南紀勝浦溫泉 -> 勝浦漁港 -> 捕鯨博物館 -> 妙法山阿彌陀寺 ->
熊野古道 -> 熊野那智大社 -> 三重塔 -> 那智瀑布 -> 川湯溫泉
今次已經係我同老婆第二次到南紀勝浦溫泉酒店，上次我地的房間並唔係向東，唔可以在房間外望日出，今次老婆特意book左間向東的大房，點知今早都係有雲，睇唔到日出添！真慘！
睇唔到日出，唯有駕車去勝浦漁港 --- 全日本最大的吞拿魚市場。
只係上午七點，d吞拿魚已經一排排分類放在地上。
點解有兩個攝影師在漁港？等陣話你知．．．
終於望到日出了！在勝浦漁港望各向南紀勝浦溫泉酒店的山上，看到太陽柔和的光線，另有一番風味。
daddy 同 mammy 就不斷睇到呢隻漁船落貨 --- 吞拿魚，真係源源不絕的！呢隻漁船起碼捕捉到三、四百條吞拿魚，勁！
漁船附近有十幾條銀色魚身、紅色魚鰭的魚，daddy好驚訝猛話未見過呢類魚．．
仲話一定要我幫佢影張相，俾daddy的釣魚友睇下喎！
魚市場十分熱鬧，吞拿魚的買手已經準備就緒．．．
吞拿魚的尾部會先被斬斷，買手會檢查吞拿魚的尾部，睇睇條魚係咪新鮮，之後就會進行交易，好快手的！
點解剛才會見到攝影師？因為佢囉！在市場有一條超大的藍鰭吞拿魚！
藍鰭吞拿魚重 213 公斤！勁！
之後仲有幾家電視台來攝影，工作人員先將藍鰭吞拿魚切去尾部，再讓買手檢查，整個過程都有攝影師拍下！當然我都唔執輸啦！
肚餓了！要離開勝浦漁港喇！
知道可以駕車出入酒店真好！好快就番到酒店食自助早餐喇！睇下幾豐富？！個牛奶同太陽蛋超讚！
睇下我地望住個海同勝浦漁港食早餐，幾正先！
食飽飽，又係時候浸溫泉。因為接近check out時間，來浸溫泉的人不多，我梗係把握機會，影下酒店最著名的溫泉 --- 忘歸洞。
睇下！個溫泉同太平洋幾近！
浸住溫泉睇太平洋，聽住洶湧澎湃的海浪聲，真係好震撼！
忘歸洞係依山洞建成的，好天然的感覺。
忘歸洞的另一邊有另一個溫泉，一樣係面向太平洋的。
食飽飽，浸完溫泉，人生一樂也！上房準備check out先！臨走影下間房，真係好正的。一間房訓四個人．．．
仲要係面向太平洋．．．仲有個偏廳，坐響度欣賞海景，正！
偏廳仲要係有270度無敵大海景，房間仲要位於35樓，難怪daddy話感覺好似做左一晚富翁，住在半山，有無敵大海景！daddy企響窗邊欣賞起碼一小時添！
好，出發！今日第一站係捕鯨博物館。
館內其實有其他海洋生物睇，仲可以餵海豚添！
呢條海豚好精靈的，一知道有野食就猛做動作吸引注意．．．睇下佢表情多多，就知佢幾「為食」啦！
老婆餵海豚的情況．．．
老婆餵完，正想離開之際，咁岩又係餵飼時間，睇下呢兩條海豚幾乖，定定地聽飼養員的指示，要做出一些動作先可以食小魚，係訓練的一種。
做得好，仲會俾飼養員摸摸讚讚添！
呢處就係餵飼海豚旁的小沙灘。老婆話夏天時候可預約，在沙灘與海豚共舞。
餵完海豚，到海洋劇場睇海豚表現。睇到d海豚咁叻，可知道訓練員下了不少功夫。
本以為睇完表現就走，點知訓練員話俾二百円可以摸摸海豚並可以合照，抵！老婆同mammy梗係把握呢次難得的機會啦！海洋公園都唔可以摸海豚啦！
返入捕鯨館，介紹日本捕鯨的歷史同方法，我地都興趣不大，只係覺得好殘忍。
睇完捕鯨博物館，駕車返南紀勝浦溫泉酒店附近食午餐。之前酒店派發每人500円的優惠卷，可以在指定的餐廳內使用。我地便隨意找一間餐廳食lunch．．．
餐廳老闆娘十分好服務，又不時同我地傾計，d食物又好好味，最後仲送上餐飲，最緊要的係九百円的定食餐，依家四百円就可以了，三個定食加一個烏冬，折扣後只需1550円，超抵！值得推介！
食飽飽，駕車去老婆好想去的景點 --- 那智瀑布。上次我地去那智瀑布，印象好深刻，今次一定要影三重塔及那智瀑布的相，老婆搵呀搵，搵極都搵唔到拍攝的地點，我駕車就愈駕愈遠，終於到達山頂的妙法山阿彌陀寺，我估呢處十分少香港人到達的！
妙法山阿彌陀寺十分寧靜祥和，空氣亦好清新。
真係上到山頂的！讚！
老婆覺得係時候落山，沿途竟然有重大發現．．．熊野古道！我相信呢段熊野古道一定唔係好多人行過！因為實在太偏僻了！
落到山腳，由那智大社的入口出發，睇下搵唔搵到老婆的拍攝景點。
行左十五分鐘，終於到達熊野那智大社，係世界遺產，好著名的。
行下行下，hey！呢個未就係好多書介紹的景點 --- 三重塔及那智瀑布。好野！正！呢次真係無心插柳囉！
了左老婆的心願，參觀一下那智大社。
到達其中一間寺院，見到日本足球隊的隊徽 --- 八咫鳥。聽說每次日本足球隊有重要的比賽，全隊球員都會到那智大社祈福。
八咫鳥係傳說中的三腳神鳥。
呢個係全日本最大的簽筒，半個人咁高，都幾重的！
Daddy 同 Mammy 就用100円求左支簽喇！
睇完那智大社，梗係要睇埋那會瀑布啦！
我同老婆都好深刻印象，覺得進入那智瀑布的樓梯景色十分迷人。
見到那智瀑布了！同上次睇的一樣，好靚！
當然要同老婆影多幾張靚相紀念啦！
好，繼續出發！我地今晚會住在「深山」，亦係全程最貴的一間酒店，睇下個晚餐幾「豪」就知道了！
我地在一間獨立房間食晚飯，最鍾意無人騷擾、自由自在的感覺！仲有專人送上所有食膳添！一定要同daddy mammy影張合照先！
食飽飯，又係浸溫泉的時候。今晚酒店唔係好多住客，我地仲將公眾的溫泉「貸切」 --- 即係包場添！正！
今晚好寧靜，好舒服！極期待明早在戶外浸溫泉！
沒有留言:
張貼留言