日本和歌山淡路島深度遊の第三天

大阪 -> 和歌山 -> 中野BC梅酒廠 -> 莓莓園 -> 南部梅林 ->

南紀白浜市場 -> 三段壁 -> 円月島 -> 白浜

由於國泰的package包兩晚的酒店，所以之前兩晚我地住在大阪的 Hotel Villa Fontaine ，在心齋橋旁，十分方便，好似東橫 Inn 的，包簡單的早餐，讚！

星期日大阪早晨的街道，特別少行人及車輛。

心齋橋，真係好「齋」！

今天我地離開大阪市，向和歌山出發！第一站係中野BC梅酒廠。當地好出名的！

由於係星期日，我地去到酒廠的停車場無其他旅遊車，我地都擔心酒廠會否休息不開放。老婆落車同開口的看更「溝通」後，有一個女職員專程出來帶我地參觀酒廠，仲十分好禮貌招待我地．．．帶我地經過米庫．．．

釀酒的設備．．．

介紹釀酒的過程．．．

仲有介紹酒廠的產品。

唔好以為我地去左第二景點！呢處係酒廠內宴會室外的亭園景色，靚！

女職員專程打開宴會室內的窗簾，成間房只係招待我地四位「貴賓」，真係有d唔好意思添！梗係要幫襯買d保健產品啦！

以為行完走人，離開宴會室到達售賣酒的房間，已經有另外三位職員準備招待我地，即時將酒及梅酒俾我地試飲．．．

四個職員招待我地四個客人，真係第一次！搞到真係唔買唔得咁！

我地差不多試左十支梅酒，d梅酒真係好好飲！最後買左四支啦！

離開梅酒廠，到第二景點進發。老婆預約了到莓莓園 --- 即係士多啤梨園，任摘士多啤梨食！daddy 同 mammy 十分期待！

園內種有好多植物，包括西蘭花．．．

仲有毋忘我．．．

上次無同 daddy mammy 去食士多啤梨，今次終於有機會嘗試一下。daddy mammy 入到種植士多啤梨的溫室，一開門就十分驚訝！嘩！真係好多士多啤梨呀！

一入園，我同daddy就狂食，睇到d士多啤梨又大又紅又新鮮，daddy猛讚好味好味！

經過十五分鐘後，大家食士多啤梨都食到飽飽地！半小時的任食後，daddy話d士多啤梨超甜超新鮮，在香港好難食得到，仲話之後見到士多啤梨都怕怕添！

臨走見到一pack pack的士多啤梨，眼前的一盒只賣 500 円，超抵！

食完士多啤梨，駕車到一附加景點 --- 南部梅林。

南部梅林係全日本最大的梅林，整個山頭都係梅花，於一月底開園，三月初結束，二月中見頃 (即係盛開)，沿山路有好多小檔舖，賣好多產物及與梅有關的食品。

山上有幾棵橙樹，我地都係第一次見的！

d橙又大又靚，真係好想摘幾個來試試添！

上山見到好多梅花，但大多係開左三至四成。

d梅花咁靚，我當然要影下特寫啦！

今日下午在園中有特別活動，好多日本人坐在公園中睇表演同玩抽獎。

離開南部梅林，到達和歌山著名景點 --- 南紀白浜市場。

先來兩碗魚生飯，yummy！

再參觀市場，見到紀州梅酒，一杯400円。

即席欣賞師傅現場切魚生，好多人買新鮮吞拿魚刺身的！

市場當然有不同的農產品賣．．．

最特別係見到鮮鯨魚刺身，雖然覺得兇殘，但一場來到，點都要試下．．．

食鯨魚同三文魚刺身！

食飽飽，再駕車到下一景點 --- 三段壁。

其實我地上次去和歌山都來過，今次係帶daddy同mammy參觀一下。點知來到，daddy同mammy興趣都不大，mammy仲好驚d海浪泊岸的「隆隆」聲，我地只係逗留左一陣便離開了。

今日最後的景點係円月島，因為在円月島睇日落係好靚的！上次無機會逗留，今次我滿懷期望的，但今日天公不美，只見天空灰朦朦一片！希望又幻滅了！

除了我，仲有一班專程等睇日落的人，佢地都一樣的失望！嗚嗚嗚！

好了！駕車返酒店 --- 三樂莊。晚餐都好豐富的，我地都食得飽飽！

飯後 Mammy 同老婆去浸溫泉，我同 Daddy好疲倦就在房休息。期待明天的行程！