白浜 -> 白良浜沙灘 -> 白浜EnergyLand -> 串本海中公園 ->
潮岬燈塔 -> 橋杭岩 -> 南紀勝浦溫泉
昨晚落雨，今早天晴，希望今日去的景點順順利利！
老婆在網上尋找三樂莊這酒店，網友評價都幾高的！我地都幾鍾意，可能因為尋日係星期日，唔係好多人入住，靜靜地，好舒服！
我地間房面向海同沙灘，幾正的！
食過早餐，又出發！先到酒店下的白良浜沙灘，因為太凍的關係，無人在沙灘，亦無人在游冬泳，但沙灘真係好靚，水清沙幼，夏天一定勁多人游水的！
行完白良浜沙灘，去隔離的白浜EnergyLand，我地都好期待，因為有好多關於環保同視覺的展覽和遊戲，好過癮的！
一入正門有個關於可再生能源的短片同模型，雖然我地唔係好識日文，但睇短片同d模型都估到佢想帶出環保的訊息。
呢個林肯的模型就正喇！無論我地從那個方向望向模型，林肯的眼睛都會望向我地，仲要係同時間望都可以囉！勁！
去特技屋Trick Art House，我同老婆極期待的，因為裡面有好多視覺差的遊戲，好過癮。
例如平平無奇的房間．．．
點解老婆會高我咁多既？！
哈哈哈！老婆，問你驚未？！
在兩邊牆壁畫出來的魔怪．．．
呀！老婆被魔怪食左添！Help！
睇我係咪坐得好舒服呢？！
其實又係畫在牆上的畫！超真實！
睇老婆幾犀利！在雲頂的紅色木板上行．．．
原來又係畫在牆上同地上的畫！
嘩！老婆！你唔係重左咁多呀？！
呢個係視覺差的效果！前半截的黃色木板係實物，後半塊係畫來的，仲有，要在指定的拍攝地點先可以睇到實物木板同畫上去的木板係平衡的！
老婆！點解屋內有條獨木橋！小心行喇！
又係視覺效果！
最過癮係呢個！起初大家都唔知呢個玩d乜？！又係兩邊牆加上地下的樓梯，左面係門口，前面係黑白色的牆．．．有兩個日本妹妹睇左好耐，都同我地一樣唔知有乜特別．．．
後來我地見到牆邊的介紹，示範動作係咁，我就跟住做啦！！！
影完相，牆上的指示叫我地將部相機順時針轉90度，得出的效果．．．嘩！我跌左落樓梯！
我俾張相俾兩個日本妹妹睇，佢地睇的頭三、四秒都唔明白，忽然聽到佢地話「Oh！梳、梳、梳 des」即係睇到有乜特別啦！呢個真係幾過癮的！
仲有，1000円都可以玩，犀利！
呢個就利害喇！入左去頭暈暈，成個人會感覺失去重心的，daddy 同 mammy 入去後話好似天旋地轉咁犀利！
行呢條樓梯，我同老婆都頭暈暈！d視覺差真勁！
呢個仲犀利！入左間房，成個人的重心會在房間的右手邊，就算我地扮Michael Jackson都可以！睇下我地幾勁？！
呢塊鏡係我地全程笑得最勁的玩意，睇落無乜特別，但好似老婆咁，將左腳舉起，隻手收埋又得，fing下又得，嘩！成個人凌空離地，你話驚唔驚先！呢個小玩意笑到mammy蹲在地下大笑，真係勁好玩！
其他地方唔行喇，因為想早d同 daddy去睇下一景點！在停車場見到可供住同有廚房的旅行車，我同老婆講，遲d我地都要租番架，可以穿州過省，由北海道玩到九州！
今早酒店送了便當，我地駕車到串本海中公園後，先在車上食便當再參觀。
Daddy 當然繼續欣賞魚仔啦！
上次我同老婆都曾經來過，老婆就最想同烏龜仔玩下喇！
仲可以餵下大烏龜添！
d烏龜真係好大好大隻的！佢地見到有野食，幾生猛呀！
仲好得戚添！
我地出到海中展望塔，daddy話唔係好特別．．．
點知從玻璃外望！嘩！好多好多魚在水底游！daddy 話起碼有成一千條在展望塔下游來游去！
daddy 睇到唔捨得走添！
參觀完海中展望塔，經過碼頭，daddy 話想睇下d日本漁船，我就陪 daddy 出外，老婆同mammy留在車上休息。daddy好犀利的，一見到漁船上的設備及裝置，就解釋俾我聽點用點用．．．又猛讚日本人漁船的設備先進，又可以借鏡裝在自己的船上，daddy話佢自己大開眼界，我就覺得 daddy 好 pro 喇！
daddy 真係「研究」d日本漁船的！
好！駕車到下一景點 --- 潮岬。潮岬燈塔係本州最南端的地方，值得去睇睇的！
潮岬燈塔唔高，行約七十級樓梯便可到頂。
潮岬燈塔向南，對出就係太平洋喇！
行完本州最南端，到橋杭岩睇睇．．．
上次我同老婆來橋杭岩落大雨，今次好好多！天晴！
仲布時間睇下橋杭岩的珍成呢！
玩左咁耐，係時候番酒店喇！今晚我地住南紀勝浦溫泉，之前我同老婆曾經入住，好深印象，好relax，成間酒店在島上，要搭船先可以入島。我地想先搵停車場泊車，然後拖行李到碼頭上船，點知碼頭職員話，我地可以駕車駛入酒店！！唔係啩！南紀勝浦溫泉係個島來的！點可以駕車入呀！
職員教我地如何駛入島，原來酒店位於半島，係可以由陸路進入的！只要在閘口出示入住證明就可以了！嘩！開心大發現！
我地入到南紀勝浦溫泉已經開始日落了，影影島上的碼頭先！
今晚食自助餐，都幾豐富的！
今晚relax一下，浸浸溫泉，聽朝希望睇到靚靚日出啦！
沒有留言:
張貼留言