關西狂購福袋勁玩團の第一天

香港機場 --> 大阪心齋橋

聖誕假，又係出發去旅行的時候。原先諗住"返泰國"，但竟然九月都Book唔到最平的泰國機票，要我付出接近3000的機票去泰國，不如又去日本好了....

點知好感恩又比我發現日航天地有好抵的package去大阪，有幾抵？港幣 4,500元包來回機票(國泰早機去、晚機返) + 各種稅項 + 四晚心齋橋附近的酒店，咁抵的價錢，當然去日本好過去泰國啦！日本，我地又來探你啦！

不過去大阪有個唔好處，就係若要坐ANA及JAL的航機，時間都不太好，晏機去早機返，唯有迫不得意下加左$300坐國泰與JAL的聯營機，點知真係出事....

我地搭國泰CX506飛10:20的，原先想坐早機想早D去日本逛街，點知上機後機長通知我地架飛機有故障，要維修，要我地落機去另一個閘口登第二班機，咁即係要delay啦.....

10點幾班機要12:00先可以出發，真掃興！

因為要到第二個閘口登機，咁啱撞到啲"朋友仔"準備登機去旅行，得到佢地的通知，原來國泰會"賠償"比我地班機的每一個乘客有40元買小食，我地梗係用埋佢。

這是國泰賠償比我地既小食。係啊，80元只有這些，因為一支綠茶也要32元。

關西狂購福袋勁玩團の第二天

大阪黑門市場 -> 心齋橋 -> 美國村 -> 神戶 -> 梅田空中庭園展望台

尋晚都訓得幾好，因為我最鍾意d細細間的酒店！呢間就係我地住的大阪富士屋酒店，又平，又乾淨，最緊要係近心齋橋！正！

今日行程都好緊密，先到心齋橋附近的黑門市場逛逛。我地去過好多日本的朝市，但呢個都算特別，因為除了海產外，仲有好多食物．．．

嘩！黑毛和牛都只係2000円一盒！抵！

關西狂購福袋勁玩團の第三天

嵐山 --> 渡月橋 --> 竹林之道 --> 野宮神社天龍寺 ->

金閣寺-->清水寺-->八坂神社

這天是2009年的最後一日。早些起床，去我地很想去的京都看風景及歷史建築物。

第一站去嵐山。

一去到，我被周圍的景色吸引了！哇，極美的風景！好有日劇的Feel！

我恨咗好耐，好想去的渡月橋。雖然無紅葉陪襯，但也好靚。

關西狂購福袋勁玩團の第四天

大阪Mitsui Outlet Park -> 手塚治虫記念館 -> Spa World

今日係2010年第一天，舊年我同老公都在韓國過新年，今年響日本過，仲開心！

因為日本的新年，好多店舖都唔開，所以可以購物的地方不多，但網友推介去outlet買福袋，因為在大阪有幾個outlet，新年1月1日都會開，好，一於試試在日本「搶福袋」的滋味！

我同老公選擇去 Mitsui Outlet Park ，雖然Rinku-Town地方大d，但離大阪較遠，而且網友講Mitsui Outlet Park唔會太多人，最重要係這oultet有我地的心頭好 --- 無印良品的福袋賣！

Outlet開上午十點，我地大約九點半到達，一丁到達門口，已經大排長龍！嘩！

關西狂購福袋勁玩團 --- 第五天

心齋橋 -> 關西國際空港

今日係最後一天，我同老公都決定唔去其他地方，繼續行心齋橋附近便算了。一早起床的第一件事，就係Pack行李先！我老公個旅行喼，去程只有三份之一個滿，今早已pack到滿！
Pack 好喼、check 完 out，我地再去隨意狂狂！這幾天的天氣都幾好，除了在神戶的晚上有點下雨外，其他都天氣不錯！

心齋橋附近就行得多，影條河就第一次！

日間的 Glico ，可能大早的關係，人不算多！

上午十點左右，我地已到達心齋橋，見到有d商店已經營業，仲有好多日本人排隊買福袋添！

暴走瑞士12天體驗之旅の前言

走過澳洲、亞洲、非洲，今次試一試走歐洲．．．

歐洲；我地只選擇了單一國家--瑞士，因為感覺上此國家較安全、乾淨、風景優美，而我地又唔"好"建築物，只"好"自然風光，所以選擇了此地方。加上之前看完容祖兒主持的現代塵世美，覺得瑞士好靚....好，就跟住塵世美的地方去設計行程。

瑞士與日本好唔同，坊間的資料十分少，書只有一兩本，網上只搜尋了幾個台灣人的旅遊網誌，而瑞士旅遊局給我的資訊亦十分有限，最後只可單靠這些僅有的資源，計劃了約十二日的行程。我同老公都相信，今次的旅程真的要靠天父的帶領。

暴走瑞士12天體驗之旅の第一天及第二天

Zurich --> Interlaken --> Grindelwald --> First --> Interlaken

去歐洲多數都係坐夜機，今次我地坐瑞士航空LX139班機，於晚上10點15分起飛。

坐左12個半鐘頭飛機，直達瑞士蘇黎世Zurich，因有時差的關係，到達當地只是第二朝朝早6點幾，哇!仲有成日玩，我兩公婆向瑞士出發。

到達蘇黎世機場，雖然仲有少少發燒，但出境時完全冇人檢查，我先前的憂慮又係一個多餘。



到達機場，第一時間要搵火車站，初頭好驚好難搵，會miss咗班火車，但後來發現火車站就在機場的下層，很快就搵到，仲比預期的搭早一班火車添。

暴走瑞士12天體驗之旅の第三天

Interlaken --> Grindelwald --> Jungfraujoch少女峰 -->

Wengen --> Lauterbrunnen --> Interlaken

聽網友講在這間B&B住，一定要吃早餐，因為它實在太豐富，原來真係。

這份的早餐最後也成為我地兩日的午餐(有密實袋就可以將剩餘的麵包帶走啦)，7元法郎包早午餐，真的很抵。

又上火車準備出發上瑞士最出名的少女峰。看，火車上的小枱印有Interlaken附近的路線圖，提醒旅客不要落錯車。

暴走瑞士12天體驗之旅の第四天

Interlaken -> Zermatt -> Gornergrat -> Zermatt

我地今天要離開Interlaken了，兩晚的B&B真係好舒適，亦是整個行程中，最便宜的住宿地點。Walter老闆又nice，老公亦記著他一句口頭禪--Oh! Thank You!

每人每晚33法郎，早餐7法郎，真的好抵。

由B&B到車程的途中，經過一些民居，都令我地好羨慕。尤其有一間，花園有一個有蓋的泳池，小朋友又可以在花園搭帳幕當去Camp，真係好寫意。

暴走瑞士12天體驗之旅の第五天

Zermatt --> Klein Matterhorn馬特洪峰 --> Brig --> Visp --> Saas Fee --> Brig

一早起床，打開房窗周圍望，好感恩，今日好天啊!

明明係好天，點解看不到馬特洪峰﹖我book呢間房係這旅館最貴的一間，因為可以由房中望到馬特洪峰。昨日就話天氣差，甚麼也看不到，點解今日看不到？

同老公立即梳洗走出旅館，原來馬特洪峰正正背著我地的房間，旅館竟然欺騙我地!

唔理住咧，今日咁好天，我地唔理講多，一早就坐纜車上Zermatt的最高點-Klein Matterhorn。因為擔心趕唔到返來check out，走之前就打電話俾旅館職員check out，點知佢話唔可以咁早check out，咁我地未搬返D行季返房，想返來才check out。

好，出發先！往纜車站的沿途，一路都好興奮，終於見到Zermatt的標誌。

暴走瑞士12天體驗之旅の第六天

Brig --> Glacier Express 冰河快車 --> St. Moritz

尋晚睡得不好，因為外面刮大風！無覺好訓！

離開Brig之前，影一影我地整個行程中房間最大的酒店先。

這是偏廳啊!雖然好大，但價錢不是最貴，交通也尚算方便啊!很近火車站的。

原先想在冰河快車吃午餐，但訂來訂去也訂不到，所以上車前到另一間瑞士超市--Migros，買定午餐在火車吃。

暴走瑞士12天體驗之旅の第七天

St. Moritz --> Diavolezza女魔峰 --> 冰川行 (Diavolezza -> Pers Glacier ->

Isla Persa -> Morteratsch-Glacier -> Morteratsch) --> Diavolezza

離開St. Moritz的酒店了，好唔捨得露台的靚景。

這間Hotel Bellaval十分方便，價錢相宜，服務態度優良，最好係唯一一間在酒店大堂有免費上網設施的酒店。我地放下行李一日，因為這晚我地要上山訓，明天回來再取行李走。

暴走瑞士12天體驗之旅の第八天

Diavolezza --> Sils Maria --> Fex Valley --> St. Moritz --> St. Gallen

實在太累了，所以看不到日出，只影到女魔峰早晨的景緻，都唔錯呀!

山上的酒店設備也不錯啊!我地尋晚不知幾好訓！

暴走瑞士12天體驗之旅の第九天

St. Gallen --> Ebernalp --> Appenzell --> St.Gallen

由 Youth Hostel 行去坐小列車再轉火車到Ebernalp。兩個巨人在路上顯現。

我地坐Appenzell列車去Ebenalp行山，再回到Appenzell小鎮。

這架列車係瑞士旅程中我最喜歡的列車，因為沿途景色實在極美。

暴走瑞士12天體驗之旅の第十天

St.Gallen --> Zurich 機場 --> Luzern --> 慕西格城牆 --> Zurich 機場

呢D朱古力係昨晚老闆娘送比我地食的，好開心呀!

這就是我地兩晚在St. Gallen的Youth Hostel，設備好少，我倆公婆就迫響下架床訓。

感恩的還有洗手盆及沖涼的地方。

暴走瑞士12天體驗之旅の第十一及十二天

Zurich 機場 --> Neuhausen --> Rheinfall萊茵河瀑布 --> Zurich --> Zurich 機場

在瑞士的最後一晚就獻給這間近機場的酒店，我老公好鍾意呢間酒店，房內的設計很有特色的。講你都唔信，這間酒店的價錢只係貴Youth Hostel少少咋。

酒店的隔離係M記，不過最後我地都無幫襯佢。

我地會坐這架免費的接駁Van仔來往機場與酒店。

暴走瑞士12天體驗之旅の後記

這張相響Ebernalp影的，最能用這相片提醒我們要感恩........

完成這個瑞士之旅，整個行程都係要靠著父神托著。

第一次踏足歐洲，只選瑞士一個國家，都係因為鍾意這地的自然風光，但睇得太多，又真係有少少悶....

瑞士或歐洲人比我地的感覺係無日本人咁nice，但比中國人有禮貌。我地主觀地覺得當地人係有少少歧視亞洲人(包括日本人，因為我地唔出聲，當地人都以為我地係日本人((曾經有兩位歐洲少女用日文暸我地傾偈))，點解咁講，見到火車、商店等職員招呼我地同招呼紅鬚綠眼的人，都有兩種完全唔同的態度(對我地梗係敷衍D啦)。如果唔係買左Swiss Pass，外國人買火車票係貴當地人一倍的。

東京近郊七縣遊の前言

已遊日本很多次，每次都好想同大家分享日本自由人的經驗，但寫blog真係好浪費時間，所以講咗好耐，都冇寫．．．

直至今次的東京近郊遊，我老公話實在太多好感恩的事情要同大家分享，所以用埋剩餘的二天假期，快快手寫好這些的遊歷，讓大家看完後，流下羨慕的口水．．．

我計劃去旅行，通常是預早半年至四個月的，因為有些酒店真的好full....所以暑假的著落---瑞士，我已一早book晒酒店了 。

東京近郊七縣遊の第一天

羽田機場 -> (神奈川縣) 箱根小通園 -> 大涌谷 -> 小王子博物館 -> (靜岡縣) 伊東市

坐零晨機，真的不好受....但已習慣了坐ANA到羽田機場，所以都唔選擇其他航空公司。講起坐飛機，今次真的又一次經歷神。我哋係坐零晨00:45航班，唔知點解我同老公都傻咗，竟然坐晚上11點幾班巴士由藍田出發，坐到半路已是11點半，我先發覺我地係坐零晨00:45分班機，點解咁遲先去機場。

當我地醒咗後，第一時間衝落車，坐的士，好彩這位的士司機好好人，幫我哋以最快速度趕去機場，我哋一路祈禱希望唔好有意外之餘，亦順利趕到班機....最後 神要我哋依靠佢，唔好靠自己的經驗及智慧(以我哋有21次的旅遊經驗，都可以有咁樣的錯誤)，否則連飛機都坐唔到。

飛機於05:45到達羽田機場，在機場等到8點便去mazda counter 攞車，起步前老公話一定要影番張咪錶，記錄今次的旅程行咗幾多公里喎．．．



有車坐，又咁早，緊係去遠D，神奈川縣箱根小通園係我哋今次旅程第一個目的地，坐零晨機冇覺好瞓，浸下溫泉，等自己精神下。

東京近郊七縣遊の第二天

(靜岡縣) 伊豆城崎海岸 -> Teddy Bear Museum ->

御殿場 Outlet-> (山梨縣) 富士山河口湖

伊東樂寛的第二天早晨，老公五點半起床，影日出..

是的，這間酒店是面向東，看日出一流。雖然這不是第一次看日出，但這次的日出，老公話係最靚，沒有雲及煙霞，又一次藉得感恩的事情。