Zurich --> Interlaken --> Grindelwald --> First --> Interlaken
去歐洲多數都係坐夜機，今次我地坐瑞士航空LX139班機，於晚上10點15分起飛。
坐左12個半鐘頭飛機，直達瑞士蘇黎世Zurich，因有時差的關係，到達當地只是第二朝朝早6點幾，哇!仲有成日玩，我兩公婆向瑞士出發。
到達蘇黎世機場，雖然仲有少少發燒，但出境時完全冇人檢查，我先前的憂慮又係一個多餘。
到達機場，第一時間要搵火車站，初頭好驚好難搵，會miss咗班火車，但後來發現火車站就在機場的下層，很快就搵到，仲比預期的搭早一班火車添。
到達機場，第一時間要搵火車站，初頭好驚好難搵，會miss咗班火車，但後來發現火車站就在機場的下層，很快就搵到，仲比預期的搭早一班火車添。
我地第一個目的地係Interlaken。意思係這裏即係在兩個湖的中間。
到達火車站，我地就立即去搵今晚的落腳點--Walters B&B。根據地圖，行了差不多15分鐘，就搵到一間擁有原始瑞士屋風味的民宿，我地就係要在這裏住上兩晚。
放下重重的行李，就立即出發。我地先準備今日的午餐，見到火車站隔離咁大間的超士，就係瑞士的百佳--Coop，它是這個旅程的重要地點，我地每去一個城巿也要找到它才安心。點解﹖遲些就會知。
這兩件三文治就是我地今天上山的午餐，看看價錢牌--5.95一件三文治，好抵喎!不過這是瑞士法郎5.95，即實係要乘7.2，等於港幣約40幾蚊一件，這已是瑞士裏最便宜的午餐了。
有三文治、有水(水喉水)、有行山杖、有帽...準備好，上山。我地坐火車到Grindelwald 再坐纜車上一個叫First的山。火車的沿途景色已十分吸引，瑞士的經典草地很快就出現在我地眼前。
這就是上山的中途站Grindelwald，看，相中大部分的人都是有充足裝備的行山人士，瑞士人對行山的熱情，在今次的旅程中讓我們大開眼界。
沿途的酒店十分吸引，未上到山我老公已影咗好多相。
都唔駛睇地圖，只要跟住一班行山人士，就走到纜車站。
雖然上山的人好多，但不用多久，好快就上到纜車了。
纜車下的景色十分優美，慢慢與雪山的距離近了。
越來越高，我倆的心情越來越興奮。
最後到達近2千米的First。今天我地要行一段較短的山路往一個很美的湖泊--Bachalpsee，地圖的顯示，由纜車站到湖泊的來回路程只需個半小時，但最後我地卻用了....
行山路徑風景真係好靚，空氣十分清新。不過在接近2千米的地方行山，身體也需要時間適應，我地行得好慢，又不住的停下影相，差不多用了當地人一倍的時間才完成此路徑。
老公勁鍾意這裡的景色，佢都好滿意這兩張相！
山邊的牛群，吃草時搖晃身上的牛鈴作大合奏，悅耳的聲音，老公點會錯過，錄video啦。
山路雖然難行，但慶幸不太熱，在瑞士行山很舒服！
睇落好似好危險的山路，但在瑞士行山，好多山路都是這樣的！
充滿色彩的山坡。在瑞士的山坡與香港最大的分別，就是山上長滿了很多小花，有黃色、有白色、有紫色的，很賞心悅目！
行下行下，又問下當地人，終於來到美麗的湖泊。
歐洲人很享往大自然的景色，一家大細(包括狗兒)坐在湖邊盡享天倫之樂。
我地也入鄉隨俗，坐下休息下先。
這不是post card啊!我老公很滿意這張相片！是否好靚呢？！
回程路上見到指示牌往First的纜車站只需35分鐘。這只是給歐洲人參考的！我們要多用一半時間呀！
在觀景台看到連綿山脈，其中一個就是我們明天的目的地--少女鋒。
火車又帶我們回家了。
B&B的老闆Walter先生提醒我地Coop今晚7點關門，我們在它關門前買了些水果、蔬菜，加上由香港來的米線、回鍋肉同午餐肉....
又係我出動的時候，在瑞士民宿的廚房大顯身手。
登登登登，我地的晚餐完成了。加上一個可口的西瓜..
好，早點休息，因為明天還有更靚的景色等待著......
沒有留言:
張貼留言