東京近郊七縣遊の第六天

(山梨縣) 甲府市 -> (埼玉縣) 川越市 ->

(東京都) 三鷹館 -> 下北沢 -> (神奈川縣) 橫濱市

甲府只是我們的中途站，因為這裏有我地最愛的酒店，東橫INN。有家的感覺，所以睡得很好呢!

之後又出發到埼玉縣川越市了。原先想去秩父看芝櫻，但車程實在太遠，今日又要準時還車，所以秩父，下次再見。

川越是我今次旅程的一個很想去的景點，因為又有江戶時代的建築。但去完高山後，再去，覺得較遜色了，老公話咁多個行程，最冇特別的是川越喎...。可能人多車多，又難泊車，泊車又貴....始終都係返左去東京都附近....



川越的古舊建築物

我最愛的舊式糖果店，有時光到流的感覺，眼鏡型朱古力豆呀...

整間店舖都係買舊式糖果，都幾平的。

川越糖果街，都是一些江戶時代的建築

橫街小巷的拉麵店，老公話在日本隨意找一間拉麵舖的拉麵都好好吃，真的不錯！

龜屋

很貴的泊車位。我地研究左好耐，先知道它的運作。看看車底的銀色橫鐵，入車時還未凸起的，但一過時又未付錢，它便凸起令架車走不到。停車場入口處有部好似汽水機的物體，我地要set定停車位編號，然後入錢，該停車處的橫鐵便放下，就可以走了。不用人手收錢，超先進。

開車趕返東京都的三鷹館，此景點亦係今次行程的重點之一，我地一早係香港的日航天地買入場票，這間展館呀，好巴閉架，每日要限定入場人數，所以不設即日買票，要預先在香港買指定日子的入場票的，不過入到去，又唔覺得有限定人數囉......

其實三鷹館是展示日本漫畫大師宫崎駿的作品，所以吸引世界各地的人來參觀(當日有好多不同國籍的人)，入場係唔可以影相的，好嚴格啊！只好影場外的展覽囉。你睇，展館的入場counter是由龍貓負責看守的，係全世界最大份的職員....

展館戶外的展品係可以影相，可能係冇得影好耐的關係，見到以下的兩件展品，瘋狂似的勁影，拍埋video添。天空之城的機械人，好宏偉啊！

記得這是甚麼嗎﹖係啦，就係控制整個天空之城那粒大鑽石的......都係唔知叫咩名！

館內會看到一套只在展館看到的宫崎駿作品，今次我地看到的係貓巴士仔帶次子見老貓巴士的故事，雖然短短地，但很珍貴，因為段片從未出過街啊!之後我地買咗龍貓和貓巴士仔嗰段片的畫集，好靚架。我地見到一隻中間空咗，即可以載人的中型大的貓巴士公仔，我老公好想買，但唔知點解最後冇買到，我老公話有D遺憾。最後發現只得三鷹館先有得買，麻煩各位人士，若去三鷹館，請通知聲，幫我地買番個公仔呀。

去完三鷹館，便驅車落去下北沢，看地圖好似好近，但在東京都揸車，行仲快囉!唔係塞車、就係幾步一個燈位。我老公話以後都唔會在東京都揸車，真的，坐JR超方便囉!其實去下北沢，只係為咗一間店舖，就係study room。

因為入面買的野好特別，係一D有關自然科學及地球宇宙的模型及新玩意，店內的職員會不段介紹新產品給我們看，好特別的。
 

這個玩意在我們之前看過的介紹寵物的日本電視片集中見過的，當時主持人將粒花生放在這玩意中，猴子群以為粒花生放在器皿上面，想攞但攞不到，很好笑。其實你看相片中的骰子是否好似放在白色器皿的上面呢﹖其實是放在入面的，由鏡子反射出來的視覺差喎!



我地在下北沢只逗留1小時便要返神奈川縣橫濱市還車，點知GPS又帶錯路，落錯咗IC(高速)出口，好彩預早時間，否則mazda閉門便還不到車。嘩！看看咪錶，全程行了1286.8公里！我老公還車後，立即「腳軟」！哈哈！

還完車後，吃過又平又豐富的晚餐，便回酒店。

這間位於橫濱的酒店是我精心挑選的，因為又近還車公司、又近JR站、又近各項景點。最重要係平及仲有以下靚景．．．只係500多元港幣一晚，便可擁有這無敵靚景、無敵位置，我老公話真超值，錫晒我囉。

這間酒店是位於橫濱櫻木町站的Washington，亦都係在 J-net  book的，都好新架，同東橫INN差不多，但沒有包早餐的。