東京近郊七縣遊の第一天

羽田機場 -> (神奈川縣) 箱根小通園 -> 大涌谷 -> 小王子博物館 -> (靜岡縣) 伊東市

坐零晨機，真的不好受....但已習慣了坐ANA到羽田機場，所以都唔選擇其他航空公司。講起坐飛機，今次真的又一次經歷神。我哋係坐零晨00:45航班，唔知點解我同老公都傻咗，竟然坐晚上11點幾班巴士由藍田出發，坐到半路已是11點半，我先發覺我地係坐零晨00:45分班機，點解咁遲先去機場。

當我地醒咗後，第一時間衝落車，坐的士，好彩這位的士司機好好人，幫我哋以最快速度趕去機場，我哋一路祈禱希望唔好有意外之餘，亦順利趕到班機....最後 神要我哋依靠佢，唔好靠自己的經驗及智慧(以我哋有21次的旅遊經驗，都可以有咁樣的錯誤)，否則連飛機都坐唔到。

飛機於05:45到達羽田機場，在機場等到8點便去mazda counter 攞車，起步前老公話一定要影番張咪錶，記錄今次的旅程行咗幾多公里喎．．．



有車坐，又咁早，緊係去遠D，神奈川縣箱根小通園係我哋今次旅程第一個目的地，坐零晨機冇覺好瞓，浸下溫泉，等自己精神下。

小涌園分兩部分，一部分係可以著泳衣浸不同的主題溫泉，第二部分係男女分開不可著衫的園林式溫泉，我哋緊係兩部份都浸晒啦...

 我哋先選擇了較特別的"魚魚食死皮"溫泉，每次十分鐘，只是放隻腳落個泉到，有小魚魚會食腳的死皮，感覺好似比蟻咬咁。雖然大陸已興左好耐，但在日本都係第一次試。  

  

紅酒溫泉，真係好有酒味！

茶味溫泉，不過唔飲得。



仲有濃茶味。

另一種果味。

清酒溫泉，好香。

總共有二十多個特色溫泉，正！值得推介！



園內仲有風呂入浴劑，可帶番香港慢慢嘆！





差不多浸咗2-3個鐘就去箱根著名景點大涌谷，但去到之後感覺得差....人頭湧湧，荒地一遍，比起北海道的登別、硫磺山真的差很遠。(去旅行不要比較啊)

用來浸熟溫泉蛋的池。

Hello Kitty 扮大涌谷溫泉蛋。

之後去參觀小王子博物館，點知駕車的GPS沒有此地點，後來找下找下又一次體驗日本人的好客之道。我哋在途中停了車問人，問正一位正在想上車離開的太太，我不懂日文，指指本旅遊書小王子的相，她用手勢叫我們跟著她的車，十分好，找到了。

小王子的專用車。

彩色小王子像

全世界只有日本才有小王子博物館，當然要去啦。入面有好多小王子的場景！



















仲有作者的身平簡介，當然不可少的就係小王子精品，哇!我相信大部份的小王子的精品都可以在這裏找到.....

時間不早了，要趕去遠處的靜岡縣伊東巿返酒店，沿途風景明媚，攀了一個山又一個山，終於都到了。

這間酒店當然也是在 jalan網上book啦，叫伊東樂寛，網友話舊舊地，但經過一晚後，我老公話有機會一定會再來喎。

樂寛酒店有幾個貸切溫泉(貸切的意思是溫泉包場，其他人不能進入，最適宜怕被其他人見到冇著衫的樣的人浸)，以下是其中一個，我哋亦比多2100yen  book了明早另一個天台的貸切溫泉。

入口的裝飾、設置都好靚。

溫泉房入面都好大，有室內及室外兩個浸池。

最令我們感動的晚餐來了...

以上的相片是一人份量(除了那碟魚刺身外)，即每人一隻伊勢海老、長腳蟹及其他小吃，以據稱海鮮王的老公，吃到最後竟然話只吃長腳蟹的腳，身不吃了，太飽...而我當然一早已經投降，有半隻蟹由我老公包辦....吃飽後，真的想講句，太美味了。

以每人約港幣800元一晚的酒店，有這樣的晚餐，可能有些人覺得差不多了，不算太便宜，但在這間酒店的經歷當然不只這餐了．．．