Interlaken --> Grindelwald --> Jungfraujoch少女峰 -->
Wengen --> Lauterbrunnen --> Interlaken
聽網友講在這間B&B住，一定要吃早餐，因為它實在太豐富，原來真係。
這份的早餐最後也成為我地兩日的午餐(有密實袋就可以將剩餘的麵包帶走啦)，7元法郎包早午餐，真的很抵。
又上火車準備出發上瑞士最出名的少女峰。看，火車上的小枱印有Interlaken附近的路線圖，提醒旅客不要落錯車。
雖然我地已買了瑞士火車証，但上少女鋒的一段路係唔包，只可用半價及七五折的價錢買車票，計埋都要成約700港幣一個人，在瑞士塔車真係好貴。
這就是準備上少女峰的其中一節路段的火車，好多世界各地的旅客(但見不到中國人)都參觀這聞名歐洲的山鋒。
這段火車路程的風景也十分優美。
我地不斷向山上進發，前面已有兩架火車上緊山。
火車的廣播提醒乘客左邊就係少女峰。個個旅客即刻攞起相機影下影下，當然包括埋我老公。
相中最尖，最多雪覆蓋的就係少女峰。
經過一段路後，我地又要轉車坐一列只上少女峰的火車。
少女峰，越來越接近你啦!
終於上到少女峰啦!
這裏的氣溫當然無10度咁高啦！看清楚，係只有攝氏1度咋。
這裏的氣溫當然無10度咁高啦！看清楚，係只有攝氏1度咋。
少女峰的第一站係去冰宮
牆壁及地面都係冰造的。所以地面好滑。老公話我好似入咗時光隧道。
狗仔在冰宮也滑來滑去，好得意。
冰宮裏面的冰雕。
之後我地上了最接近少女峰的觀景台，我地好不容易在瑞士旗下影了一張背景無人，又最接近少女峰的相。
少女峰的另一面景色。
我地再上少女峰最高的瞭望台影相
茫茫一片的雪山景色
在瞭望台上遠眺阿萊奇冰川
在瞭望台完成我地的午餐後，走落遊樂區玩雪橇，我地只需付上雪橇的按金，就可以排隊玩，我同老公分別玩咗兩轉，好正!
之後見到幾隻雪狗排排坐，好似等人同佢地影相咁(當然要比錢啦)，我地係側邊同佢影了張單狗相。
遊樂區裏有人滑雪、玩吊索、行雪山等活動。
我地想趕去下一個景點，所以只留多一陣就走了。風景真係好靚。
之後我地坐火車從另一段路落山，沿途見到一座好似我老公隻腳的山。
火車途經Wengen這個小鎮，我地見有時間就落車遊覽下。
這個小鎮人遊人唔多，建築物又有特色，附近的山景又好靚，我好鍾意啊!
我地係呢度買咗第一件記念品，就係牛鈴，最後發現這個牛鈴係我地途經的地方中最便宜的一個，執到平嘢，正。
相中的那件貨品--手動發光器，我老公話在鴨寮街都唔駛用呢個價錢(港幣16元)買到，何況這是16元法郎呢﹖超貴！
要放出門外的大特價衫，在瑞士已是很平宜了。
由於我真係好想健行，所以選擇了由Wengen 行去 Lauterburnnen，點知成條路程都係好斜的路，沿途只見多架的越野單車駛過，行人極少，所以我相信這條路並不適合行山人士。果然當行完整條程徑後，我老公拉傷了小腿，真的很對不起他呢!
經過艱苦的路程，終於見到目的地了。相中左邊的瀑布係Lauterburnnen的代表。
瀑布只在小屋的附近，大自然在瑞士真的很近呢!
最後因為我老公隻腳極痛，打消了落Bern的行程，提早返B&B煮晚餐，又係生菜、回鍋肉、米線、午餐肉囉....
沒有留言:
張貼留言