北海道夏日賞花之旅の前言

我同老婆之前去了日本幾次，除了第一次是JR自由行外，其餘的都是跟團；又適逢電視節目「和味無窮」播出，見「Ricky生」駕車自由行好Free，好Relax，我同老婆早於2008年3月就開始計劃，暑假期間到北海道自駕遊，感受一下旅遊的自然及富良野的浪漫！好，let's go！
由計劃到出發，經過了近4個月，因為這是我地第一次自駕遊，我地都好緊張會唔適應，我地選擇只租車三日！

你無睇錯，只係三日！一來唔想令自己太辛苦，二來我地路面經驗不足，想以今次作為試驗，以便日後的日本沖繩之旅可以更有信心自駕遊！

北海道夏日賞花之旅の第一天

東京羽田機場 - > 北海道旭川機場 - > 美瑛四季彩之丘 - > 哲學之木 - >

千代田之丘 -> 美瑛

我同老婆都知道暑假去北海道，飛機位會好full，所以我地已經早於4月book機票。我地又想響行程最後一日去東京visit下，所以又想買張經東京飛北海道札幌的機票。所以我地搵旅行社的Package，包機票同兩晚札幌酒店，都幾抵！

今次去日本，又係坐零晨機，零晨飛01:30，06:45到東京羽田機場，再轉乘10:30的航班，於12:05到達北海道旭川機場。由於要轉內陸機，我地要響羽田機場等三個小時左右，我地去到羽田機場做d乜？梗係先訓一陣啦！

我地響大堂放低行李，訓左大約1個多小時，唔太擔心其他人會偷我地行李，因為日本俾到我同老婆安全感，治安應該都好好！好，訓醒喇，響機場行下！

由於日本正在爭取申辦2016年奧運，羽田機場中掛滿好多Banner宣傳，如果2016年奧運真係響日本舉行，就會好方便我地呢d自由行人士！好，2016，東京，I'm waiting for you！

上了天台瞭望台的地方，我老婆見到一d野，急急腳走過去，又叫我立即取相機影相！原來係一架ANA飛機，外面畫滿全隻都係比卡超！佢係比卡超fans，點可以錯過！好！立即影！

北海道夏日賞花之旅の第二天

白樺林、不動之淹、大雪山國立公園、牧場 -> 富田農場 -> 北星山町營公園->

彩香之里 -> 富良野芝士工房 -> Ninguru Terrace -> 富良野北海肚臍祭

因為昨晚早睡，今早起床特別精神！好，介紹一下這間民宿！這間民宿叫「BiBi」，這建築物是主樓，地下是飯堂及廚房，二樓是客房。

 

而我們住的是這間「獨立屋」，圖中左面白色的門是廁所。房間全是用木建成，一入屋便會有清香的木味散發出來。地方也很寬敞，我老婆十分喜歡。

洗澡的地方在昨天介紹的「貸切」風呂。

北海道夏日賞花之旅の第三天

富良野 -> 上富良野日之出公園 -> FlowerLand -> Kanno Farm -> ZuRuBu之丘 ->

 Ken and Mary Tree -> Seven Star Tree -> 親子之木 -> 北西之丘展望台 -> 旭川

昨晚好夜訓！今早很早起床，好累！

呢間民宿叫Tomte Rum，響上富良野，尋晚太夜，唔知個環境係點，今早起床，嚇左一跳！

 

窗外景色好似幅畫，好，再來一張近景：

房間算大，共有三張床，我地住二樓，但洗臉刷牙響房外的公眾位置。好，落樓下食早餐先，食早餐既地方好精緻，窗外就係一望無際的草原：

北海道夏日賞花之旅の第四天

旭川旭山動物園 -> 旭川 -> 札幌 -> 狸小路 -> 札幌電視塔

尋晚好好睡，因為好累，今天一早出發，去我老婆其中一個最鍾意的景點：旭川旭山動物園！Book呢間酒店的Package，包括酒店房間一晚同旭山動物園入場卷，仲有由酒店提供的七人Van接送服務，真係好正！我地就係坐呢架七人Van的，好靚！

到達動物園，我老婆好興奮，第一時間走入園中心，搵位置圖睇最想睇的動物場館：北極熊館！

北海道夏日賞花之旅の第五天

札幌市計時台 -> 札幌電視塔 -> 札幌二条魚市場 -> 「白之戀人」工場 ->

小樽 -> 小樽運河 -> 札幌

昨晚睡得很好，尤其是我老婆，佢話好鍾意日本d酒店間房細細間，好有安全感！
好，響酒店食過早餐，出發！

我地第一個目的地係二条魚市場，但由酒店步行左五分鐘左右，到達一個燈位前，見到一大班遊客停響一邊，狂影相，心知一定係重要景點，查一查旅遊書，先知道原來係札幌市計時台，好著名的！呢處仲有兩三級樓梯，俾遊客企上去影計時台的全景，照顧真週到！好難得見無人影，立即影兩三張先！

行多三分鐘左右，到達我地昨晚到過的札幌電視塔，日間睇又有另一番風味！

再行幾分鐘，就到北海道三大市場之一：二条市場。響二条市場行左一陣，貪吃的老婆話要先去食魚生飯，好啦，反正有少少肚餓，去搵野食先！(其實自己都貪吃！)

北海道夏日賞花之旅の第六天

札幌北海道廳本廳舍 -> 札幌站地下街 -> 登別 -> 地獄谷 ->

登別溫泉街 -> 登別地獄谷鬼花火祭

到了第六天，過了行程的一半，我地都仲係好興奮，因為今日踏入另一階段，離開札幌。食過早餐，上午在札幌逛街，我地先到達位於市中心的「北海道廳本廳舍」。建築以紅磚砌成，在日本比較少見。經旅遊書介紹，先知道呢種法國式砌成的紅磚建築物，響日本好珍貴，因為日本多地震，但紅磚建築物並不耐震，所以比較少見。建築物頂有支七角星旗，唔講唔知，原來係北海道旗來的！

 上午去一些商場逛下，又去左雪印，買下野，睇下。行左一個鐘左右，大概十一點，我老婆就話要早d去一間拉麵店食lunch，因為晏d會好多人，要排好耐隊。好，見早餐唔係食得咁飽，ok，let's go！

間拉麵舖叫「味之三平」，原來大有來頭：佢係札幌味噌拉麵的元祖，而且地點好隱蔽，好難搵！拉麵舖開上午十一時，我地到達係十一點十五分，店舖內已經滿座！我地等左十分鐘左右，唔算太耐，終於有位，入去睇下有乜食先！

店舖唔大，座位大約十幾個，但職員卻已經有五個，分工好精細。一位負責製麵，一位負責配料，一位落單同清潔，兩位後勤支援，好專業。

北海道夏日賞花之旅の第七天

登別 -> 日和火山湯昭展望台 -> 熊牧場 -> 尼克斯海洋公園 -> 洞爺

昨晚其實並唔早訓，因為酒店內最著名的係溫泉，共有七個咁多，我同老婆尋晚去左浸其中幾個，今早一起床又繼續浸，所以都好早出動！本旅遊書介紹，館內的溫泉水係不需循環、加溫及加水，都係因為酒店最接近登別地獄谷，所以先有咁好的溫泉！

 

 

浸完溫泉，食過早餐，我同老婆出去行多一陣先！我地上左一個叫日和火山湯昭展望台的地方，響支笏洞爺國立公園內，可近距離見到大湯沼同日和火山！下面的湖叫大湯沼，其實係溫泉水，好熱的，你睇咁多煙出就知啦！

北海道夏日賞花之旅の第八天

洞爺湖 -> 金比羅火口．災害遺構散策路 -> 洞爺湖町立火山科學館 ->

有珠山、昭和新山 -> 昭和新山熊牧場 -> 函館 -> 函館山

今早起床，天氣麻麻，密雲，尋晚又訓得唔係幾好！

八點鐘食早餐，日本嬸嬸又先幫我地收拾被舖，然後放好日式早餐。好溫馨！

食食吓早餐，有D白鴿飛響露台的欄杆上，我趕極佢地都唔走，索性用相機影低佢，都幾靚！係咪？！

早餐過後再出發，先將行李暫放酒店，我地出去其他景點先！尋日都無好好欣賞洞爺湖的景色，今早響洞爺湖旁慢步，睇到湖邊的小花，心情都開朗D！

北海道夏日賞花之旅の第九天

函館朝市 -> 函館市內觀光 -> 八幡坂 -> 函館山 -> 金森倉庫群 -> 五稜郭公園 ->

函館開港巡遊 -> 北海道函館機場 -> 東京羽田機場

尋晚訓得好好，因為好累！一起床，打開窗簾，感謝主！竟然天朗氣清，上帝聽禱告，快過打針！

呀，我地要介紹一下間民宿......呢間民宿叫The Pension Yumekukan 1987，傳聞係由一個廚師開的。個廚師響廚藝比賽中得過獎，所以好多人都專程住響佢地處，試試佢地的晚餐同早餐，話好有水準！但我地最遺憾就係唔響民宿食晚餐及早餐：尋晚上去函館山睇夜景，所以唔食；今早我地有另一吸引景點，所以都唔食！我老婆話有機會再來函館，一定要試呢間民宿的膳食！

到景點時影低民宿的外觀及房間！

我地去邊呢？！梗係......朝市啦！函館沿海，位於北海道南端，自然有好多海鮮食啦！

北海道夏日賞花之旅の第十天及第十一天

品川 -> 築地市場 -> 東京鐵塔 -> 涉谷 -> 秋葉原 -> 品川

昨晚好累，今早本來想早起但不能，最後早上8:30才起床！今日是旅程的最後一日，其實我老婆覺得整個行程「基本」已經完成，因為佢最想去的北海道賞花之旅已經完畢！

其實我地點解咁鍾意東橫 Inn 有四個原因：乾淨、舒服、近 JR 站，最緊要係平！我老婆最鍾意佢又光猛又乾淨！影下裡面有「幾大」先！

都擺得落兩個喼！

早上九點左右去搭 JR ，見到JR站好似平日繁忙時間的中環站一樣，好好好多人。我地響JR站觀察左一陣，我估大約一分鐘都有成千人經過！