北非突尼西亞探索之旅の第五天

歇比爾 -> 達玫赫扎 -> 吐澤 -> 斯貝特拉 -> 開羅安

一大清早6點起床，天也未光哂，便要快快吃過早餐，馬上被導遊趕上車！何解？何解我地今早不是坐旅遊巴？

看到相中的吉普車嗎？我地今早要坐吉普車才可參觀景點，真期待！出發前，先影下昨晚睡的酒店，也很特色的！好靚！

好！整裝待發，出動！Let's Go！

今日我地去的景點，因為大崎嶇了，不能用旅遊巴，我地要搭吉普車，進入接攘阿爾及利亞邊境的沙漠高山綠洲，嘩，好期待！

經過1小時左右，終於到達了 --- 歇比爾，此處其實是「英倫情人」拍攝取景的地方，雖然我同老婆無睇過，但都覺得十分具氣勢

自由活動時間到了！我同老婆幾個箭步，一馬當先，衝呀！很快就到達山頂，望下的景色很迷人！看到小村落，仲看到小村落旁的綠洲，我老婆第一次見沙漠中的綠洲，對於一個地理人來說，簡直係如獲至寶！

行下行下，我地見到的更令我地驚嘆！

沙漠中竟然有瀑布仔！有小溪！係咪真的？

再各前行，見到前面有一個深綠色的小湖，十分靚！雖然人十分多，各國人士都有，但我地都唔介意，被眼前的景色吸引，好！影多兩張相！影下影下，差D過時，臨走前，影多一張全景：

上車喇！我同老婆都已經覺得好滿足，但導遊話，下一個景點，感覺好似去左美國，吓！我地唔信！

好，落車喇！唔係啩，眼前見到的是這樣：

唔係啩，導遊先生，你玩我地！呢個係叫做達玫赫扎的景點，係唔係參觀舊城？！一片頽垣，毫無生機！導遊叫我地唔駛擔心，向前行多1分鐘，就會柳「暗花明」！好，信多你一次！

1分鐘後，我地覺得個景色似曾相識：

係喇，無錯！係美國既大峽谷！雖然無美國的大峽谷咁高，咁Grand，但係都好震撼！好！又係影相的時候！

好！已經影左好多張相，導遊話陸續有來！



好上車！繼續行程！

到達阿爾及利亞邊境的沙漠高山綠洲，有多了一個很美麗的景點：

睇到個天很藍，很舒服。

好喇！上午的行程完結，要搭吉普車返吐澤食午飯！

回程時，我同老婆看到好多好得意的路牌，但吉普車司機以接近飛車的速度駕駛，我地無辦法影到相！正當我地放棄之際，司機知道我地好想影D路牌，立即停車，俾我同老婆影到呢張相：

無錯！係「小心駱駝經過」！香港一定無呢個路牌啦！

沿途我老婆發現好多「教材」！叫我快D影低！好！影左先！

老婆話，呢D係預防沙漠風沙的設施，在小村莊附近一定有，因為沙塵會被後面的樹阻擋，再於前面的籬笆阻隔更多，以防風沙大量的吹入小村莊！嘩！咁多學問，老婆都解釋清楚，好不容易萬歲！

好，食午飯後，再向「自費」景點出發！呢個景點叫做斯貝特拉，擁有優美的羅馬遺跡建築群，其中有凱旋門、廣場及神殿。好，再出發！

到達了，外圍見到的情況：

係咪去左希臘呀？！再近D，影多幾張！

嘩！個天咁藍，D雲又好有Pattern，我同老婆就狂影相啦！

呢張係我幾鍾意的一張，因為要就太陽的角度，好特別，好有Feel！

羅馬廣場，好大好Grand！亦保存得好好！

廣場一景。

見到神殿的景色十分靚，好，又謀殺唔少相片！

臨走之前，影多張「凱旋門」！

上返旅遊巴，我同老婆都覺得好倦，但係都覺得好值得，因為今日真係影左好多相，仲有，最感恩的是天氣十分好，感謝主！

返到位於開羅安的酒店，覺得好特別，因為呢間酒店的前身係監獄來的！嘩！真驚驚！不過，改建後都幾靚的。好，明天繼續！