

隻船經過布里斯本的金融區。我地影左好多張相呀！正！

成個鐘頭的遊船結束，我地響岸邊好relax咁行下！見到好多遊艇，嘩，同香港見到的有d唔同噃！

又響河邊見到一個「紅樹林」添！

經過一個公園，d紫色植物好靚，又影！

最特別係響河邊竟然有個人工沙灘，叫 South Bank Beach，仲有人游緊水的，真係大開眼界！

老婆後面的就係賭場，我同老婆入左去換左一個籌碼做紀念就走番出來喇！

呢個係咪博物館呢？我地都無入去，唔知喇！

好，今晚係響澳洲的最後一晚，我老婆提議去河邊的一間著名餐廳食泥蟹！我當然舉腳贊成啦！雖然我無影到間餐廳的相片，但係我地真係好懷念呢一晚，因為見識到澳洲人的熱情同好客，仲有，佢地d食物質素好高的，隻泥蟹真係好好味！最重要的係，d侍應真係好好服務態度，仲要係唔收「加一服務費」的！我老婆話最憎香港食店d服務態度又差，仲要我地俾「加一」，超級唔值！
食飽飽，經過一間pub，就試埋澳洲最著名的啤酒---XXXX。無錯，係「XXXX」! 啤酒的牌子叫「Four X」，飲落口好香，唔算苦，幾易入口！正！

好喇！今晚玩夠喇！要早d訓，因為聽朝要一早起身去機場呀！

我地要搭 QF 513，飛0830，先到悉尼 Sydney，再轉乘 QF127 ，飛1130，由悉尼飛香港，回香港約下午1800。

後記：我要藉此多謝我老婆，俾左一次咁難忘的蜜月旅行經歷，以後我地仲要去好多地方呀！謝謝你！