澳洲塔斯曼尼亞塵世美之旅の第八天及第九天

荷伯特 Hobart -> 吉百利朱古力廠 -> Bonorong Park ->

荷伯特市內觀光 -> Hobart's Waterfront Celebration : The Taste Festival 

今早醒來，天朗氣清，在澳洲的最後一天，心情 very good！

雖然我們只是住在 motel ，但設備一d都唔差，小廳、梳化、大床．．．地方尚算寬敞！

今次我地住了兩間 motel ，都係這樣設計的，好有屋村 feel ！

Motel 正門，又唔貴，又住得舒服，正！

今日要上機了，但我地仍然安排三個行程，勁！第一站係參觀吉百利朱古力廠。

一入正門，見到一個大寶箱，載著幾百排大朱古力，犀利！

全店均塗上代表吉百利的紫色，好 sharp ！真係有好多款朱古力的！我地都買左好多手信！

參觀完吉百利廠，到第二站 --- Bonorong Park。呢個動物園好近荷伯特，約半小時車程，十分方便。

我最鍾意睇樹熊，真係好得意，傻傻笨笨的！

一隻正面、一隻背面，雙映成趣！

我老婆最想睇呢隻 --- 塔斯曼尼亞袋獾 Tasmanian Devil 。袋獾係世界上最大的食肉有袋動物，但因腫瘤病的原故，數目日漸減少。佢地好似一隻小狗的size，遠睇真係好得意的！

睇下佢地d牙幾尖銳！我地都覺得佢地唔係咁得人驚！

呢位管理員係呢班袋獾的「媽媽」，因為袋獾細細隻來到動物園，就由呢位管理員照顧喇！

睇下呢隻袋獾一見「媽媽」，就拼命爬上佢身上要「抱抱」，仲舔管理員隻手臂，好似好溫馴咁．．．我老婆覺得佢好似一隻狗仔，咁就幫佢改名做：

塔斯曼尼亞狗仔！！！ : >

一轉頭，當管理員餵食物 (係一隻已經死亡的野兔) 時，六隻「魔鬼」即時現身，睇下幾兇恨！我同老婆即時睇到眼凸凸！

睇完澳洲特有的塔斯曼尼亞袋獾，睇埋都係澳洲獨有的袋熊 Wombat ，都係好矇的！

仲有都係澳洲常見的袋鼠媽媽同袋鼠BB，好 cutie ！

來一張袋鼠BB大特寫！

參觀完動物園，老婆又買了幾隻「戰利品」，放在車頭玻璃，睇下佢地幾神氣！

最後一站 --- 荷伯特市內觀光。起初我地只希望行行逛逛，搵個地方食lunch，隨意影影相．．．

到超級市場買d塔斯曼尼亞蜜糖做手信．．．

行行下，見到廣場好似開嘉年華，有青少年在廣場跳舞，起初我地仲以為係除夕倒數的節目．．．

行經海旁，見到好多人坐在長枱食野，以為係餐廳．．．

入去先知道，原來係 Hobart's Waterfront Celebration--- The Taste Festival 美食嘉年華！睇下個場幾大、幾多人參加！

雖然剛食過 lunch ，但美食當前．．．點忍得口！

仲有紅酒試飲！正！

其實澳洲人係好鍾意飲酒的！睇下枱枱都有啤酒或者紅酒就知道了！

離開美食嘉年華場館，走到荷伯特碼頭逛逛。

藍天、白雲、遊艇、海港、美食、啤酒，人生最大的享受！

連海鷗都特別神氣的！

到達碼頭，見到好多遊艇，剛完成 Rolex Sydney Hobart Yacht Race ， 於除夕日抵達終點荷伯特港，迎接元旦的來臨。咁難得，影影先！

行程已經到達尾聲，我地仲要趕埋最後一個景點 --- 再三探探 Barilla Bay Oyster Farm ，離開塔斯曼尼亞前食多一次生蠔先！正！

真係要離開塔斯曼尼亞了！





我地搭澳航 QF1012於1650由荷伯起飛，到墨爾本是1805，再由墨爾本於2355出發，在飛機上倒數，迎接新年的來臨，好特別的！於0550抵達香港。





終於完成塔斯曼尼亞之旅，有好多難忘的第一次：

第一次日本以外的自駕遊；第一次於一天內駕車超過十六小時、一天內駕車超過六百公里；第一次「吹波波」；第一次見到野生的樹熊、袋熊、海獅同海豚；第一次食到creamy的生蠔；第一見行 Airwalk；第一次住motel ．．．真真回味！

我老婆最開心可以睇到好多野生動物，我就最喜歡行 Airwalk，當然在塔斯曼尼亞的生蠔係我地的至愛啦！ Yummy ！