日本和歌山淡路島深度遊の第一天

大阪國際機場 -> 天保山海遊館 -> 心齋橋

農曆新年又到，又係一家人開開心心去旅行的時候，今年計劃行程有d難度，又要遷就航班、又要睇下有乜好玩的景點．．．老婆於去年五月見有機票book，不過機票連稅加兩晚大阪酒店要近六千五百，超貴！點都好，book左去大阪先！然後再計劃行程，決定以和歌山做今次行程的核心，加上大阪及淡路島。

日本！我地又來了！Yeah！

今次坐國泰CX506，飛1020，到達大阪時間係1440，正！仲有半日玩！

落機先去Nippon Rent a Car 租車，要在 AeroPlaza 地下的 Counter 辦理手續，然後在停車場取車。

好！出發！第一站先去大阪灣天保山的海遊館，係世界上最大的城市型屋內水族館。

入館已經好宏偉了！Daddy好期待欣賞不同種類的魚。

首先見到小爪水獺，卡蛙依呢！

仲有蜥蝪．．．

呢隻叫水豚，係世界上最大的嚙齒動物，都好卡蛙依呢！

見到江豚，係小型的海豚，游得好快的。

終於入到主水族館，見到幾條好大的魔鬼魚，勁！

仲有翻車魚，daddy叫佢做太陽魚，好罕見的！

見到鯨鯊，睇下附近有幾多「手下」魚仔！

鯨鯊游近玻璃，都咪話唔驚！

Daddy一路睇，一路解釋呢條係乜魚，有乜特性．．．真係好pro！

睇左差不多個半小時，由八樓行落四樓，連最愛睇魚的 Daddy 都話睇到「夠皮」，仲話呢個館好睇過沖繩水族館添！

臨尾仲見到水母館．．．

仲有天使魚．．．張相添！

睇下天使魚幾細條！

參觀完水族館已經天黑了，影下天保山摩天輪。

駕車返大阪心齋橋的酒店，check in 後到帶daddy同mammy去我地於日本的飯堂 --- 松屋 --- 食晚飯。

我的指定動作 --- 燒牛肉定食！勁好味！

食飽飽已經晚上八點！好多店舖都差不多關門了，但街上仍然有好多行人。

來到心齋橋的指定攝影位 --- Glico 霓虹燈牌．．．

仲有呢隻巨蟹！

我地於心齋橋的另一飯堂 --- 元祿壽司！唔係香港的元祿囉！呢間好食好多！

上次我地食過一次赤鬼的燒八爪魚丸，超好味又多肉汁，今次專程同daddy mammy試下，見到人唔係太多，即排隊！

睇到都想食啦！點知今次試完，覺得水準下降左，d燒八爪魚丸又唔香、又無乜肉汁！水準以下之作！唔知係咪搬左舖位有關呢！

今日其實都好倦，行到晚上九點半就返酒店訓覺了！