關西狂購福袋勁玩團の第四天

大阪Mitsui Outlet Park -> 手塚治虫記念館 -> Spa World

今日係2010年第一天，舊年我同老公都在韓國過新年，今年響日本過，仲開心！

因為日本的新年，好多店舖都唔開，所以可以購物的地方不多，但網友推介去outlet買福袋，因為在大阪有幾個outlet，新年1月1日都會開，好，一於試試在日本「搶福袋」的滋味！

我同老公選擇去 Mitsui Outlet Park ，雖然Rinku-Town地方大d，但離大阪較遠，而且網友講Mitsui Outlet Park唔會太多人，最重要係這oultet有我地的心頭好 --- 無印良品的福袋賣！

Outlet開上午十點，我地大約九點半到達，一丁到達門口，已經大排長龍！嘩！

排到出停車場添！

入到outlet內，各人分途尋找心頭好，睇下在二樓的運動服飾店舖，排隊排到去地下添！

終於找到無印良品的店舖，竟然得十幾個人在排隊！我開心到不得了！Yeah！

準時上午十點正，大家開始「搶福袋」了！睇下「戰地記者」 --- 我老公影下的「搶福袋實況」先！十分瘋狂的！d人有理無理，隨手拿住三幾個福袋！真瘋狂！

我當然唔執輸啦！經過一輪「混戰」，我同老公拿了五個福袋 --- 一個女裝衣服福袋、一個男裝衣服福袋、兩個文具福袋、一個化妝品福袋，睇下我的戰利品先！

到埋單俾錢的時候了，五件福袋，總共 9,450 円！無錯！係唔駛10,000円！勁抵！

睇下我拿著戰利品的開心樣子！極滿足！

好，到下一「戰場」！我地經過 G-Shock，見到有平至10,000円的福袋，貴至60,000円的福袋，我地決定買一個12,000円的福袋，包括一隻 G-shock 同一隻  Baby-G 的手錶，好啦！買一個福袋試下啦！我地急不及待打開，嘩！隻 G-Shock 原價 25,200 円，隻 Baby-G 原價 18,900 円，共 44,100 円，即係我地低於3折買到兩隻錶！勁抵！

好，我老公轉移地方，去排Adidas，因為見到個個日本人都拿著一筒Adidas的福袋，真係人氣福袋！睇下條隊仲係排到落地下，就知道有幾多人買啦！

一入Adidas店舖，就見到一筒筒的Adidas「福袋」喇！無錯！係一個個鐵筒的福袋！

2010新年限定的Adidas福袋呀！勁！

我老公最初「搶」了一個大碼的Adidas福袋，但經過試身後，老公發現大碼唔多啱身，於是走左去「換福袋」，換左個中碼福袋！哈哈！

我去左幾間店舖，買左幾件衫，都見收獲豐富，又見有d累了，去食午餐先！普普通通的一餐，有烏冬、白飯、吉列豬扒，都係750円，勁抵！

行左成個上午，我地拿著七、八袋戰利品，決定先返酒店放下，再去其他景點。我在地鐵車箱已急不及待，取出無印良品的外套試試！勁鍾意！

放低戰利品，再向下一景點 --- 手塚治虫記念館進發！

手塚治虫記念館的外貌。

入到館，第一件事一定要影手塚治虫的相啦！

有好多記念品賣的！

適逢記念館十五週年，又多了些限定版記念品！

在大堂有藍寶石王子同埋Astro Boy的公仔，一定要影相啦！

在大堂仲有用磁磚砌成手塚治虫的地下添！夠特色！

去到另一展廳，我見有野玩，好！試下先！

原來呢個係製作動畫的體驗館，我同老公一於試試畫下漫畫，制作動畫的滋味！睇下我幾俾心機畫！

我就唔Post我的作品喇！我老公呢兩幅就笑死我囉！

展館中貼出好多手塚治虫作品的Poster，真壯觀！

手塚治虫真係一個好勁的漫畫家！睇下佢筆下的漫畫角色有幾多？！

展館仲展出第一代的Astro Boy漫畫，極珍貴！

行完手塚治虫記念館，係時候去relax一下喇！話哂都係新年呀！我地知道大阪有一間好出名的溫泉叫 Spa World，年終無休，24小時營業，雖然都幾貴，每次入場每人3,000円，可以玩到凌晨十二點才離開，但一入門口，見到一張Banner，寫著 1,000円！唔係掛！咁抵？！

呢間就係Spa World的正門！都幾 grand 的！

我地問過d職員，佢地話今日係新年1月1日，大優惠、大割引！入場費每人1,000円！超抵！正！

入到Spa World，因為唔俾影相，我老公無影到喇！但我地在水上樂園中，先後玩左十次滑梯，仲可以有兩個人坐的水泡一齊玩！勁爽！又浸溫泉啦！玩得累又在餐廳食埋晚飯啦！真係好開心的！我同老公都好滿意 Spa World 這個行程！

今日在日本過新年，真係好值得回憶的！又有得瘋狂shopping、又有得參觀景點、又有得Relax，真係超正！

番酒店又經過超級市場，老公提議又買個青森蘋果食下，好！贊成！

睇下個青森蘋果幾大個！

我地覺得今日的收獲好豐富！望住d福袋，老公提議將福袋內我物品取出，放在床上影張相片，好呀！最後就影左呢張相喇！有在無印良品的五個福袋，其中男裝和女裝的福袋拆開，另外將Adidas的福袋取出，裡面有兩套風褸加運動褲、一件長袖T-shirt、一件短袖T-shirt、一條長褲，都只係10,500円！超抵！仲有個G-shock福袋！全部都只係 31,950 円，即港幣 $2,700！係咪好抵先！

我老公話要影幾張「大特寫」！





今晚好好休息，明天是最後一天了！